Odeyi 26:29 - IWE ỌNỊNỊ

²⁹ Dị Ịpọọrụ ka, “Ọ̀ọ vị ụmẹ ọgọdọ, àa vị ụmẹ keere, ịsị mee sì, ọ vị ka Ohomorihi ọ̀ navọ asị ahịka ẹwụnya kẹnẹ yọ nị, ama avaba aza ana aa wụ́ ịrẹyị amị ajịnị aanị, ẹ̀ zụ yà, m mẹ̀ yà aanị. Ama me yi sì ka à sị ẹba tụ́ wa, anka a mẹ̀ sị tụ́ mị aanị kẹnẹ.”

Odeyi 26:29 ပူးပေါင်းရင်းမြစ်များ

2 Ịsamụwẹrị 18:33

Ẹngụ ohinọyị ọ sị sụ ẹgahị ọ mẹ̀ vavọọ wụ́, di o zi oze ini ukere oze ịnị ẹkụra hịrẹ nọ ini eehi anị, di o nee sụ́ ùnè nị. Ó mèe sụ́ ùnè dị ọ ka, “Abịsarọmị ozi emi, oo! Abịsarọmị ozi emi, àa yẹ ahịka ẹmị ụvọta ọ yaanị maanị sú nị. Abịsarọmị oo, ozi emi oo!”

2 Ohinọyị 5:3

Ẹkụhị ọnya ozi ọnẹẹ ọnọnị ộ kà a yị onyirehi anị ka, àa yẹ ọga anị ọ̀ dọ, di ò ne tu ọnịsẹ ana yà Ịsamarịya, ka vị aa mẹ̀ ẹ ụkụ anị ọnọnịị yọ nị.

Ọyịkụra 16:3

Di Anisirẹrị kà a yị wa dị ẹka: “Àa yẹ Ẹnẹyịmavara ọ̀ vana wụ yi hi Ijipiti. I mè hi ịzọọ yàa rị uye ọnịrị ịsọyịrị ana vọ o mè zee yi eyi. Ama wa raà kụ́ avaba ayị ẹnẹnị vẹ ịnị ụnọmị ịzẹnị ka wa sị ụngwẹ wụ̀ yị va ha nịnị.”

Ijeremaya 13:17

Ọ kà, wàa ka wẹ yị wụ nịnị, ọnị vaa jị òrèrè ịnị aku, agụvị ka waa sị ẹngụụ tụ ẹba nịnị. Ọnị vaa jị òrèrè ọngwọọngụ dị ẹgọ ee si agụvị ka asị aza Ẹnẹyịmavara za ọrịhị ne hi aha ọsa.

Ijeremaya 38:20

Ijeremaya ka, dị ọnị kà a yị ọ ka, ọza ẹ́ yị vaa hụrẹ ụvọ yị wa nị. Ọnị aa dá ịpẹẹ yị ọ ka ọ̀ mẹ ịsị Ẹnẹyịmavara kà ọnị ọ̀ kà yị ọ aanị. Ịjọnọọ ọ́ vaa rọ̀ ọ ẹngụ, dị ọ ha nị.

Ịrịka 11:29

Ama dị Imosiisi tụ ọ ohi ka ọ́ọ́ waa kụ ịhị agụvị anị aanị nị? Dị ọ ka ọnị o si ka avaba aza ẹ nyị ụkata dị ẹ ka ịsẹ.

Ịjọọnụ 5:34

Ẹ yị vị ka vị ẹmị vị ene ee sì ivenu aza nị; ọsọnị vị ọnị maa kà kẹnẹ, agụvị dị ụ wa nyẹngụ há nịnị.

Odeyi 12:6

Ịnị ịrahụ ịhị ọnị Ịhẹrọdị ro ka ọnị aa sị Ipita nee tù aza aanị, dị Ipita ọnị aa sụ̀ ara ịnị akakana isoja ẹẹva nịnị nị. Dị a sị ẹba ẹẹva sụ́ ọọ, di oserẹtẹ nịnị jẹẹ oze, di eyee sere ẹngwa nị.

Odeyi 21:33

Dị ọga ọbanyị ọnọọ wụsẹ na za Ịpọọrụ, dị ọ ka à sị ẹba ẹẹva sụ́ ọọ nị Di o ve họ̀ use ka, “Ẹnẹ ọza ọnọnị vị? Sị ọ mẹ?”

Odeyi 25:14

Ẹ mẹ̀ yà ịzọọ mẹ ẹkụhị chee, di Ịhwẹsịtọsị kà ịrẹyị Ịpọọrụ zụ̀ ohinọyị ọnọọ nị. Dị ọ ka, “Â nyị ọnọrụ ọnya oni Ịhwẹrịsị navọ tụ́ ịnị ẹngwa.

Aniroomi 10:1

Ẹwụ nịnị ẹyịnyara amị, maa mẹ̀ aduwa, ayị amị ee sì ọọ ẹtẹẹtẹrẹ ka ọ maa navọ Anisirẹrị nịnị ẹ̀ zụ há.

1 Anịkọrịntị 4:8

Wée ro ka wa sị avaba ịsa nyị nịnị! Ụ ka wa sị vị ọzọbanyị nịnị, ụ rẹ ka ohinọyị ụ vị nịnị nị, ẹyị ẹ̀yị daka vị ohinọyị. Àa yẹ à hị́ ka ohinọyị obooro ụ vị nịnị nị, dị ẹyịrị ẹwụ nịnị ọ̀ yaanị dudu rị ohinọyị!

1 Anịkọrịntị 7:7

Mị yaanị sì ka avaba aza ẹ̀ yà anka ẹ́mị mẹ̀ yà. Ama ụkata oni Ohomorihi sị yị ọzọza vị irenyi-irenyi. Ohomorihi ộ sị ụkata yị aza ẹnyị ka ẹ̀ zụ mẹ ọsọnị, dị ọ rẹ sị ụkata yị ọsa ka ẹ̀ zụ mẹ ọsọọ nị.

2 Anịkọrịntị 11:1

Àa yẹ wa zụ sị ụtọ pe ụra ọnị maa vaa kà nịnị aanị! Navọ weyi batọ nịnị!

Anẹhwẹsọsị 6:20

Odeyi Ikirisiti mị vị nị, ộ tụ́ mị ka ma naa kà enube ọyịzaa yị aza nị; agụvị anị mị hyakụ yà ịnị ẹngwa booro aanị nị. Mẹ aduwa yị mị nịnị ka ma nyị ọtụtụrụma dị ma yịị kà a, anka ọ mẹ̀ vọrọ!

Anikorasi 1:28

Agụvị avọọ ị yaa kà ịrẹyị Ikirisitii yị avaba aza nị. Yaa kà wa ọnọ, ị raa sị ịrẹyọyẹẹ zụ̀ wa ịsa, agụvị dị ya mẹ ka aza ẹnẹ ẹnịrị Ikirisiti sị vị ọnya ẹ̀ zụ gụ.