Odeyi 23:35 - IWE ỌNỊNỊ

³⁵ dị ọ ka, “Mị vaa wụ́ ịrẹyị awụ, ịjị aza ana za wụ ẹnị ẹ̀ẹ rẹ vẹ.” Dị ọ mẹ ọda ka à sị eyi pe Ịpọọrụ tụ́ ịda Ịhẹrọdị ohinọyị nị.

Odeyi 23:35 ပူးပေါင်းရင်းမြစ်များ

Ijeremaya 38:13

Dị ẹnịnị tụra ọnị hụụnị ịkangga va jịnẹ nị. Ịjị ẹ́ raa sị ọnị va jịnẹ, dị ẹ́ navọ ọnị tụ ohweje oserẹtẹ nịnị nị.

Imatiwu 2:1

Ijeesu vị ana a ma ịnị ẹkụra Ịbẹtịrẹhẹmị ịnị ẹtẹ Ijudiya. Ịhẹrọdị ọ vị ohinọyị ịnị ụmẹ ọnọọ nị. Â nyị aza ẹnyị aanị ana ahịka ệ yẹ ịsị ụzọmịị̄ ka. Ẹnịnị ệ hụrẹ eyi ọnị ọyịị̄ zịị hụrẹẹ vẹ, ệ vẹ Ijerusarẹmị.

Imatiwu 2:16

Ịjị Ịhẹrọdị sị yẹ ka ọyẹrẹyị ẹnẹnị ẹ sị ọnị vene, dị ayị anị aa dà ọva nị. Dị ọ mẹ ọda ka à na wụ̀ avaba ezinụvọ ana vị ịrayị ẹẹva vachi ene hi Ịbẹtịrẹhẹmị ọnịrị okokooro anị nị, anka ụmẹ ọnị ọ́ tangwa họ̀ use hụụnị ụvọ ọyẹrẹyị ẹnẹẹ nị.

Imatiwu 2:3

Ịjị Ịhẹrọdị maanị wụ́, ayị anị ọ yị nẹtẹ, ayị avaba Anijerusarẹmị nịnị ẹ́ yị rẹ nẹtẹ bẹẹ.

Imatiwu 27:27

Dị isoja ịgọvọnọ ẹnẹẹ sị Ijeesu nọ ịnị ọba irehi anị nị, dị ẹ hị́ isoja nịnị ana vọ gụ kara a nị.

Ịjọọnụ 18:28

Dị ẹ rẹ sị Ijeesu hụụnị eehi ịdị Ikayahwasi, dị ẹ sị ọọ nọ ịdị ịgọvọnọ nị. Ẹnẹnẹ viri-viri ọ vị nị. Aniju nịnị ẹ yị ngụ ịzọọ, agụvị ka e yi sì ka eni è du ẹngụ ẹnịnị ẹngụ, agụvị ẹ̀ zụ rị ịsọyịrị Eche Ọyịparahu.

Odeyi 23:30

Ma rẹ va wụ́ ka Aniju ẹnyị aa gẹ eyi anị, dị mị ka ma wụsẹ sị ọọ va wụ nị. Mâ kà a yị aza ana zaa, ka ẹ̀ vaa kà a ọ́vịdị awụ ịrẹyị ẹnẹẹ sị zaa.”

Odeyi 24:1

Ịrẹma ẹkụhị ẹẹhị kwooze, di ohirẹsụ ọbanyị irehi Ohomorihi ana aā hị́ Ananịya chí nọ Isesariya nị. Ọnịrị azọkụ nịnị beri ọza ịnya ana yẹ eyi ịrẹka ọyịkụ ana aā hị́ Iteturọsị ẹ zị na nị. Ịjị e tù ịda ịgọvọnọ ọnọọ, dị ẹ kà a yọ ịrẹyị ẹnẹẹ sị za Ịpọọrụ nị.

Odeyi 24:10

Di ịgọvọnọ mi Ịpọọrụ ụvọ ka ọ̀ kụ́ irenu anị nị. Dị Ịpọọrụ ka, “Mâ yẹ ka o si kù ọnị ụ hụrẹ vị ọmọkarẹyị tụ́ ịnị ẹkụra ọnọnị. Ịnẹ amị ô hine ka ma kà irenu amị zụ̀ wụ.

Odeyi 24:19

Aniju ẹnẹẹ ẹ̀ẹ ka â nyị ịsị mị mẹ, ẹnị a vọrọ ka ẹ̀ vẹ, dị ẹ̀ va kụ́ irenu ẹnịnị nị.

Odeyi 24:22

Ịhwẹrịsị ộ yẹ ini oze Ikirisiti ẹtẹẹtẹrẹ. Dị ọ za ịrẹyị ọnọọ jẹẹ nị. Dị ọ ka, “Ịjị Irisiya ana vị ọga ọbanyị isoja nịnị ọ̀ọ vẹ, mị vaa mẹ̀ ọkarẹyị ịrẹyị awụ nịnị.”

Odeyi 24:23

Dị ọ ka ọga isoja nịnị ẹchẹhị ọnya ò sị eyi pe Ịpọọrụ nị. Ọ kà ọ̀ sị oze yị Ịpọọrụ, dị ọ̀ rẹ navọ aza Ịpọọrụ ka è ve hee yi, dị ẹ̀ rẹ sị ịsa yọ.

Odeyi 25:16

Dị mị kà a yị wa ka Aniroomi ọ mā kà a ka à na wụ̀ ọza ana àa za, ẹ̀ yị vị ọnịrị ọza ana zaa maanị ee re ẹngụ eyi gẹrị eyi, dị ẹ̀ kụ́ ịrẹka. Ịjọnọọ di ò re oze kụ́ irenu anị ini oze ịrẹyị ana àa ka ộ mẹ̀.