Odeyi 23:34 - IWE ỌNỊNỊ

³⁴ Ịjị ịgọvọnọ ọnọọ sị iwe kà, dị ọ họ̀ Ịpọọrụ ka ịzị ọ hụrẹ vẹ nị. Ọ mẹ̀ sị ọọ kà a yọ ka Isirisiya ọ́nị hụrẹ vẹ nị,

Odeyi 23:34 ပူးပေါင်းရင်းမြစ်များ

Ẹsịta 1:1

 nyị ụmẹ ọnya aanị ọnị ọnụra ana aā hị́ Ahasẹrọsị sị vị ohinọyị ẹtẹ Indiya huu na ngụ ẹtẹ Etiyopiya ana aa rẹ hị́ Ikusi. Ịrayị ẹchẹhịnọnyị tụra ịhịmba ọ mẹ ịjọva tụra ẹkụra ẹnịnị ịrẹsụ nị.

Ẹsịta 8:9

Obooboro ọnọọ a hị́ ọchẹrịsa ohinọyị nịnị, dị ẹ chẹrẹ ịsị Imodekaya kà yị wa nị. Iwe ọda ọnọnị vị ana a sị ẹkụra ọzọza chẹrẹ. A rẹ chẹrẹ tụ́ hí Aniju nịnị anka ẹnị mẹ̀ rẹẹ̀ chẹrẹ ẹkụra ẹnịnị. Dị a kụ́ iwe ọnọọ tụ́ hí ọdọvịdị ẹkụra nịnị, Ịgọvọnọ nịnị, ọnịrị aza ọkọọka ene hi ịnị ẹtẹ ọnọọ hụrẹ Indiya na ngụ Etiyopiya nị. Ẹkụra ẹnẹẹ vi oze ẹchịhịnọnyị tụra ịhịmba. Ịsa ọnọnị vị ana na mẹ ịnị ẹkụhị ohurẹẹta ịnị ụhwẹ ọhụta ana aā hị́ Isivanị.

Ịdanịyẹrị 2:49

Ịdanịyẹrị ộ da ịpẹ yị ohinọyị ka, ọ̀ nyị Isediraki, Imesaki ọnịrị Abedinego dị ẹ̀ sị eyi pe ịsa anaa na ịnị ẹtẹ Ịbabịrọnị nị. Ama ọnị Ịdanịyẹrị vanaa ya ịdị ohinọyị.

Ịdanịyẹrị 6:1

Ẹkụhị ọnya, ohinọyị Ịdarịyọsị ộ nyị aza ẹnị ẹchẹhị tụra oohu ka ẹ̀ vị Ịgọvọnọ ene vee pe ọnị sị eyi pe avaba ẹtẹ ọnị ọnị aa mẹ ịjọva anị.

Iruuku 23:6

Ịjị Ipayireti wụ́ ịrẹha Igariri, di o ve họ̀ use ka Anigariri Íjeesu wáá vị nị.

Odeyi 15:41

Dị ọ zị oze Isiriya ọnịrị Isirisiya na para hu, dị ẹyaa tụ́ anịragụ Ohomorihi ẹnẹẹ ọtụtụrụma nị.

Odeyi 21:39

Dị Ịpọọrụ ka, “Aniju mị vị nị. Ẹkụra Ịtasọsị ịnị ẹtẹ Isirisiya a yà ma mị nị. Mẹ yị vị anẹkụra ịyẹyẹ. Aarịhịnị, jẹẹ ma kà ịrẹyị yị aza ẹnẹnị.”

Odeyi 25:1

Ịhyẹgwẹta oni Ịhwẹsịtọsị vẹ ịnị ẹtẹ ọnọọ, dị ọ hụrẹ Isesariya, dị ọ hịrẹ nọ Ijerusarẹmị nị.

Odeyi 6:9

Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata.