Odeyi 22:24 - IWE ỌNỊNỊ

²⁴ Dị ọga ọbanyị isoja nịnị ọnọọ ka isoja nịnị anị ẹ̀ sị Ịpọọrụ na tụ́ ini eehi isoja nịnị, di e tụ́ ọọ ịjapa, agụvị ẹ̀ zụ yẹ ịsị ẹ vẹ dị Aniju nịnị maanị ee nowuu hi ọọ.

Odeyi 22:24 ပူးပေါင်းရင်းမြစ်များ

Ịjọọnụ 19:1

Di Ipayireti ka à za Ijeesu, di è tụ́ ọọ ịjapa nị.

Odeyi 16:37

Dị Ịpọọrụ kà a yị wa ka, “Ẹ yị nyị ịsị ẹ kà a ka yâ rị ịvị anị. Ama dị ẹ yị za yị, di e tụ́ yi ịjapa ịnị orere nị, ẹyị ana vị Aniroomi. Dị ẹ kụ́ yị và hi ịnị ẹngwa nị. Á yị di eyee sì ka eni è were kụ́ yị jịnẹ!”

Odeyi 21:34

Aza ẹnyị ịnị ọkọnị aza ẹnẹẹ ee nowu ịrẹyị ẹnyị, ọsa eni ree nowu ọsa. Ẹtẹ ọ sị vazi, ọga ọbanyị ọnọọ oyi re oze wụ́ ịsị ẹ mẹ ẹtẹẹtẹrẹ. Dị ọ ka isoja nịnị anị ẹ̀ sị Ịpọọrụ na tụ́ ini eehi isoja nịnị nị.

Odeyi 21:37

A màa vaa sị Ịpọọrụ naa ngụ ini eehi isoja nịnị ẹnẹẹ, dị ọ kà a yị ọga ọbanyị ọnọọ ka, “Méé re oze pe wu kà ịrẹyị?” Dị ọga ọbanyị ọnọọ ka, “Wa zụ kà Igirikii?

Odeyi 23:10

Ịjị ahankata ọnọnị ta ngụra, dị ọga ọbanyị isoja nịnị ọnọọ kuku ee hí angwa ka asị aza gà Ịpọọrụ hi nị. Dị ọ ka isoja nịnị anị è chí nọ ịda aza ẹnẹẹ, dị ẹ̀ na sị ụkata sị Ịpọọrụ hụụ ịzọọ, dị ẹ̀ sị ọọ na tụ́ ini eehi isoja nịnị.

Odeyi 23:27

Aniju nịnị ệ za ọnọrụ ọnọnị, di eyee sì ka ẹnị ẹ̀ wụ ọọ nị. Mâ wụ́ ka Aniroomi ọ vị nị, dị ẹmịrị isoja nịnị amị va zị nọ ịzọọ, dị ị na dọ ọ hụrẹ wa ụvọ nị.

Odeyi 28:18

E mè sì iruvo ịrẹyị anị, ẹ yaanị sị ọnị hụrẹ ụvọ, agụvị ka ọnị yị mẹ ịsị a vọrọ ka à sị wụ ọnị.

Anihiburu 11:35

Anyẹnẹẹ ẹnyị ê re ka aza ẹnịnị ene vịdị sú, ẹ sị ha hụụnị isu và ká wa vẹ. Â sị ụya rị aza ẹnyị ẹtẹẹtẹrẹ, ẹ yị dọ ka à hụrẹ ẹnị ụvọ, agụvị ka eyee zí eyi ka ẹnị vaa haa kwẹẹtẹ dị ẹnị ẹ̀ ngụ ịnị ẹhẹ ene zoza hu aanị.