Odeyi 22:14 - IWE ỌNỊNỊ

¹⁴ Dị ọ kà a mị ka: ‘Ohomorihi ada ayị nịnị ọ sị wụ nyị, ka wa yẹ ịsị oni sì, di u we re re Ozi anị ọnịzẹyịza, dụ wa rẹ wụ́, ọ́nị ụvọta mèe pe wuu kà ịrẹyị.

Odeyi 22:14 ပူးပေါင်းရင်းမြစ်များ

2 Ohinọyị 21:22

Amọnị ô yi Ẹnẹyịmavara Ohomorihi ohiku anị, dị ọ mẹ akamawụ hi ọda Ẹnẹyịmavara.

1 Ịtọpa 12:17

Idevidi ộ na gẹrị wa, dị ọ kà a yị wa ka, àa vị ẹ vẹ ka ẹnị è ve pe ọnị za ọta dị ẹnị ẹ̀ gụ ọnị ụvọ nị, ẹnịnị ẹ̀ nyaasẹ. Ama àa vị ẹ vẹ ka ẹnị ẹ̀ va kụ́ ọnị ahụ yị ọnịvị anị nịnị, Ohomorihi ohiku ộ yẹ. Ọ vaa sị ụyaa rị wa, ka ọnị ẹ yị mẹ wa ọhịmị.

1 Ịtọpa 29:18

Ẹwụ Ẹnẹyịmavara Ohomorihi Abụrahamị, Ayiziiki ọnịrị Ijekọvụ ohiku ayị nịnị. Navọ wa sị tụ́ ịnị ayị aza awụ vẹchị-vẹchị, dị ẹnịnị ẹ̀ maanị yịị kụ́ ẹngụụ hi ịrẹyị awụ pooro. Mẹ ka ẹnịnị ẹ̀ vaa sị ayịị tụra wụ pooro.

2 Ịtọpa 28:25

Avọọ ọ mẹ rẹ da irehi ori hi avaba ẹkụra-ẹkụra ene hi Ijuda nị. Ebira ọnị ọ mẹ aanị ộ mẹ̀ ka ayị kụ́ Ẹnẹyịmavara Ohomorihi ohiku ẹnịnị.

2 Ịtọpa 30:19

Ọ kà Ẹnẹyịmavara Ohomorihi ohiku ẹnịnị ọ̀ vagu avaba aza ana sị ayị ọnya hẹkẹ ẹ, ẹnẹ ẹ yị za ido.

Ẹzịra 7:27

Dị Ẹzịra ka, ọnị ộ sị ụga yị Ẹnẹyịmavara, Ohomorihi ohiku ẹnịnị ana mẹ ka ohinọyị ọ̀ maanị sị ụbanyị yị irehi Ẹnẹyịmavara Ohomorihi ana ya Ijerusarẹmị nị.

Ọyịkụra 15:2

Ẹnẹyịmavara ọ vị ụkata amị, ọnị ọ vị aha ọyịtẹ̀ amị nị, ọnị ọ vị Ohomorihi ana ada amị hẹkẹ nị, mị vaa sị ọ ngụ ịrẹyị.

Ijeremaya 1:5

dị a va yẹ ka ee zyẹẹ aanị ọnị ộ yẹ ọnị, dị a va yẹ ka aa ma ọnị ọnị Ẹnẹyịmavara hụrẹ nyị ọnị ka ọnị vaa vị ọnịsẹ anị yị anẹhẹ nị.

Ịdanịyẹrị 2:23

Ịdanịyẹrị ka, “mâ kụ Ohomorihi ohiku amị nịnị avọ, dị mị rẹ sị ụgaa yọ nị, agụvị ka ọ raà sị ịrẹyọyẹ ọnịrị ụkata yị mị”. Ô tu ẹnị ohi ịrẹyị ọnị ẹnị họ̀ use anị, dị ọ kà a yị ẹnị ịsa ọnị ohinọyị ee sị ka ọnị ọ̀ yẹ nị.

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Odeyi 13:17

Ohomorihi Anisirẹrị ẹnẹnị ộ nyị ada ayị nịnị, dị ọ vara wa anẹkụra ọbanyị, ẹ mẹ̀ yị vị ọzọga tụ́ ịnị ẹtẹ Anijipiti nịnị nị. Ini oze ụkata Ohomorihi ộ kụ́ wa hụụnị ẹtẹ Ijipiti.

Odeyi 22:15

Ẹwa vaa vị onivenu anịị yị avaba aza ini oze isu u re ọnịrị ịsụ ụ wụ́ nị.

Odeyi 22:18

Di mi re Ananyị yị, dị ọ kà a mị ka maa wụsẹ hụrẹ Ijerusarẹmị buru-buru, agụvị ka ivenu anị ọnị màa dọ, ẹnịnị ẹyị vaa dọ ọ wụ́.

Odeyi 24:14

Mâ dọ ka hịịn, maa hẹkẹ Ohomorihi ada ayị nịnị ini oze Ikirisiti ẹnẹ ẹnị ka ọyị vọrọ. Mâ dọ avaba ịsa anaa chẹrẹ tụ́ ịnị ọda wụ́ beri ịrẹyị ọnị ọnịsẹ nịnị rẹ chẹrẹ tịtẹ.

Odeyi 26:16

Ama kwẹẹtẹ jẹẹ! Mâ sị ẹngụ zụ̀ wụ ka ma nyị wụ mẹ ozi ahụ amị. Ụ rẹ vaa vị onivenu ịsa oni u re ajịnị aanị ọnịrị ọnị mị vaa sịị zụ̀ wụ.

Odeyi 5:30

Ohomorihi Ada ayị ộ ha Ijeesu hụụnị isu, ọza ọnị ụ kanyị za ọchị apavahị, dị ụ wụ ọ nịnị.

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Odeyi 9:17

Dị Ananịya na, dị ọ ngụ irehi ọnị Ịsọọrụ yà, dị ọ sị ụvọ tụra a nị. Dị ọ ka, “Ịsọọrụ ẹnẹbẹnị ayị, Ananyị yị ọ tụ́ mị hi wu nọ. Ijeesu ọnị ụvọta m maa kà nị, ana sị ẹngụ zụ̀ wụ óze, ụ màa vẹ ịzẹnị. O ka ma vẹ, di eyi awụ ọ̀ varẹma há, dị Ụhwẹ Ọnịnị ọ̀ rẹ dọ avaba ayị awụ!”

Aniroomi 1:1

Ẹma vị Ịpọọrụ ozi ahụ Ijeesu Ikirisiti nị. Ohomorihi ộ hị́ mị ka ma vị ozirẹma Ijeesu, dị ọ̀ rẹ nyị mị ka ma kà enube ọyịza anịị yị aza nị.

1 Anịkọrịntị 11:23

Ịsa ọnị mị sị zụ̀ wụ nịnị, ịnị ụvọ Ananyị yị mị dọ ọ hụrẹ nị. Ịnị ịrahụ ịhị ọnọọ, dị a va sị Ijeesu Ananyị yịị chire ọnịvị anị ụvọ, ộ sị Ịbụrẹẹdị,

1 Anịkọrịntị 15:3

Enube ene hu keekere ọnị mị dọ, ẹ́mị rẹ sị yị ẹwụ nịnị nị. Enube ọnọọ ọ vị ka Ikirisiti ô sú agụvị ịvị ayị, anka a mẹ̀ vịdị chẹrẹ ẹ tụ́ ini Iwe Ohomorihi.

1 Anịkọrịntị 15:8

Ọdịrẹma anị keekere, dị ẹmị re re e nị. Ẹmị vị ana sị mẹẹ anka ịrẹẹ anaa wọrọ avọọ.

1 Anịkọrịntị 9:1

Ẹ yị nyị ịsị ẹ za mị ka asị mị mẹ̀ ịsa ene zé mi eyi. Ụ wáá ka wẹ yị yẹ nịnị ka ezirẹma Ijeesu mị vị nị? Mâ sị eyi amị ọnọnị re Ijeesu Ananyị yị. Ẹwụ nịnị ụvọta vị ụkọrọ ụvọ amị ọnị maa mẹẹ yị Ananyị yị.

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

Anigaratiya 1:12

Mẹ yị dọ ọ hụụnị ụvọ ọza ọnyọọnyị, ẹ yị rẹ vị ọza ọ sị zụ̀ mị. Ijeesu ọnị ụvọta ọ sị zụ̀ mị nị.

Anigaratiya 1:15

Ama Ohomorihi ọ́ọ vayị amị, ọ́ọ nyị mị di a va yẹ ka aa ma mị, dị ọ hị́ mị ka maa hẹkẹ ọnị nị. Ịjị o zé Ohomorihi eyi,

2 Itimoti 1:1

Ẹma vị Ịpọọrụ nị. Ohomorihi ô sì ọ ka ma vị odeyi Ijeesu Ikirisiti, dị ma na kà a yị aza ịrẹyị oni Ohomorihi kà, ka ẹ yị zị nyị ka ọnị ọ yị vaa mẹ ka aza ẹnẹ ẹnịrị Ijeesu Ikirisiti sị vị ọnya, ẹ̀ yàra ịdị anị pooro zịna-zịna.

Ịtayịtọsị 1:1

Ẹma vị Ịpọọrụ ana vị ozi ahụ Ohomorihi, dị mị rẹ vị odeyi Ijeesu Ikirisiti nị. Ohomorihi ộ tụ́ mị ka ma na gụ aza ọnị ọ́ sị nyị ụvọ ka ẹ̀ zụ sị ayị tụra a: dị ma rẹ sị zụ̀ wa, dị ẹ̀ zụ yẹ ịzẹyịza anaā sịị oze zụ̀ aza ka ẹ̀ zụụ mẹ̀ ebira ene ze Ohomorihi eyi.

1Ipita 2:22

Ẹ́ yị nyị ụmẹ ọnị ọ sị mẹ ịvị, ọza ộ yị rẹ wụ́ ịrẹyị ireche ini irenu ani da.

1 Ịjọọnụ 2:1

Ẹwụ nịnị ezi emi, maa chẹrẹ ịsa ẹnẹnịị tụ́ụ hi wu nịnị agụvị asị ụ mẹ̀ ịvị nịnị. Ama àa nyị ọza ana mẹ ịvị, áa nyị ọnịpọda ọnya ana yà ịdị Ohomorihi Ada ayị; ọza ọnọọ ọ vị Ijeesu Ikirisiti ana vị ọnịrẹyịzẹyịza nị.