Odeyi 21:11 - IWE ỌNỊNỊ

¹¹ O mè ve tù yi, dị ọ sị ịbanụ Ịpọọrụ, dị ọ sị sụ́ ahụ anị ọnịrị ụvọ anị nị. Dị ọ ka, “Ụhwẹ Ọnịnị ka aanị Ániju nịnị ene hi Ijerusarẹmị mẹ̀ vaa sụ́ ọza ana nyị ịbanụ ọnọnị nị, dị a sị ọọ chire Anigiriki nịnị ụvọ.”

Odeyi 21:11 ပူးပေါင်းရင်းမြစ်များ

1 Ohinọyị 22:11

Di Izedekaya ozi Ikenaana ọnị sị enyusẹ ọnya aanị, dị ọ sị mẹ ọpanyị nị. Ọ mẹ̀ sị ọ mẹ dị ọ ka, “Ẹnẹyịmavara kà ọpa ọnọnị wụ vaa sị tụ́ Anịsamarịya pooro di we vú wa ẹtẹ nị.”

Ayịsaya 20:2

Ụmẹ ọnọọ Ẹnẹyịmavara ọ raa kà ịrẹyị yị Ayịsaya ozi Amozi Ọ kà ọ̀ ngwa ịta arụwẹ oni o si kú ẹngụ tịtẹ, dị ọ̀ rẹ ngwa adava anị hi ẹtẹ. Ịzẹyịza di Ayịsaya ngwa wa hi ẹtẹ, dị ọ kụkụ tụ́ ahwaahụ dị ọ sị ahụ osusu aa zị nị.

Ijeremaya 19:1

Ẹnẹyịmavara ộ kà a yị Ijeremaya ka, ọ̀ na hị́ ụnọkọ ana a sị ụmọpa mẹ. Ijeremaya ka ọ́ rẹ kà a yị ọnị ka ọnị ọ̀ nyị azọkụ chee hụụnị ịnị aza anị beri ẹnị ohirẹsụ irehi Ohomorihi chee aanị.

Ihoseya 12:10

Ọ kà ọnị ộ ka ịrẹyị yị ọnịsẹ nịnị, dị ọnị mẹ̀ ka e re ẹtẹ ọrụrụ-ọrụrụ ana mẹ ka ẹ yẹ ka ẹnịnị ee vee vú ẹtẹ nị.

Ịjọọnụ 18:1

Ịjị Ijeesu vavọọ sị ịrẹyị ẹnẹẹ kà kẹnẹ, dị ọnịrị ezirẹma anị hụụ ịzọọ, dị ẹ nọ akẹnẹ okuha Ikidironi nị. Â nyị ụbazị ọnya ịzọọ, dị Ijeesu ọnịrị ezirẹma anị ngụ ịnị ụbazị ọnọọ nị.

Odeyi 13:2

Ẹ màa mẹ ụkọrọọ yị Ananyị yị, dị ẹyaa za awẹ, dị Ụhwẹ Ọnịnị kà a yị wa ka, “Sị Ịbanabasị ọnịrị Ịsọọrụ tịtẹ mị nịnị, dị ẹ̀ na mẹ̀ ụkọrọ ọnị mị hị́ wa tụ́ ịnị anị!”

Odeyi 16:6

Ịpọọrụ nịnị ệ zị oze ẹtẹ Ihwirigiya ọnịrị Ịgaratịya na para hu, agụvị ka Ụhwẹ Ọnịnị ọ yị zẹẹ ka ẹ̀ kà ịrẹyị Ohomorihi ịnị ẹtẹ Esiya.

Odeyi 20:23

Ama mâ yẹ ka Ụhwẹ Ọnịnị aa kà a mị avaba aha ka ẹngwa ọnịrị ụya ọbanyị jẹẹ ee zí mi.

Odeyi 21:33

Dị ọga ọbanyị ọnọọ wụsẹ na za Ịpọọrụ, dị ọ ka à sị ẹba ẹẹva sụ́ ọọ nị Di o ve họ̀ use ka, “Ẹnẹ ọza ọnọnị vị? Sị ọ mẹ?”

Odeyi 21:4

Yê re ezirẹma ẹnyị ịzọọ, dị ị yà ịzọọ pe wa mẹ ẹkụhị ịhịmba nị. Ụhwẹ Ọnịnị ộ mẹ̀ ka ẹ̀ kà a yị Ịpọọrụ ka asị ọ nọ Ijerusarẹmị.

Odeyi 22:25

Ẹ mẹ̀ sị Ịpọọrụ sụ́ orupa ka eni è ve tụ́ ọọ, dị Ịpọọrụ kà a yị ọga isoja nịnị ẹchẹhị ana jẹẹ ịzọọ, dị ọ ka, “Áá vọrọ ka è tụ́ Aniroomi ịjapa, ịrẹma ọnị ọza ọọ̀yị hyakụ sì iruvo ịrẹyị anị?”

Odeyi 24:27

Ị́rayị ẹẹva mẹ̀ sị mẹ para hu, dị Ịpọkịyọsị Ịhwẹsịtọsị dọ Ịhwẹrịsị ịrẹsụ nị. Ịhwẹrịsị ô sì ka ọnị ọ̀ mẹ ịsị Aniju nịnị sì, agụvị avọọ dị ọ navọ Ịpọọrụ tụ́ ịnị ẹngwa nị.

Odeyi 26:29

Dị Ịpọọrụ ka, “Ọ̀ọ vị ụmẹ ọgọdọ, àa vị ụmẹ keere, ịsị mee sì, ọ vị ka Ohomorihi ọ̀ navọ asị ahịka ẹwụnya kẹnẹ yọ nị, ama avaba aza ana aa wụ́ ịrẹyị amị ajịnị aanị, ẹ̀ zụ yà, m mẹ̀ yà aanị. Ama me yi sì ka à sị ẹba tụ́ wa, anka a mẹ̀ sị tụ́ mị aanị kẹnẹ.”

Odeyi 28:17

Ịrẹma ẹkụhị ẹẹta, dị Ịpọọrụ hị́ ọdọvịdị Aniju nịnị ene hi ịzọọ eyọgẹ nị. Ẹ mẹ̀ sị gụ, dị ọ kà a yị wa ka, “Ẹwụ nịnị ẹyịnyara amị, ẹ yị nyị ịsị ọnị mẹ anda ayị, Ọnị ẹ yị mẹ̀ ịsa odivi hi ịsa ohiku ayị. Ama vị ẹ yị za ọnị Íjerusarẹmị kẹnẹ, dị a sị ọnị chire Aniroomi nịnị ụvọ nị.

Odeyi 28:20

Ọ kà agụvị avọọ ọnị hị́ wa, ka ọnị o re wa, dị ọnịrị wa è dudu kà ịrẹyị nị. Ịrẹyị ọza ana Anisirẹrị aa tụra eyi, ọ mẹ ka à kụ́ ẹba tụ́ ọnị aanị nị.”

Odeyi 28:25

Ẹnịnị ê pe ẹngụ nyị ahankata. Dị Ịpọọrụ kà ịrẹyị ọnya, di e si hu aa na nị. Ịpọọrụ ka, “Ịrẹyị ọnị Ụhwẹ Ọnịnị mẹ ka Ayịsaya ọ̀ kà yị ada awụ nịnị, ộ da gẹẹ kẹnẹ.” Ọ kà,

Odeyi 8:29

Dị Ụhwẹ Ọnịnị kà a yị Ihwiripi ka ò tere pe ịkẹkẹ ọnọọ, dị ọnị rị ọọ ẹ̀ẹ na nị.

Odeyi 9:16

Ẹmị ụvọta vaa sịị zụ̀ ọọ ụya ọnị ọ vaa rị agụvị amị.”

Anẹhwẹsọsị 3:1

Ẹmị Ịpọọrụ vị anịnẹngwa Ijeesu Ikirisiti agụvị ẹwụ nịnị ẹnẹ ẹ̀ yị vị Aniju.

Anẹhwẹsọsị 4:1

Ẹmị ana yà ịnị ẹngwa agụvị Ananyị yị maa dá ịpẹẹ wụ nịnị ka waa mẹ̀ ebira ana vọrọ tụra wụ nịnị anka aza oni Ohomorihi sị hị́.

Anẹhwẹsọsị 6:20

Odeyi Ikirisiti mị vị nị, ộ tụ́ mị ka ma naa kà enube ọyịzaa yị aza nị; agụvị anị mị hyakụ yà ịnị ẹngwa booro aanị nị. Mẹ aduwa yị mị nịnị ka ma nyị ọtụtụrụma dị ma yịị kà a, anka ọ mẹ̀ vọrọ!

1 Itimoti 4:1

Ụhwẹ Ọnịnị aa kà a, oyi were, ka ịnị ụmẹ ọdịrẹma ẹhẹ, aza ẹnyị ẹ yị kụkụ vaa sị ayịị tụra Ohomorihi. Dị ẹ kụkụ aa wụ́ ịrẹyị ụhwẹ echu eneē vene ọza, ọnịrị ịsa ọnị ụhwẹ echu aa sịị zụ̀ aza.

2 Itimoti 2:9

Agụvị enube ọyịza ọnọọ, m maa sịị rị ụya aanị, dị a hyakụ sị ẹba tụ́ mị anka ọza ana na mẹ̀ ịsa odivi avọọ nị. Ama mâ yẹ ka ọza ọyị zụ sị ẹba tụ́ ịrẹyị Ohomorihi.

Anihiburu 10:34

Wê pe anịnẹngwa rị ụya nịnị. Wáa sị inohine dọ ka aza ẹ̀ dọ wụ ogu awụ nịnị, agụvị ka wáa yẹ nịnị ka wáa nyị ogu ene zoza hu avọọ tụ́ ẹbẹẹba nịnị ene è yi mē du.

Anihiburu 3:7

Ụhwẹ Ọnịnị ọ́ọ kà a ka: Ajịnị, wàa wụ́ ọngwẹ Ohomorihi nịnị,

1Ipita 1:12

Ohomorihi ộ sị zụ wa ka ẹwụ nịnị ẹyaa mẹ ụkọrọọ yị nị, ẹ́ yị vị ẹngụ ẹnịnị. Aza anaā kà enube ọyịza ệ kà a wụ nịnị, anka Ụhwẹ Ọnịnị ana a tụ́ hụrị ẹbẹẹba vẹ mẹ̀ sị ụkata yị wa. Anggẹẹrị nịnị nyẹmba bẹẹ ee sì ka eni è re ịsa ẹnẹnị.