Odeyi 21:27 - IWE ỌNỊNỊ

²⁷ Ịjị ẹkụhị ịhịmba ọnọọ aa vaa gụ, Aniju ẹnyị ana hụrẹ ẹtẹ Esiya vẹ, ê re Ịpọọrụ ini irehi Ohomorihi. Dị ẹ wụsẹ tụ́ ọkọnị aza ịrẹyị, dị ẹ za Ịpọọrụ nị.

Odeyi 21:27 ပူးပေါင်းရင်းမြစ်များ

1 Ohinọyị 21:25

Ịzẹyịza ẹ yị nyị ẹngụ Ahabị ana ahịka ộ ná ẹngụ anị tụ́ ini ebira odivi ini eyi Ẹnẹyịmavara. Ijezebẹrị ose anị ọ vavọọ aa tụ́ ọ ịrẹyị ka ọ̀ọ mẹ̀ ebira odivi nị.

Ịrịka 19:11

Aza anaa sị ụvọ kanyị oku, ẹ yị nị. Aa nyị ka o jị obori ẹnịnị ẹkụhị ịhịmba.

Ịrịka 6:13

Ọda ana za aza ana sị ẹngụ ẹnịnị tụ irenyi yị Ohomorihi yị. Ịnị ịsọvọ ọdịrẹma ana aā mẹ̀, dị ọzịnya-ọzịnya ẹnịnị na ọvịdị oze ana na ngụ ajẹngụ Ohomorihi,

Ịrịka 6:9

Àa nyị ọza mẹmẹ su gụrị ẹngụ aza ẹnẹẹ vi ene du ẹyị ịrẹsụ ẹnịnị ẹngụ. A nyị ka ẹ hụụnị ịnị akakana aza ẹkụhị ịhịmba, dị ẹ kụ ịrẹsụ àaa mẹ ido anị

Iruuku 21:12

Dị ịsa ẹnẹnị ẹ̀ va mẹ, a vaa za wụ nịnị, dị aa sị ụyaa rị wụ nịnị. A vaa za wụ nịnịị nọ ini irehi Ohomorihi, dị ẹ kụ́ wụ nịnị hi ịnị ẹngwa. A rẹ vaa za wụ nịnịị nọ ịdị ohinọyị ọnịrị ọdọvịdị nịnị agụvị amị.

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 14:19

Aniju ẹnyị ệ hụrẹ Antịyọkị (ịnị ẹtẹ Ipisidiya) vẹ, ẹnyị ẹ rẹ hụrẹ ẹkụra Ayịkọnịyọmị vẹ. Dị ẹ tụ́ anẹkụra ẹnẹẹ ịrẹyị, di e ne Ịpọọrụ ịrẹta, di e tura a hụụnị ẹkụra nị. Vị ẹnịnị ro ka ô wusu nị.

Odeyi 14:2

Ama Aniju nịnị ẹnẹ ẹ̀ yị zẹẹ ka ẹnị ẹ̀ dọ wụ́, ẹ rẹ tụ́ Anigiriki nịnị ịrẹyị, dị ẹ sị ayị vara tù ọdọwụ nịnị nị.

Odeyi 14:5

Dị aza ẹnyị ẹnẹ ẹ̀ yị vị Aniju ọnịrị Aniju nịnị ne beri ọdọvịdị ẹnịnị vabẹ, ka ẹnị ẹ̀ kà ịsa odivi hi odeyi nịnị, di eni è tụ́ wa ịrẹta.

Odeyi 16:6

Ịpọọrụ nịnị ệ zị oze ẹtẹ Ihwirigiya ọnịrị Ịgaratịya na para hu, agụvị ka Ụhwẹ Ọnịnị ọ yị zẹẹ ka ẹ̀ kà ịrẹyị Ohomorihi ịnị ẹtẹ Esiya.

Odeyi 17:13

Ịjị Aniju ene hi Ịtẹsaronika wụ́ ka Ịpọọrụ ọ na kà ịrẹyị Ohomorihi Íbereya, dị ẹ nọ ịzọọ, dị ẹ na tụ́ aza ịrẹyị ẹtẹẹtẹrẹ nị.

Odeyi 18:12

A mẹ̀ yị sị Igariyo rị ohinọyị ana jẹẹ yị Aniroomi ịnị ẹtẹ Akaya, dị Aniju nịnị wụsẹ kwẹẹtẹ, dị ẹ za Ịpọọrụ, dị ẹ sị ọọ nọ ikootu nị.

Odeyi 2:9

Ẹkụra ọnị ị hụrẹ vẹ yị: Ipatiya beri Imediya ọnịrị Erami beri Imesopotamiya ọnịrị Ijudiya beri Ikapadosiya; Ịpọntụsị ọnịrị Esiya,

Odeyi 20:19

Mâ hẹkẹ Ananyị yị, dị mị kà ẹngụ amị chí, dị maa ká ẹgọ, dị mị rẹ nyị ẹngụkata nị, agụvị ka Aniju nịnị vị ana aa gẹ eyi amị.

Odeyi 24:11

A zụ hwọọ wâ yẹ ka o yi huna ẹkụhị ẹwụrẹva ọnị mị hịrẹ nọ Ijerusarẹmị ka ma na hẹkẹ avọọ.

Odeyi 24:18

Ịjị mị sị ẹngụ amị vara ọnịnị, dị Aniju ẹnyị ana hụrẹ Esiya vẹ, ve re mi ini irehi Ohomorihi ka maa mẹ̀ ịsọvọ hi Ohomorihi nị. Ẹ yị nyị ọkọnị aza ana kara mị, ẹ yị rẹ nyị ẹvazi.

Odeyi 26:21

Agụvị ịrẹyị ọnọnị Ániju nịnị sị za mị, m mẹ̀ yà ini irehi Ohomorihi, dị ẹ ka ẹnị aa wụ̀ mị nị.

Odeyi 4:3

Dị ẹ za wa, dị ẹ kụ́ wa ne hi ini otumare, ka ẹ̀ yà ịzọọ ne tù eyinẹhẹ anị nị, agụvị ka ọyị ộ ta.

Odeyi 5:18

Dị ẹ za odeyi nịnị, dị ẹ kụ́ wa tụ́ ịnị otumare ịjọva nị.

Odeyi 6:12

Dị ẹ tụ́ aza ọnịrị azọkụ nịnị beri ọzwọzọda nịnị ịrẹyị, dị ẹ vẹ, dị ẹ va za Isitivini, dị ẹ sị ọọ nọ ini ikootu nị.

Odeyi 6:9

Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata.

2 Anịkọrịntị 11:26

Ịnị ụsẹ ọnị yaa zịịzị, ịjị ẹnyị enyi ka ọnị ọ̀ kụ́ yị, ịjị ẹnyị oyi dụ yị. Dị anda ayị ẹnịrị Anigiriki aa mẹ ayị hụrẹ ẹmị ịnẹ. Màa yà ịnị ẹkụra, màa yà ịnị avị, angwahi ọ vị nị. Oku vị ayịhụrịnẹ ọta onireche nịnị vị ayịhụrịnẹ.

1 Anịtẹsaronika 2:16

Ẹ yị hyakụ zẹẹ ka ya kà ịrẹyị Ohomorihi yị aza ẹnẹ ẹ yị vị Aniju, ana zụ mẹ ka ẹ̀ zụ há. Ẹnịnị ẹ sị ịvị za ịrẹsụ. Ẹ mẹ̀ vavọọ mẹẹ pooro, ọyịkụ Ohomorihi ọ zị vẹ ịrẹsụ ẹnịnị.