Odeyi 21:39 - IWE ỌNỊNỊ

³⁹ Dị Ịpọọrụ ka, “Aniju mị vị nị. Ẹkụra Ịtasọsị ịnị ẹtẹ Isirisiya a yà ma mị nị. Mẹ yị vị anẹkụra ịyẹyẹ. Aarịhịnị, jẹẹ ma kà ịrẹyị yị aza ẹnẹnị.”

Odeyi 21:39 ပူးပေါင်းရင်းမြစ်များ

Odeyi 15:23

Dị a chẹrẹ iwe ọnọnị, dị a sị tụ́ wa ụtụ nị: “Ẹyị odeyi beri azọkụ ịragụ Ohomorihi ọnịrị ọdọwụ ana vọ, yâ kụ́ wụ nịnị ẹtẹẹtẹrẹ, ẹwụ nịnị anda ayị ẹnẹ ẹ̀ yị vị Aniju ene hi Antịyọkị ọnịrị Isiriya ne beri Isirisiya!

Odeyi 15:41

Dị ọ zị oze Isiriya ọnịrị Isirisiya na para hu, dị ẹyaa tụ́ anịragụ Ohomorihi ẹnẹẹ ọtụtụrụma nị.

Odeyi 16:37

Dị Ịpọọrụ kà a yị wa ka, “Ẹ yị nyị ịsị ẹ kà a ka yâ rị ịvị anị. Ama dị ẹ yị za yị, di e tụ́ yi ịjapa ịnị orere nị, ẹyị ana vị Aniroomi. Dị ẹ kụ́ yị và hi ịnị ẹngwa nị. Á yị di eyee sì ka eni è were kụ́ yị jịnẹ!”

Odeyi 21:37

A màa vaa sị Ịpọọrụ naa ngụ ini eehi isoja nịnị ẹnẹẹ, dị ọ kà a yị ọga ọbanyị ọnọọ ka, “Méé re oze pe wu kà ịrẹyị?” Dị ọga ọbanyị ọnọọ ka, “Wa zụ kà Igirikii?

Odeyi 22:3

“Aniju mị vị nị. Ịtasọsị a yà ma mị nị ini Isirisiya. Ijerusarẹmị a yà pá mị; dị ahịka Igamariyẹẹrị aa zụ̀ mị ịsa nị. Ộ sị ọda ohiku ayị nịnị zụ̀ mị ẹtẹẹtẹrẹ. Ẹma rẹ sị ayị yị Ohomorihi ẹtẹẹtẹrẹ, anka avaba ẹwụ nịnị mẹ̀ rẹ sị ayị yọ ịnị ụmẹ ọnọnị aanị.

Odeyi 23:27

Aniju nịnị ệ za ọnọrụ ọnọnị, di eyee sì ka ẹnị ẹ̀ wụ ọọ nị. Mâ wụ́ ka Aniroomi ọ vị nị, dị ẹmịrị isoja nịnị amị va zị nọ ịzọọ, dị ị na dọ ọ hụrẹ wa ụvọ nị.

Odeyi 23:34

Ịjị ịgọvọnọ ọnọọ sị iwe kà, dị ọ họ̀ Ịpọọrụ ka ịzị ọ hụrẹ vẹ nị. Ọ mẹ̀ sị ọọ kà a yọ ka Isirisiya ọ́nị hụrẹ vẹ nị,

Odeyi 6:9

Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata.

Odeyi 9:11

Dị Ananyị yị kà a yọ ka, “Kwẹẹtẹ dị ụ wa nọ oze ana aā hị́ ‘Oze Ọvọrọ’, dị ụ wa nọ ini eehi Ijudasi, di u we họ̀ use ọnọrụ ọnya ana hụrẹ Ịtasọsị vẹ ana aā hị́ Ịsọọrụ. Re, aa mẹ̀ aduwa booro aanị.

Odeyi 9:30

Ịjị ọdọwụ nịnị ana vọ sị yẹ, dị ẹ sị Ịsọọrụ chí na ngụ Isesariya, dị ẹ ka ọ̀ọ nọ Ịtasọsị nị.

1Ipita 3:15

Ama ịnị ayị awụ nịnị, sị Ikirisiti mẹ ọza ana nyị wụ nịnị. Ụmẹ tụra ụmẹ ana àa nyị ọza ana họ̀ wụ nịnị ka: Sị ụ maanị sị eyi tụra? Tenyi ẹngụ di u we tụ́ o ohi.