Odeyi 23:14 - IWE ỌNỊNỊ

¹⁴ Dị ẹ vẹ ịda ohirẹsụ ẹbanyị irehi Ohomorihi ọnịrị azọkụ nịnị, dị ẹ ka, “Ya sị eku ọbanyị hị́ ka àyị vị ị wụ Ịpọọrụ, yẹ yị vaa rị ịsa.

Odeyi 23:14 ပူးပေါင်းရင်းမြစ်များ

Ayịsaya 3:9

Ẹ́ mẹmẹ ee re ẹtẹ ộ hyakụ sị zụ̀ ka ẹngụ ebira ẹnị ẹ yaa mẹ ọ vị ọnọọ nị. Ebira odivi ẹnị ẹ yaa mẹ ọ vị ọnọọ nị. Ebira odivi ẹnịnị vị ẹnị ẹ kụ́ tụra eyi anka Anisodọmị avọọ, ẹnịnị ẹ yị sị tẹ vụrụ-vụrụ. Ẹ sị dà ẹnị ụvọta ẹ sị ụvọ tura ụya ve kú ẹngụ ẹnịnị nị.

Ijeremaya 6:15

Ẹnẹyịmavara kà, ụhị waa vanaa nyị wa ka ẹnị ệ mẹ ụnọ da? Ịzị ọ na vị, ụhị ọ ma nyị wa vụrụ-vụrụ ụhị ọ ma nyị wa dị è sị eyi tẹ ka aza ee re nị. Avọọ ụmẹ ọnị ọnị ọọ vaa sị ụyaa rị Anijerusarẹmị nịnị, ẹnị nyẹmba vị ana vaa sẹ ẹdụ anka aza ana vọ. Ịsị ẹ vaa za ẹhẹ ẹnịnị ịrẹsụ ọ vị ọnọọ nị.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ihoseya 4:9

Ẹnẹyịmavara kà ọnị vaa sị ụya ọnyọọnya rị aza ọnịrị ohirẹsụ irehi anị nịnị, dị ọnị sì wa ụta ebira ẹnị mẹ̀.

Imika 7:3

Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.

Odeyi 23:12

Ẹnẹnẹ eyinẹhẹ anị, Aniju ẹnyị ê gẹ eyi, di e hị́ eku ka ẹnị ẹyị vaa rị, eni eyi re vee hú, àyị vị ẹnị wụ Ịpọọrụ.

Odeyi 23:13

Ẹnị ana vavọọ gẹ eyi ée huna ẹbẹẹva.

Odeyi 23:20

Di ozi ọnọọ ka, “Aniju nịnị ẹ sị eyi gẹ ka ẹnị ẹ̀ va kà a wụ ka wa sị Ịpọọrụ vẹ ini ikootu ụhwọọ, dị ọ̀ sị mẹẹ ka vi eyee vee sì iruvo ịrẹyị anị ẹtẹẹtẹrẹ nị.

Odeyi 23:21

Ẹ̀ẹ vẹ, asị ụ zẹẹ wa, agụvị ka aza ẹnyị, ê huna ẹbẹẹva, ẹ vaa tẹ ózee zí Ịpọọrụ. Ẹ sị eku hị́ ka ẹnị ẹyị vaa rị, eni eyi re vee hú, àyị vị ẹnị wụ Ịpọọrụ. Ẹ sị ẹngụ tenyi booro aanị, vi e kuku ee zí ịsụ wàa vaa kà nị.”