Odeyi 24:27 - IWE ỌNỊNỊ

²⁷ Ị́rayị ẹẹva mẹ̀ sị mẹ para hu, dị Ịpọkịyọsị Ịhwẹsịtọsị dọ Ịhwẹrịsị ịrẹsụ nị. Ịhwẹrịsị ô sì ka ọnị ọ̀ mẹ ịsị Aniju nịnị sì, agụvị avọọ dị ọ navọ Ịpọọrụ tụ́ ịnị ẹngwa nị.

Odeyi 24:27 ပူးပေါင်းရင်းမြစ်များ

Ọyịkụra 23:2

Asị ụ na saasa ọkọnị aza na mẹ̀ ịsa odivi. Àa hị́ wụ ivenu ịnị ịrẹyị asị ụ na saasa aza ọrụrụ dọ ivenu ireche. Ẹngụ ivenu ọnọọ ọ mā zẹẹ ka à mẹ̀ ọkarẹyị ana vọrọ.

Ụhịrẹyị 29:25

Ọza ene e hí angwa ọza vị ana a va ịrẹpa zi ẹngụ anị, ama ọza ana sị ayị tụra Ẹnẹyịmavara ọ sị ha.

Ijeremaya 38:13

Dị ẹnịnị tụra ọnị hụụnị ịkangga va jịnẹ nị. Ịjị ẹ́ raa sị ọnị va jịnẹ, dị ẹ́ navọ ọnị tụ ohweje oserẹtẹ nịnị nị.

Ịmaakị 15:15

Ama Ipayireti ô sì ka ọnị ọ̀ mẹ̀ ịsa ene zè aza ẹnẹẹ eyi; agụvị avọọ dị ọ hụrẹ Ibaraba ụvọ yị wa nị; Dị ọ ka è tụ́ Ijeesu ịjapa, dị à sị ọọ, dị à na kanyị ọọ za apavahị.

Odeyi 12:3

O mè re ka ô hine Aniju nịnị, dị ọ rẹ na za Ipita nị. Ụmẹ ọnọọ, a sịị̄ rị Eche Ịbụrẹẹdị ọnị ọza ọ̀ yị mā sị òwù tụ́ nị.

Odeyi 23:35

dị ọ ka, “Mị vaa wụ́ ịrẹyị awụ, ịjị aza ana za wụ ẹnị ẹ̀ẹ rẹ vẹ.” Dị ọ mẹ ọda ka à sị eyi pe Ịpọọrụ tụ́ ịda Ịhẹrọdị ohinọyị nị.

Odeyi 25:1

Ịhyẹgwẹta oni Ịhwẹsịtọsị vẹ ịnị ẹtẹ ọnọọ, dị ọ hụrẹ Isesariya, dị ọ hịrẹ nọ Ijerusarẹmị nị.

Odeyi 25:14

Ẹ mẹ̀ yà ịzọọ mẹ ẹkụhị chee, di Ịhwẹsịtọsị kà ịrẹyị Ịpọọrụ zụ̀ ohinọyị ọnọọ nị. Dị ọ ka, “Â nyị ọnọrụ ọnya oni Ịhwẹrịsị navọ tụ́ ịnị ẹngwa.

Odeyi 25:4

Ama dị Ịhwẹsịtọsị ka à navọ Ịpọọrụ tụ́ ịnị ẹngwa tụ́ Isesariya, ka oyi vee kù dị ọnị ọ̀ nọ ịzọọ.

Odeyi 25:9

Ịhwẹsịtọsị ô sì ka ọnị ọ̀ mẹ̀ ịsa ana Aniju nịnị ee sì, dị ọ kà a yị Ịpọọrụ ka, “Ụ waa hịrẹẹ nọ Ijerusarẹmị, dị ma na mẹ̀ ọkarẹyị ịrẹyị ọnọnị ịzọọ?”

Odeyi 26:32

Dị Agiripa kà a yị Ịhwẹsịtọsị ka, “A yaanị sị ọnọrụ ọnọnị hụrẹ ụvọ, ẹ̀ ị vị ọnị ọ ka ọnị aa sị ịrẹyị anịị nọ ịda ohinọyị Aniroomi.”

Odeyi 28:30

Ịpọọrụ ộ yà ịzọọ mẹ ịrayị ẹẹva ini irehi ọnọọ dọ di ee sí ụta anị. Dị aa dọ aza ene èe ve hee yi ọzọga nị.

Anigaratiya 1:10

U wéé yi ro ka m maa dụ ka ọza ọ̀ọ ga mị nị, à vị Ohomorihi mi sì ka ọ̀ọ ga mị nị? Eyi ọza m maa mẹ̀ nị? Mèe yii sì ka ma mẹ eyi ọza, mẹ yị zụ vị ozi ahụ Ijeesu Ikirisiti.