Odeyi 21:24 - IWE ỌNỊNỊ

²⁴ Kụ́ wa, dị ẹwụrị wa ọ̀ na vara ẹngụ awụ nịnị ọnịnị! Sí ụta yị wa, dị ẹ̀ zụ kụ́ ịrẹsụ ẹnịnị! Wàa maanị mẹ, avaba aza vaa yẹ ka ịrẹyị awụ anaa kà yị ẹnị vị ireche. E vee ree ka ẹwụ ụvọta vị ana rẹ sị ụvọ za ọda Imosiisi.

Odeyi 21:24 ပူးပေါင်းရင်းမြစ်များ

Ijoovu 1:5

Ịhị ẹnịnị ẹ̀ sị mẹ ta, dị Ijoovu kwẹẹtẹ ẹnẹnẹ eyinẹhẹ anị dị ọ mẹ̀ ịsọvọ ịrẹsụ ọzịnya-ọzịnya ẹnịnị. Ọ kà ọza ọ yị yẹ ẹnịnị ẹẹ mẹ̀ ebira ana zụ du Ẹnẹyịmavara ayị.

Ijoovu 41:25

Ọ̀ọ kwẹẹtẹ jẹẹ, ọza ana nyị ụkata hụ vene e hí angwa, di e zwe.

Ọyịkụra 19:10

Dị Ẹnẹyịmavara kà a yi Imosiisi dị ọ ka, “Na kà a yị aza ẹnẹẹ ka è tenyi ẹngụ ẹnịnị dị asị ẹ kà pè ọnẹẹ ajịnị ọnịrị ụhwọọ. Kà a ka ẹ̀ nyịna ịta ẹnịnị,

Ọyịkụra 19:14

Ịjị Imosiisi si chi hụụnị ataba ne tù aza ẹnẹẹ, dị ọ kà a yị wa ka ọzọza ò tenyi ẹngụ anị nị. Dị ọzọza nyịna ịta anị nị.

Ịrịka 6:13

Ọda ana za aza ana sị ẹngụ ẹnịnị tụ irenyi yị Ohomorihi yị. Ịnị ịsọvọ ọdịrẹma ana aā mẹ̀, dị ọzịnya-ọzịnya ẹnịnị na ọvịdị oze ana na ngụ ajẹngụ Ohomorihi,

Ịrịka 6:18

Avaba ẹnẹnị ẹ ta mẹ, dị ẹnị ana aā nyị tụ irenyi aanị kụ́ ịrẹsụ ẹnịnị ọvịdị oze ajẹngụ Ohomorihi, dị a rị ẹyị ịra ịnị ịra ana aa ka hi ịsa ịsọvọ ẹngwọọrọ.

Ịrịka 6:5

Ẹnịnị ẹ yị yaa kụ́ ịrẹsụ ịnị avaba ụmẹ ọnị ẹ sị ẹnịnị tụ́ irenyi yị Ẹnẹyịmavara. Ẹnịnị ẹ̀ raà sị ẹngụ ẹnịnị tụ́ irenyi.

Ịrịka 6:9

Àa nyị ọza mẹmẹ su gụrị ẹngụ aza ẹnẹẹ vi ene du ẹyị ịrẹsụ ẹnịnị ẹngụ. A nyị ka ẹ hụụnị ịnị akakana aza ẹkụhị ịhịmba, dị ẹ kụ ịrẹsụ àaa mẹ ido anị

Ịjọọnụ 11:55

Eche Aniju ana aā hị́ Eche Ọyịparahu ee vee tù. Dị aza ọrụrụ-ọrụrụ hụrẹ ẹkụra ẹnịnị, dị ẹ hịrẹ nọ Ijerusarẹmị ka ẹnị ẹ̀ na mẹ̀ ido ọyị mẹ ẹngụ ẹnịnị nị (anka ọda mẹ̀ kà a), di eche ò ve tù.

Ịjọọnụ 3:25

Ụmẹ ọnya, dị ezirẹma Ịjọọnụ ọnịrị Aniju ọnya aa nyị ahankata ịrẹyị ẹngụ ọyịnyịna nị.

Odeyi 18:18

Ịpọọrụ ộ yà Ịkọrịntị pe ọdọwụ nịnị kù. Dị ọ hụụ ịzọọ, dị ọnịrị Ipirisira beri Akwira ngụ ẹpa, ka ẹnị ẹ̀ nọ Isiriya nị. Dị ẹ va na, ô beri Ohomorihi zẹẹ ịzẹzẹ Íkenkire, dị ọ kụ́ ịrẹsụ anị nị.

Odeyi 21:26

Dị Ịpọọrụ sị aza ẹnẹẹ, eyinẹhẹ anị dị ọnịrị wa vara ẹngụ ẹnịnị ọnịnị nị. Dị ẹ nọ ini irehi Ohomorihi nị, agụvị aza ẹ̀ yẹ ka ịhị ẹnị vaa vara ẹngụ ẹnịnị ọnịnịị ta. Ịhị ẹkụhị ọ̀ọ sị gụ, dị a mẹ̀ ịsọvọ yị ọzịnya-ọzịnya ẹnịnị.

Odeyi 24:18

Ịjị mị sị ẹngụ amị vara ọnịnị, dị Aniju ẹnyị ana hụrẹ Esiya vẹ, ve re mi ini irehi Ohomorihi ka maa mẹ̀ ịsọvọ hi Ohomorihi nị. Ẹ yị nyị ọkọnị aza ana kara mị, ẹ yị rẹ nyị ẹvazi.

1 Anịkọrịntị 9:20

Màa yà ịdị Aniju, dị maa mẹ̀ ebira Aniju, agụvị ma zụ mẹ ka ẹ̀ va dọ Ijeesu Ohinọyị oni Ohomorihi nyị ka ọ̀ dọ yị há wụ́. Mèe tù ịdị aza ana aa mẹ ẹhẹ ẹnịnị anka ọda Imosiisi, dị ẹmị raa mẹ anka ẹnịnị, agụvị dị ma zụ mẹ ka ẹ̀ va dọ Ijeesu Ohinọyị oni Ohomorihi nyị ka ọ̀ dọ yị há wụ́. Ama ẹmị ẹyị kụkụ daka yà ịnị ụvọ ọda kẹnẹ.

Anigaratiya 2:12

Ipita vidiī beri aza ẹnẹ ẹ̀ yị vị Aniju nịnị rị ịsa. Ama ịjị aza ẹnyị aanị oni Ijemiisi tụ́ vẹ, va ngụ ịzọọ, Ipita ọ sị và, ọ raa sị ẹngụ anị hụụ ịda ẹnịnị. Ee hí angwa aza ẹnẹẹ ana ka avaba anịragụ Ohomorihi ẹ̀ jị ụvẹvẹnẹ.

Ọdọvịdị 13:5

Ọnụtụ ọnọọ ka, ọ vee zyẹẹ dị ọ ma ozi ọnọrụ. Ọ̀ọ sị ozi ọnọọ ma, asị ọ kwọ ịrẹsụ vụrụ-vụrụ agụvị ka ozi ọnọọ vị ozi ana va sị tụ irenyi yị Ohomorihi hụrị ụmẹ ana a sị ma a. Ozi ọnọọ ọ vaa dọ Anisirẹrị nịnị ha hụụnị ụvọ Anihwirisiti nịnị nị.