Odeyi 21:20 - IWE ỌNỊNỊ

²⁰ Ẹ mẹ̀ wụ́ ọọ, dị ẹyaa sị ụgaa yị Ohomorihi nị. Dị ẹ kà a yị Ịpọọrụ ka, “Ẹnẹbẹnị ayị, wê re, ọ mẹ̀ yà avọọ. Aniju ọrụrụ-ọrụrụ ẹ sị dọ wụ́. Ẹnịnị vị ana nyayịnẹ sị ụvọ za ọda Imosiisi ẹtẹẹtẹrẹ.

Odeyi 21:20 ပူးပေါင်းရင်းမြစ်များ

Ahẹ Ụgama 22:23

Avaba ẹwụ nịnị ana aa hẹkẹ Ẹnẹyịmavara, waa gama a nịnị Avaba ẹwụ nịnị ezi Ijekọvụ, waa sị ụbanyịị yọ nịnị. Avaba ẹwụ nịnị Anisirẹrị, mị ka wee hí angwa anị nịnị,

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Imatiwu 9:8

Ịjị ọkọnị aza ẹnẹẹ re e, ô hí wa irenu, dị ẹyaa sị ụgaa yị Ohomorihi ana maanị sị ụkata yị aza nị.

Iruuku 12:1

Ọ́kọnị aza mẹ̀ wara gụ tawụ-tawụ, dị ẹ yaa kụ́ ahụụ hi ẹngụ, dị Ijeesu vịdị kà a yị ezirẹma anị ka, “Sị eyi pe ẹngụ awụ nịnị agụvị òwù Anihwarisi nịnị, oo! Ogevegeve ẹnịnị m maa kà avọọ nị.

Iruuku 15:32

 vọrọ ka yaa rị eche, dị yaa mẹ inohine, agụvị ka ọyịnyara awụ ọnọnị ô sú, ọ rẹ sị yara; ô vú, ya sị ọọ hèe.’ ”

Ịjọọnụ 12:24

Ịzẹyịza m maa kà a wụ nị, ẹ̀ yị vị a sị ihu akụ ikonya chire ẹtẹ, dị ọ vụ̀, dị ọ chị, ọnịnya aa yịị vị nị. Ama ọ̀ọ sị vụ̀, dị ọ sị chị nị, dị ọ vaa nyị ihu ọrụrụ.

Odeyi 11:18

Ịjị ẹ maanị wụ́, dị ẹ kụ́ ịrẹka ẹnịnị kwooze, dị ẹ kụkụ aa ga Ohomorihi nị. Dị ẹ ka, “Ọnị ọ vị ka Ohomorihi ọ rẹ raà sị oze yị Anigiriki ka eni è re zụ ro ịnẹ varẹma, dị ẹ̀ zụ yàra ị́dị anị zịna-zịna.”

Odeyi 15:1

 nyị aza ẹnyị aanị ana hụrẹ Ijudiya vẹ, dị ẹyaa zụ̀ ọdọwụ nịnị ịsa nị, dị ẹ ka, “Ẹ̀ yị vị a jị wụ nịnị ụvẹvẹnẹ anka ọda Imosiisi, wẹ yị zụ há nịnị.”

Odeyi 15:24

Yâ wụ́ ka aza ẹnyị ana hụụnị akakana ayị vẹ, aa sẹ̀ ịrẹkaa kụ́ ọọ kata wụ nịnị ẹngụ. Eyee sì ka ẹnị ẹ̀ và ayị awụ nịnị zí. Ama yẹ yị tụ́ wa ụtụ vụrụ-vụrụ.

Odeyi 15:5

Ama dị aza ẹnyị ini ogu Anihwarisi nịnị ana va dọ wụ́ kwẹẹtẹ, dị ẹ ka, “Â nyị ka à jị wa ụvẹvẹnẹ, di è re hú wa ụvọ ka è sị eyi pe ọda Imosiisi!”

Odeyi 2:41

Aza ana sị ịrajẹ dọ ịrẹyị anị, â mẹ̀ ọyịhwọzenyi yị wa. Ịhị ọnọọ ẹhụụ aza ẹnị akahị-akahị oze ẹẹta (3,000) ọ vaka ọdọwụ nịnị nị.

Odeyi 22:3

“Aniju mị vị nị. Ịtasọsị a yà ma mị nị ini Isirisiya. Ijerusarẹmị a yà pá mị; dị ahịka Igamariyẹẹrị aa zụ̀ mị ịsa nị. Ộ sị ọda ohiku ayị nịnị zụ̀ mị ẹtẹẹtẹrẹ. Ẹma rẹ sị ayị yị Ohomorihi ẹtẹẹtẹrẹ, anka avaba ẹwụ nịnị mẹ̀ rẹ sị ayị yọ ịnị ụmẹ ọnọnị aanị.

Odeyi 4:21

Dị anikootu kà wa ọnọ hu avọọ ẹtẹẹtẹrẹ, dị ẹ hụrẹ wa ụvọ nị. E yi re oze sị ụya rị wa, agụvị ka avaba aza vị ana aa sị ụgaa yị Ohomorihi agụvị ịsa ana mẹ.

Odeyi 4:4

Aza ọrụrụ-ọrụrụ ana wụ́ ịrẹyị odeyi nịnị ệ dọ wụ́. Ịrịka anọrụ ịnị ẹnịnị vị ẹhụụ akahị-akahị oze ẹẹhị (5,000).

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.

Aniroomi 10:2

Mâ dọ ivenu tụ́ ọọ ka ẹnịnị ee sì ka ẹnị ẹ̀ẹ hẹkẹ Ohomorihi ẹtẹẹtẹrẹ. Ama oze ẹnẹ ẹnịnị zị, ọ yị vị oze ịrẹyọyẹ.

Anigaratiya 1:14

Ịnị avaba ọpa amị, ẹma sị ụvọ za ahẹkẹ Aniju hu kere-kere nị. Ẹma rẹ sị avaba ayị amị mẹ ido oni ohiku ayị jị hu nị.

Anigaratiya 1:24

Dị ẹyaa sị ụgaa yị Ohomorihi agụvị amị nị.

2 Anịtẹsaronika 1:10

Ịrẹyị ẹnẹẹ vaa mẹ ịhị Ijeesu ọ̀ọ vavẹ va dọ igirima ana aza anị aa sịị yọ. Ịhị ọnọọ aza ana sị ayị tụraa vaa sị ụbanyịị yọ. Ẹwụ nịnị rẹ vaa yà ịnị aza ẹnẹẹ bẹẹ, agụvị ka wâ dọ ịrẹyị ọnị kà wụ nịnị wụ́.