Odeyi 26:28 - IWE ỌNỊNỊ

²⁸ Dị Agiripa kà a yị Ịpọọrụ ka, “Ịnị ụmẹ keere ọnọnị, ụ waa vaa vara mị Anikirisiti nị?”

Odeyi 26:28 ပူးပေါင်းရင်းမြစ်များ

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

Imatiwu 10:18

A rẹ vaa za wụ nịnịị nọ ịda ịgọvọnọ nịnị ọnịrị ohinọyị nịnị agụvị amị kẹnẹ, ka wa kà enube ọyịza yị wa ọnịrị anẹhẹ ana vọ.

Ịmaakị 6:20

agụvị ka Ịhẹrọọdụ vị ene ee hí angwa Ịjọọnụ, agụvị ka ộ yẹ ka Ịjọọnụ vị ọnịrẹyịzẹyịza, dị ọ rẹ vị ọza ọnịnị nị. Agụvị avọọ dị Ịhẹrọdị ka à sị eyi pe Ịjọọnụ nị. Ịhẹrọdị ọ̀ọ wụ́ ịrẹyị Ịjọọnụ, dị ayị anị sị vazi, ama dị ịnẹ anị ee yii hine ka ọnị ọ̀ wụ́ ịrẹyị anị.

Odeyi 11:26

O mè si oo re, dị ọ sị ọọ vẹ Antịyọkị nị. Ịnị ịrayị ọyịvụrụ ọnya, ẹnẹ ẹnịrị anịragụ Ohomorihi aa kụ́ gụ, dị ẹyaa zụ̀ aza ọrụrụ-ọrụrụ ịsa nị. Antịyọkị a vịdị yà hị́ ọdọwụ nịnị “Evere Ikirisiti” ịpaapa nị.

Odeyi 24:25

Ịjị Ịpọọrụ aa kà ịrẹyị ka â vọrọ ka ọza ọ̀ọ mẹ ịzẹyịza, dị ọ̀ sị ụvọ za ẹngụ anị, dị ọ rẹ ka ẹkụhị ọkarẹyị aa vẹ, angwa ee hí Ịhwẹrịsị. Dị ọ ka Ịpọọrụ ọ̀ọ na da, ka ọnị rẹ vanaa tụ́ hị́ ọọ, ịhị oni òo re oze nị.

Odeyi 26:27

Taarụ, Agiripa, wáá dọ ọnịsẹ nịnị wụ́? Mâ yẹ ka wâ dọ wa wụ́.”

Odeyi 26:29

Dị Ịpọọrụ ka, “Ọ̀ọ vị ụmẹ ọgọdọ, àa vị ụmẹ keere, ịsị mee sì, ọ vị ka Ohomorihi ọ̀ navọ asị ahịka ẹwụnya kẹnẹ yọ nị, ama avaba aza ana aa wụ́ ịrẹyị amị ajịnị aanị, ẹ̀ zụ yà, m mẹ̀ yà aanị. Ama me yi sì ka à sị ẹba tụ́ wa, anka a mẹ̀ sị tụ́ mị aanị kẹnẹ.”

2 Anịkọrịntị 4:2

Ya raà hụrẹ ụvọ avaba ịsa ini ewere ọnịrị ịsị ẹẹ̄ mẹ ụhịị nyị ọza. Ye yi vene ọza, ya yi re sima ịrẹyị Ohomorihi. Ohomorihi vị onivenu ayị ka, ịzẹyịza kẹnẹ ịị̄ kà nị. Oze avọọ ị ya zịị mẹ ka aza ẹ̀ yẹ ịnị ayị ẹnịnị ka ya wụra sị ayị tụra nị.

1Ipita 4:16

Ama ọza àaa rị ụya agụvị ka ọ́ọ vị ọdọwụ, asị ụhị nyị ọ. Ama ọ̀ọ sị ụgaa yị Ohomorihi, agụvị ka a vaa yẹ ka evere Ikirisiti ọ vị nị.