Odeyi 22:16 - IWE ỌNỊNỊ

¹⁶ Sị ẹ vẹ dị ụ kụkụ jẹẹ? Kwẹẹtẹ, dị à mẹ̀ ọyịhwọzenyi wụ; hị́ ịrẹha Ananyị yị, dị ọ̀ nyịna ịvị awụ kwooze!’

Odeyi 22:16 ပူးပေါင်းရင်းမြစ်များ

Ahẹ Ụgama 119:60

Obooboro mị vaa saasa ọda awụ nị, mẹ yị vaa za a tụra ẹtẹ.

Ahẹ Ụgama 51:2

Navọ wa sị ayị hụụnị avaba ebira odivi ọnị mị mẹ dị wa sị ebira odivi ọnị maa mẹ̀ hụrẹ mị ẹngụ.

Ijeremaya 8:14

Dị ẹnị aza Ohomorihi ka, sị ẹnị yaatụ ịzị ẹnaanị ee zi? Ẹ ka, a vẹ ẹnị e dudu zwe ne hi ẹkụra ana a jị ọvọ kara, dị ẹnị è sú hi ịzọọ. Ka, Ẹnẹyịmavara, Ohomorihi ẹnịnị ọ sị ẹnị hụrẹ ụvọ yị isu, ọ raa sị ẹchịpa yị ẹnị ka ẹnị è hú ọ; ka ẹnị ẹ sị ebira odivi mẹ hi ọ.

Ịjọọnụ 13:8

Dị Ipita ka, “Wẹ yị vaa nyịna ahụ amị paa!” Dị Ijeesu ka, “Mẹ̀ yị nyịna ahụ awụ, ẹ yị nyị ịsị ẹmịrị ẹwụ kụkụ vaa nyị ọyịmẹ̀ vabẹ.”

Odeyi 2:21

Ịnị ụmẹ ọnọọ, ọza tụra ọza ana àa hị́ Ohomorihi Ananyị yị, ọ vaa dọ ọ há.”

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Odeyi 7:59

E mèe yii tụ́ Isitivini ịrẹta, dị Isitivini aa mẹ̀ aduwa dị ọ ka, “Ijeesu Ananyị yị, dọ ụhwẹ amị!”

Odeyi 9:14

Vị ọ hyakụ dọ iwe ọda hụụnị ụvọ ohirẹsụ ẹbanyị irehi Ohomorihi ka ọnị ọ̀ vẹ Ịdamasịkọsị, dị ọnị ọ̀ va sụ́ avaba aza ana àa hị́ ịrẹha awụ orupa nị.”

Odeyi 9:18

Obooboro ọnọọ, dị ịsa ẹnyị aanị anka iguha ivovo avọọ hụrẹ hụụnị eyi Ịsọọrụ, di o kuku ee re ẹtẹ nị. Dị ọ kwẹẹtẹ jẹẹ, dị a mẹ̀ ọyịhwọzenyi yọ nị.

1 Anịkọrịntị 1:2

anịragụ Ohomorihi ana yà ẹkụra Ịkọrịntị, ẹwụ nịnị oni Ohomorihi hị́ ka ẹ̀ vị aza ọnịnị anị, ini oze ka ẹnịrị Ijeesu Ikirisiti ọ sị vị ọnya, ne beri avaba aza avaba aha ana aa hị́ ịrẹha Ijeesu Ananyị yị, ọza ana nyị ẹyịrị wa.

1 Anịkọrịntị 12:13

Yàa vị Aniju, yẹ̀ yị vị Aniju, yàa vị ọrịhị, yàa vị ozi; avaba ayị ọ sị vị ẹngụ ọnya, a mẹ̀ sị Ụhwẹ Ohomorihi mẹ̀ ọyịhwọzenyi yị. Ụhwẹ Ohomorihi ọnọọ ọnyọọnya ọ yà ịnị ayị avaba ayị nị.

1 Anịkọrịntị 6:11

Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.

Anigaratiya 3:27

Avaba ọza ọnị ọnịrị Ijeesu ọ̀ọ vị ọnya ini oze ọyịhwenyi, ẹ raà sị ebira Ikirisiti mẹ awuru chire.

Anẹhwẹsọsị 5:26

Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị.

Ịtayịtọsị 3:5

Ộ dọ yị há. Ẹ́ yị vị agụvị ka ẹyị ụvọta ọ́ọ mẹ̀ ịsa ana vọrọ, ọ sị dọ yị há, ama agụvị ayamva anị kẹnẹ yọ nị. Ộ vavọọ mẹ ịnị ka ộ nyịna yị, dị ọ vara yị ọza ọwọọwa nị. Ụhwẹ Ọnịnị anị ọ vavọọ sị vara yị aza ọwọọwa nị.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

1Ipita 3:21

A zụ sị ịsa ọnọọ juwe ọyịhwenyi, ana dọ yị há ọyaanị, agụvị ka Ijeesu Ikirisiti ộ ha kwẹẹtẹ hụụnị isu. Ọyịhwọzenyi ọ yị vị ọyịhụ ịdọtị ẹngụ ayị và ha. Ama yaa sịị dá ịpẹẹ yị Ohomorihi ka ọ̀ nyịna ayị ayị hụụnị ịvị.