Odeyi 20:7 - IWE ỌNỊNỊ

⁷ Ịnị ẹkụhị ịpaapa ọsẹ, ọdọwụ nịnị ệ kụ́ gụ ka ẹnị ẹ̀ rị ịsọyịrị Ananyị yị. Ịpọọrụ ee sì ka ọnị ọ̀ na eyinẹhẹ anị. Dị ọ kà ịrẹyị Ohomorihi yị aza ẹnẹẹ pooro ne tù agẹvịrahụ nị.

Odeyi 20:7 ပူးပေါင်းရင်းမြစ်များ

Inehemaya 8:3

Dị ọ zà iwe ọda ọnọọ ịrẹka eyi avaba aza hụrẹ ẹnẹnẹ na ngụ ọọdụ ịnị orere nị. Dị ọzọza sị ụtọ pe e, dị ẹ wụ́ ịrẹyị ọnọọ nị.

Inehemaya 9:3

 sị ụmẹ ịsa ẹẹta tịtẹ za iwe ọda Ẹnẹyịmavara, Ohomorihi ẹnịnị ịrịka yị wa. Dị ẹ rẹ vavọọ sị ụmẹ ịsa ẹẹta dọ irenu ebira odivi ẹnịnị, dị ẹ hẹkẹ Ẹnẹyịmavara ana vị Ohomorihi ẹnịnị nị.

Ịmaakị 16:9

[Íjeesu mẹ̀ yị ha hụụnị isu kẹnẹ ịnị ẹnẹnẹ viri-viri ẹkụhị ọsẹ, dị ahịka Imeri Anịmagịdara ọ vịdị sị ẹngụ zụ̀ nị; ọnị ọ vịdị dụ ụhwẹ echu ịhịmba hụụnị ẹngụ anị nị.

Iruuku 22:19

[Dị ọ rẹ sị Ịbụrẹẹdị, dị ọ kụ́ Ohomorihi avọ tụ́ ọọ nị. Dị ọ dà a, dị ọ sị yị ezirẹma anị nị. Dị ọ ka, “Ọsọnị ọ vị ẹngụ amị ana a sị mẹ̀ ịsọvọ agụvị awụ nịnị nị. Waa mẹ ọsọnị, dị ụ wa sịị tamayị amị nịnị!”

Iruuku 24:35

Dị ẹnị ẹyịva ẹnẹẹ ẹnị rẹ kà a yị wa ịsa ana mẹ óze, ọnịrị éyi ẹnịnị mẹmẹ há tù Ananyị yị, ọ mẹ̀ dà Ịbụrẹẹdị yị wa.

Ịjọọnụ 20:1

Ẹnẹnẹ viri-viri, ịnị ẹkụhị ọsẹ, ẹtẹ oò yi hweyi, dị Imeri Anịmagịdara nọ ini ikuta, di o ne tù ka a sị ịrẹta zina hụụnị enoze ikuta ọnọọ nị.

Ịjọọnụ 20:19

Oruva ịhị ọnọọ gẹdẹ-gẹdẹ ana vị ẹkụhị ọsẹ, dị ezirẹma Ijeesu kụ́ gụ hi ini eehi, di e chire oze hi ẹngụ nị, agụvị ka angwa Aniju nịnị ee hí wa. Dị Ijeesu vana va jẹẹ ịnị akakana ẹnịnị, dị ọ kụ́ wa ka, “Ẹngwọọrọ ọ̀ vị awụ nịnị!”

Ịjọọnụ 20:26

Ịrẹma ẹkụhị ịhịnta para hu, di ezirẹma Ijeesu rẹ kụ́ gụ hi ini eehi nị. Ịtọmọsị kụkụ yà ịzọọ pe wa. Oze vị vị oyichire, dị Ijeesu rẹ vana va jẹẹ ịnị akakana ẹnịnị nị. Dị ọ rẹ kụ́ wa ka, “Ẹngwọọrọ ọ̀ vị awụ nịnị!”

Odeyi 16:10

Ị́pọọrụ mè yi re ẹtẹ ọnọnị kẹnẹ, di i tenyi ẹngụ ka yaa nọ Imasedoniya nị. Ya sị yẹ ka Ohomorihi ọ hị́ yị ka ya na kà enube ọyịza yị anịzọọ nị.

Odeyi 2:42

Ẹnịnị ệ sị ụmẹ ẹnịnị tịtẹ kụkụ aa kọsẹ ịdị odeyi nịnị, dị ẹyaa sị ayịị yị ẹngụ, di e re dudu aa rị ịsọyịrị Ananyị yị, di e re dudu aa mẹ̀ aduwa nị.

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

Odeyi 20:11

Dị Ịpọọrụ varẹma hịrẹ nọ ịnị ọtụrọsa, dị ọ na dà ịsa rị nị. Dị ọ kà ịrẹyị yị wa pooro di eyi aa nị; dị Ịpọọrụ si hu nị.

Odeyi 20:31

Agụvị avọọ sị eyi pe ẹngụ awụ nịnị! Tamayị nịnị ka hụrẹ ịrayị ẹẹta, ọọdụ ọnịrị ịrahụ ẹmịrị ẹgọ hụrẹ ee pe ọzịnya-ọzịnya awụ nịnị juwe nị, mẹyị tụ́ ụhwọ́.

Odeyi 20:5

Dị aza ẹnẹnị tụ́ ọvịdị ayị, dị ẹ na jẹẹ zí yi ẹkụra Itirowasị nị.

Odeyi 20:9

 nyị ozi ọnọrụ ọnya aanị ana aā hị́ Iyutikọsị, dị ọ yaayịtẹ ini ozokete, di aa sụ ara ẹtẹẹtẹrẹ nị. Ị́pọọrụ màa yịị kà ịrẹyịị kù, dị ara sị ozi ọnọọ huna, di o zina hụụnị ọtụrọsa ọhụta va nya ẹtẹ, dị ahịka oku anị a kụkụ na sị nị.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

1 Anịkọrịntị 10:16

Yàa rị ịsọyịrị Ananyị yị, dị ị sị ako ana sị ká eche tịtẹ, dị ị kụ́ Ohomorihi avọọ tụ́ ọọ, di i hú ọọ, ana sị zụ̀ ka ẹyịrị Ikirisiti ộ vabẹ ini oze anya anị. Ụbụrẹẹdị ọnị ịị̄ rẹẹ dà, dị ya rị ọọ, ọ rẹ sị zụ̀ ka ẹyịrị Ikirisiti ộ vabẹ ini oze ẹngụ anị.

1 Anịkọrịntị 15:10

Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.

1 Anịkọrịntị 16:2

Ịnị ẹkụhị ọsẹ ẹkụhị ọsẹ, ọzọza ọ̀ọ sị ịnị ẹkẹhị anịị tẹ̀, anka ọpa ẹkẹhị ọnị ọ nyị; agụvị ịhị màa vẹ ịdị awụ nịnị, asị a na nyị ka àa dọ ẹkẹhị.

2 Itimoti 4:2

ka, waa kà enube ọyịzaa yị aza! Waa kà a ịnị ụmẹ ana aza èe sì ọnịrị ịnị ụmẹ ana aza è yi sì! Waa tụ́ wa ohuvọ, waa kà wa ọnọ, dụ wa rẹẹ tụ́ wa ọtụtụrụma! Re ka wáa nyị isuuru ẹtẹẹtẹrẹ, ụ màa zụ̀ wa ịsa!

Ẹtore 1:10

Ẹkụhị ọnya ana vị ẹkụhị ọsẹ, Ụhwẹ Ohomorihi ộ va dọ avaba ayị amị. Dị mị wụ́ ọngwẹ ọbanyị ana sụ́ ịrẹyị anka ọpanyị avọọ ị́rẹma amị nị.