Odeyi 23:9 - IWE ỌNỊNỊ

⁹ Dị aza ee nowuu hu avọọ nị. Dị ọzwọzọda nịnị ini ogu Anihwarisi kwẹẹtẹ, dị ẹ ka, “Ẹ yị nyị ịsa odivi oni i re ka ọnọrụ ọnọnị ộ mẹ̀. Ọ nyẹngụ hụ ọọ ahịka ụhwẹ ẹnyị, àa vị anggẹẹrị ọ kà ịrẹyịị yọ nị.”

Odeyi 23:9 ပူးပေါင်းရင်းမြစ်များ

Ụhịrẹyị 16:7

Ọza ọ̀ọ mẹ̀ ebira ana ngụ Ẹnẹyịmavara eyi, dị ọ mẹ̀ ka ọnịrị ọnịvị nịnị e zee.

Ijeremaya 26:16

Dị ẹnị ọdọvịdị nịnị ẹnịrị aza ana vọ va kà a yị ẹnị ohirẹsụ irehi Ohomorihi ẹnịrị ọnịsẹ nịnị ka, ẹ́ yị vọrọ ka à wụ̀ ọza ọnọnị o. Ka ịrẹyị Ẹnẹyịmavara Ohomorihii ẹnịnị ọ va ka yị ẹnị nị.

Ịmaakị 2:16

Ọzwọzọda nịnị ana rẹ vị Anihwarisi ê re, Íjeesu mèe beri aza edivi ẹnịrị ọdẹkẹhirehi nịnị rị ịsa. Dị ẹ kà a yị ezirẹma anị ka, “Sị ẹ vẹ di ee beri ọdẹkẹhirehi ọnịrị aza edivi nịnị ị rị ịsa?”

Iruuku 23:22

Dị Ipayireti rẹ kà a yị wa ụpẹ ọhụta ka, “Sị ẹ vẹ, sị ẹ vị ịsa odivi ọnị ọ mẹ? Me yi re ịrẹyị ana a vọrọ ka à sị wụ ọ. Maa kà a ka è tụ́ ọọ ịjapa, dị ma hụrẹ ẹ ụvọ.”

Iruuku 23:4

Dị Ipayireti kà a yị ohirẹsụ ẹbanyị irehi Ohomorihi ọnịrị aza ana vọ ka, “Me yi re ịsa odivi ọnị ọnọrụ ọnọnị mẹ, oo!”

Iruuku 5:30

Dị ọzwọzọda ọnịrị Anihwarisi nịnị aa rị ihuhu, dị ẹ kà a yị ezirẹma Ijeesu ka, “Sị ẹ vẹ di u wee beri ọdẹkẹhirehi nịnị ọnịrị aza edivii rị ịsa, dị ẹwụrị wa ee hú nịnị?”

Ịjọọnụ 12:29

Aza ana jẹẹ ịzọọ ệ wụ́ ọngwẹ ọnọọ, dị ẹ ka, “Ihinẹba aa kà iritu.” Dị ẹnyị ka, “Anggẹẹrị aa kà ịrẹyịị yọ nị.”

Odeyi 11:17

Avaba ọzọza ô re e ka ẹyịza ọnyọọnya Óhomorihi sị yị aza ẹnẹẹ ẹnẹ ẹ̀ yị vị Aniju nị, anka ọ mẹ̀ rẹ sị yị ẹyị, ị mẹ̀ sị ayị tụra Ijeesu Ikirisiti Ananyị yị. Ẹnẹ vị ẹmị, ana vaa dọ Ohomorihi oro ka asị ọ mẹ ịsị ọ ka ọnị aa mẹ?”

Odeyi 22:6

“Ẹkụhị ọnya, m màa nọ Ịdamasịkọsị, maa vaa ngụ ịzọọ ịnị ụmẹ ọọdụ, dị ẹtẹ vene wuse hweyi hụrẹ ẹbẹẹba vẹ, dị ọ kara mị nị.

Odeyi 22:7

Dị mị hyẹdụ nya ẹtẹ nị. Dị mị wụ́ ọngwẹ ọnya, dị ọ kà a mị ka: ‘Ịsọọrụ, Ịsọọrụ! Sị ẹ vẹ dị waa sị ụyaa rị mị?’

Odeyi 23:29

Me ve re ka ọyị mẹ ịrẹyị anaa vọrọ ka à sị wụ ọọ, à vị ka dị à zaa tụ́ ịnị ẹngwa. Mê re ka ịrẹyị ọda ẹnịnị ẹ́ yaa kụ́ ẹnẹẹ sị zaa nị.

Odeyi 23:8

Anisadusi nịnị ẹnị ka oku ẹyị vaa haa hụụnị isu. Ẹ ka ẹ yị nyị anggẹẹrị nịnị, ẹ rẹ ka oku ẹyị vaa haa hụụnị isu. Ẹ ka ẹ yị nyị anggẹẹrị nịnị, ẹ rẹ ka ẹ yị nyị ịsa ọnị ọza ọ̀ yị zụ sị eyi re. Ama Anihwarisi nịnị, ẹnị ệ dọ ka â nyị avaba ẹsẹnị.

Odeyi 25:25

Ama me yi re ka â nyị ịsị ọ mẹ anaa vọrọ ka à sị wụ ọọ. Ọnị ụvọta ka ọnị aa sị ịrẹyị anịị nọ ịda Ọgọsịtọsị. Ma raà sị tụ́ ịnị ayị ka maa sị ọọ na.

Odeyi 26:31

Ẹ mẹ̀ hụụ ịzọọ, dị ẹyaa kà a yị ẹngụ ka, “Ẹ yị nyị ịsị ọnọrụ ọnọnị mẹ anaa vọrọ ka à sị wụ ọọ. Ẹ yị hyakụ vọrọ ka à sị ọọ tụ́ ịnị ẹngwa bẹẹ.”

Odeyi 27:23

Anggẹẹrị Ohomorihi ana nyị mị, ọnị maa hẹkẹ, ộ jẹẹ pe mi ịrahụ”,

Odeyi 5:39

Ama àa vị Ohomorihii yọ nị, we yi zụ vú ọ ẹtẹ nịnị. Ẹ̀ yị vị avọọ, u vee re ka we si nyima ee pe Ohomorihi zyaazị nịnị.”

Odeyi 9:4

Dị ọ hyẹdụ nya ẹtẹ, dị ọ wụ́ ọngwẹ ana kà a yọ ka, “Ịsọọrụ, Ịsọọrụ, sị ẹ vẹ dị ụ waa sị ụyaa rị mị?”

1 Anịkọrịntị 10:22

I yee sì ka ya mẹ ayị kụ́ Ohomorihi nị? I yéé ro ka yáa nyị ụkata hu ọọ nị?

1 Ịsamụwẹrị 12:5

Dị Ịsamụwẹrị ka, “Ẹnẹyịmavara ọnịrị Ohinọyị ọnị ọ nyị vị onivenu ayị ajịnị ka ẹ yị nyị ịsị mị mẹ wụ nịnị.” Dị aza ẹnẹẹ ka, “Hịịn, Ẹnẹyịmavara vị onivenu ayị.”

1 Ịsamụwẹrị 24:17

Dị ọ ka, “Idevidi, ẹwa mẹ̀ ebira ana vọrọ, dị ẹmị sị ụsẹ evita nị. Wâ mẹ̀ ebira ozoza hi mi, dị ahịka ọhịmị mị sị si wu atọ nị