Odeyi 21:13 - IWE ỌNỊNỊ

¹³ Dị Ịpọọrụ ka, “Sụ waa mẹ nịnị aanị, dị waa jị òrèrè nịnị? U wee sì ka we du mi ayị nịnị nịị? Mê tenyi ẹngụ ka à wụ̀ mị Íjerusarẹmị agụvị ịrẹha Ijeesu Ananyị yị, ayị vị ka à sụ́ mi orupa kẹnẹ.”

Odeyi 21:13 ပူးပေါင်းရင်းမြစ်များ

1 Ịtọpa 11:18

Dị ẹnị isoja ọkọọka ẹyịta ẹnịnị sị ụkata-ụkata ha udi Anihwirisiti nịnị ịnẹ na parahu, dị ẹ dà enyi hụụnị ịkangga ọnọọ va yị Idevidi nị. Ama Idevidi ô yi ka oni e yi hú; dị ọ sị mẹ̀ ịsọvọ yị Ẹnẹyịmavara, dị ọ và a hi ẹtẹ nị.

Ayịsaya 3:15

Ẹmị Ananyị wụ, ẹmị Ẹnẹyịmavara Ochẹtẹẹngụ mee họ̀ use mị ka si u ro dị ụ maanị nyayịnẹ aa chamayịị yị aza amị nịnị? Sị ẹ vẹ dị ụ maanị aa za wa eyi kwọrọ ẹtẹ?

Ijeremaya 40:1

Ijeremaya ka, Ẹnẹyịmavara ộ kà ịrẹyị yị ọnị Inebuzaradani mẹ raa hụrẹ ọnị ụvọ ẹtẹ Ịraama. Ọ kà vị́ a vịdị tụ ọnị ẹba na ngụ ịzọọ beri aza ana vọ ana kụ hụrị Ijerusarẹmị ọnịrị Ijuda nị. Dị a kụ ẹnị ne hi Ịbabịrọnị anka ọrịhị avọọ nị.

Ezikẹẹrị 18:2

Sị ẹ vị iruvo ọnị ọnị ee sii che ụhịrẹyị ka Ada ezi ệ rị ẹtụtụ ana sụrẹyị, dị ahịka ezi ẹnịnị anyị ẹnịnị ee henyi nị.

Ijona 1:6

Ohirẹsụ anụkọrọ ẹpa ọnọọ ô nee tù Ijona ịzọọ, dị ọ hā a kwẹẹtẹ nị. Dị ọ ka, ọ̀ mẹmẹ nyẹngụ maanị aa sụ̀ ara isu? Dị ọ ka ọ kwẹẹtẹ dị ọnị ọ rẹ hị́ ori ịrẹsụ anị ka ọ̀ va gụ ẹnị ụvọ nị. Dị ohirẹsụ ẹpa ọnọọ kà, ẹnẹ yẹ, ẹyịyara ọ vaa vayị ẹnịnị, dị ọ dọ ẹnị ha hụụnị ụvọ opomi ọnọnị.

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Odeyi 20:37

Dị ẹyaa jị òrèrè ẹtẹẹtẹrẹ, dị ẹ há ụvọ kara Ịpọọrụ ọrọkọ, di e kú ọọ irenu nị.

Odeyi 5:41

Dị odeyi nịnị hụụ ịdị anikootu ẹnẹẹ, dị ẹyaa jẹ ka ẹnị ẹ yị yẹ ka ẹnị rẹ vị ọza ana aa rị ụya, dị a mẹ̀ ụhị nyị ẹnị agụvị ịrẹha Ijeesu.

Odeyi 9:16

Ẹmị ụvọta vaa sịị zụ̀ ọọ ụya ọnị ọ vaa rị agụvị amị.”

1 Anịkọrịntị 15:31

Ẹwụ nịnị ẹyịnyara amị, ẹmịrị isu ẹ yị tára ẹngụ eyinị-eyinị. Ịzẹyịza ọ vị nị, anka m maa sị wụ nịnị wo oto ka aza Ijeesu Ikirisiti Ananyị yị ụ vị nịnị nị.

Anihwiripi 2:17

Ụ mẹ̀ sị ayị tụra Ijeesu nịnị, vị ọ sị mẹẹ ka ụ mẹ̀ ịsọvọ hi Ohomorihi nịnị nị. Àa nyị ka à sị ụhwẹ ẹmị ụvọta tụ́ ịnị ịsọvọ ọnọọ, mị vaa jẹẹ tụ́ ọ. Mee pe wu jẹ nịnị,

Anihwiripi 2:26

O si kù ene eyi awụ nịnị hụrẹ aa tụra a. Ayị amị ọ yị nẹtẹ, agụvị ka wâ wụ́ ọ nịnị ka ẹngụ ộ zị ọ.

Anikorasi 1:24

Maa jẹ booro aanị, agụvị ka maa rị ụya agụvị awụ nịnị. Maa rị ụya ana vọ ọnị Ikirisiti ka ma rị yị ịragụ Ohomorihi, ana jẹẹ yị ẹngụ Ikirisiti.

2 Itimoti 1:4

Mâ tamayị ụ maa jị òrèrè. Eyi awụ aa tụra mị ẹtẹẹtẹrẹ; mee sì ka me re wu dị ayị amị ò zụ hine ẹtẹẹtẹrẹ.

2 Itimoti 4:6

Àa vị ẹmịị yọ, ma sị ẹngụ tenyi ka à wụ̀ mị anka ịsa ịsọvọ avọọ. Ụmẹ o si tù ka ma hụụnị ẹhẹ ọnọnị.

2Ipita 1:14

Máa yẹ ka o yi kuku kù, dị ma hụụnị ẹhẹ ọnọnị, anka Ijeesu ikirisiti Ananyị yị mẹ̀ vịdị kà a mị.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Ẹtore 3:10

Wa raà sị eyi pe ịrẹyị amị ọnị mị kà ka wa nyị isuuru; agụvị avọọ ẹmị rẹ vaa dọ ẹwụụ tụ́ụ hụụnị ụyọrị ana aa vẹ ịrẹsụ avaba anẹhẹ vaa zama avaba aza ene hi ịnị ẹhẹẹ re.

1 Ịsamụwẹrị 1:8

Ọ̀ọ vavọọ ee sụ ùnè, di Erikana ọva anị re ne tù ọ dị ọ ka, “Ịhaana, sị ẹ vẹ di wee sụ ùnè dị wẹ̀ yị rị ịsa? Úú mee re? Aanị ka ẹmị ọnọnị o yi huna ezi ẹẹwụ yị wụ?”

1 Ịsamụwẹrị 15:14

Dị Ịsamụwẹrị kà, “Wàa sị ụtụ ọnọọ zị, ẹnẹ va nyị atẹmẹ ọnị maa wụ́ owu aanị? Ẹ̀nẹ rẹ nyị imaaru ana maanị ee nowu aanị?”