Odeyi 26:17 - IWE ỌNỊNỊ

¹⁷ Mị vaa dọ wụụ tụ́ hụụnị ụvọ Anisirẹrị ọnịrị aza ẹnẹ ẹ̀ yị vị Anisirẹrị ọnị maa tụ́ wụụ nọ ịda anị.

Odeyi 26:17 ပူးပေါင်းရင်းမြစ်များ

1 Ịtọpa 16:35

Kà a yọ nịnị ka: Ẹwụ Ohomorihi ana aā dọ yịị ha, navọ wa dọ yị tụ́. Dị wa tọ̀ọ yị hụụnị avaba ẹkụra vabẹ, dị ya zụụ kụ́ wụ avọ, dị yaa ga wụ.

Ahẹ Ụgama 34:19

Aza ana aa mẹ̀ ebira ana vọrọ ini eyi Ohomorihi ẹ nyẹngụ nyị ẹngụkata irenyi-irenyi ama Ẹnẹyịmavara vị ana aa tụ̀ wa hụụnị avaba anị.

Ijeremaya 1:19

Ọ kà ẹnịnị vaa kụ ịrẹkụ tu ọnị ama ẹnịnị ẹ yị va zụụ za ọnị, agụvị ka ọnị ọ yà pe ọnị ọ yị dọ ọnị ha.

Ijeremaya 1:8

Ẹnẹyịmavara kà, asị ọnị hí angwa ka ọnị vaa ya pe ọnị dị ọnị dọ ọnị tụ.

Ezikẹẹrị 3:5

Ọ kà ọnị ẹ̀ yị tụ ọnị Ezikẹẹrị nọ ịdị aza anaa kà ẹkụra ọsa, ama Anisirẹrị nịnị ọnị tụ ọnị tụ ọnị hị́.

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 16:39

Dị ẹ va kụ́ Ịpọọrụ nịnị nyarọyịkụ, dị ẹ kụ́ wa hụụnị ẹngwa, dị ẹ dá ịpẹ yị wa ka ẹ̀ hụụnị ẹkụra ọnọọ nị.

Odeyi 17:10

Ẹ́tẹ mè si hozi kẹnẹ, dị ọdọwụ nịnị ka Ịpọọrụ ọnịrị Isira ẹ̀ẹ nọ Ibereya nị. Ịjị e tù ịzọọ, dị ẹ nọ ini irehi Ohomorihi Aniju nịnị nị.

Odeyi 17:14

Dị ọdọwụ ene hi ịzọọ wụsẹ ka Ịpọọrụ ọ̀ọ na huuu dị ọ̀ na ngụ ụtọ oku nị. Di Isira ọnịrị Itimoti ẹnị yị yà Ibereya nị.

Odeyi 18:10

agụvị ka mâ yà pe wu. Ẹ yị nyị ọza ana zụ mẹ wụ ịsọnyị-ịsọnyị. Mâ nyị aza rụrụ hi ịnị ẹkụra ọnọnị.”

Odeyi 25:3

ka ọ̀ mẹ̀ ịsa ọnya yị ẹnị nị. Ẹ ka ọ̀ tụ́ Ịpọọrụ óze.

Odeyi 28:28

Dị Ịpọọrụ ka, “Dụ wa yẹ nịnị ka a raà kà enube ẹdọha Ohomorihi yị Anigiriki nịnị. Ẹnịnị vaa sị ụtọọ pee!”

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Aniroomi 11:13

Ẹwụ nịnị ẹnẹ ẹ̀yị vị Aniju mị kụkụ aa kà ịrẹyịị yị booro aanị nị. Ẹma vị odeyi ana aa mẹ̀ ụkọrọ ị́da Anigiriki nị. Udi amị ọnọọ vị ọnị mị nyayịnẹ sị ụbanyị yị.

Aniroomi 15:16

ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ.

Anigaratiya 2:9

Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị.

1 Itimoti 2:7

Agụvị avọọ Óhomorihi nyị mị ka ma vị odeyi, dị maa kà enube ọyịzaa yị aza nị. Dị ma rẹẹ sịị zụ̀ anẹhẹ ka ẹ̀ sị ayị tụra Ohomorihi, dị ẹ̀ rẹẹ mẹ ịzẹyịza. Me yi cheeche, ịzẹyịza m maa kà nị.

2 Itimoti 1:11

Agụvị enube ọyịza ọnọọ Óhomorihi nyị mị ka ma vị odeyi, dị maa kà a, dị ma rẹ sịị zụ̀ aza nị.

2 Itimoti 3:11

Wâ yẹ, a mẹmẹ sị ụya rị mị ọnịrị ịsị mi sị eyi re Antịyọkị ọnịrị Ayịkọnịyọmị beri Ịrịsịtịra. Wâ yẹ ụyọrị ọbanyị ọnị mị sị ẹngụ dọ. Ama Ananyị yị ọ́ọ dọ mị tụ́ hụụnị avaba anị.