Odeyi 22:30 - IWE ỌNỊNỊ

³⁰ Ọga ọbanyị ọnọọ ee sì ka ọnị ọ̀ yẹ ịsị Aniju nịnị ka Ịpọọrụ ộ mẹ̀. Eyinẹhẹ anị, dị ọ ka à ngwara Ịpọọrụ nị. Dị ọ ka ohirẹsụ ẹbanyị irehi Ohomorihi ọnịrị avaba anikootu ẹ̀ va gẹ nị. Dị ọ sị Ịpọọrụ chí va jẹẹ ọvịdị ẹnịnị nị.

Odeyi 22:30 ပူးပေါင်းရင်းမြစ်များ

Imatiwu 10:17

Ama sị eyi pe ẹngụ awụ nịnị, oo! Â nyị aza ana vaa za wụ nịnịị nọ ikootu. E re vee tụ́ wu nịnị ịjapa ini irehi ahẹkẹ Aniju ẹnịnị.

Imatiwu 27:2

Ệ sụ́ Ijeesu orupa, dị ẹ và a tụ́ ọvịdị, dị ẹ sị ọọ na yị Ipayireti ana vị ịgọvọnọ ịzọọ nị.

Imatiwu 5:22

Ama ẹ ma kà a yị wụ nịnị nị ka ọza ọ̀ọ kụ́ ayị hi ọnọhụva anị, vị aa mẹ̀ ọkarẹyị yọ nị. Ọza ana àa rẹ kụ̀ ọnọhụva anị ụhụ, a vaa hị́ ọọ ịrẹka; ama ọza ana àa tụ́ ozirenu hi ọza, ọ nyayịnẹ nọ ini ẹkụra.

Odeyi 21:11

O mè ve tù yi, dị ọ sị ịbanụ Ịpọọrụ, dị ọ sị sụ́ ahụ anị ọnịrị ụvọ anị nị. Dị ọ ka, “Ụhwẹ Ọnịnị ka aanị Ániju nịnị ene hi Ijerusarẹmị mẹ̀ vaa sụ́ ọza ana nyị ịbanụ ọnọnị nị, dị a sị ọọ chire Anigiriki nịnị ụvọ.”

Odeyi 21:33

Dị ọga ọbanyị ọnọọ wụsẹ na za Ịpọọrụ, dị ọ ka à sị ẹba ẹẹva sụ́ ọọ nị Di o ve họ̀ use ka, “Ẹnẹ ọza ọnọnị vị? Sị ọ mẹ?”

Odeyi 22:5

Ohirẹsụ ọbanyị irehi Ohomorihi ọnịrị anikootu nịnị ẹ zụ dọ mị ivenu. Mâ hyakụ dọ iwe na yị Aniju ene hi Ịdamasịkọsị ka ma na za ọdọwụ nịnị, dị ma tụ́ wa orupa vẹ Ijerusarẹmị, dị à va sị ụya rị wa.”

Odeyi 23:1

Dị Ịpọọrụ và eyi ká anikootu, dị ọ ka, “Ẹwụ nịnị anda ayị, mâ yẹ ka ẹ yị nyị ịsị mị mẹ anaa vọrọ ka ọ̀ jị ịvị yị ayị amị ọ́vịdị Ohomorihi pooro ve tù ajịnị.”

Odeyi 23:15

Agụvị avọọ ẹwụ nịnị beri anikootu ọ̀ tụ́ hi ọga ọbanyị ọnọọ ka ọ̀ sị Ịpọọrụ va wụ nịnị, dị ọ̀ sị mẹẹ ka u wee sì ka we sì iruvo ịrẹyị anị ẹtẹẹtẹrẹ nịnị nị. Ẹ yị vee tenyi ẹngụ, di ye re ka yaa wụ ọọ, di ò ve tù ịzẹnị.”

Odeyi 23:20

Di ozi ọnọọ ka, “Aniju nịnị ẹ sị eyi gẹ ka ẹnị ẹ̀ va kà a wụ ka wa sị Ịpọọrụ vẹ ini ikootu ụhwọọ, dị ọ̀ sị mẹẹ ka vi eyee vee sì iruvo ịrẹyị anị ẹtẹẹtẹrẹ nị.

Odeyi 23:28

Mâ sị ọọ nọ ini ikootu ẹnịnị, agụvị ma zụ yẹ ịsị ẹ vẹ dị ẹ zaa.

Odeyi 23:6

Ịjị Ịpọọrụ re ka ẹnyị ini anikootu ẹnẹẹ vị Anisadusi, dị ẹnyị rẹ vị Anihwarisi nịnị, di o nowu ini ikootu, dị ọ ka, “Ẹwụ nịnị ẹyịnyara amị, Anihwarisi mị vị nị. Ada amị rẹ vị Anihwarisi. Mâ tụra eyi ka oku nịnị vaa haa hụụnị isu. Agụvị avọọ a za mị vẹ ịzẹnị aanị nị.”

Odeyi 26:29

Dị Ịpọọrụ ka, “Ọ̀ọ vị ụmẹ ọgọdọ, àa vị ụmẹ keere, ịsị mee sì, ọ vị ka Ohomorihi ọ̀ navọ asị ahịka ẹwụnya kẹnẹ yọ nị, ama avaba aza ana aa wụ́ ịrẹyị amị ajịnị aanị, ẹ̀ zụ yà, m mẹ̀ yà aanị. Ama me yi sì ka à sị ẹba tụ́ wa, anka a mẹ̀ sị tụ́ mị aanị kẹnẹ.”

Odeyi 5:21

Ẹ mẹ̀ vavọọ wụ́, ẹnẹnẹ viri-viri dị ẹ na ngụ ini irehi Ohomorihi, dị ẹyaa zụ̀ aza ịsa nị. Ohirẹsụ ọbanyị irehi Ohomorihi beri aza ana yà beri ọ, ệ vẹ, dị ẹ hị́ avaba anikootu gụ ọnịrị avaba ọdọvịdị Anisirẹrị nịnị nị. Dị ẹ tụ́ ka à na kụ́ wa hụụnị otumare vẹ nị.