Odeyi 20:37 - IWE ỌNỊNỊ

³⁷ Dị ẹyaa jị òrèrè ẹtẹẹtẹrẹ, dị ẹ há ụvọ kara Ịpọọrụ ọrọkọ, di e kú ọọ irenu nị.

Odeyi 20:37 ပူးပေါင်းရင်းမြစ်များ

Oyinyima 45:14

Di Ijosẹẹhụ hara Ịbẹnjamịnị kú ayị, di ee sụ ùnè, di Ịbẹnjamịnị ọnị ree sụ ùnè nị.

Oyinyima 46:29

Di Ijosẹẹhụ tenyi ụkẹkẹ anị, ọnị umaataā tura, dị ọ na gẹrị ada anị Igoseni nị. Ẹ mẹ̀ na gẹ, di Ijosẹẹhụ ne na hara ada anị kú ayị, di o sụ́ ùnè pooro nị.

2 Ịsamụwẹrị 15:30

Di Idevidi kà tụ́ ọvịdị dị aa hịrẹ ịrẹsụ ataba orivii na nị. Ọ màa na, di ee sụ́ ùnè nị. Ịrẹsụ anị vị ọnị ọ sị ịsa kụ́, ọ yị sị adava tụ́ ahụ. Avaba aza ana saasa a aa na vị ana sị ịsa kú ịrẹsụ ẹnịnị, dị ẹ yaa jị oreree na.

1 Ohinọyị 19:20

Di Erisa navọ ịsụpa ẹnẹẹ hi ẹtẹ, di ee zwee dụ Erijaa na nị dị ọ ka, “Aarịhịnị jẹẹ ma na kụ́ ada amị ọnịrị ọnyị amị adihyọsa dê, di ma vaa dụ wụụ vẹ!” Di Erija tụ́ ohi dị ọ kà, “Varẹma wa na, áá nyị ịsị mị sị mẹ wụ?”

2 Ohinọyị 20:3

Ọ kà, Ẹnẹyịmavara ọ tamayị ka ọnị ọ raà sị avaba ayị mẹ ịzẹyịza, dị ọnị rẹ mẹ̀ ịsa ana vọrọ eyi anị nị. Dị ọ sụ ùnè ẹtẹẹtẹrẹ nị.

Ẹzịra 10:1

Ẹzịra mẹ̀ vavọọ yi ku ẹtẹ aa mẹ̀ aduwa ọvịdị irehi Ohomorihi, dị aa jị òrèrè, dị aa kụ ẹngụ anịị nya ẹtẹ nị. Aa dọ irenu ịvị ẹnẹnị dị ọkọnị Anisirẹrị, anọrụ, anẹẹ, ẹnịrị ezweyi va gụ kara a nị. Aza ẹnẹẹ nyẹmba vị ana raa jị òrèrè ọngwọọngụ.

Ijoovu 2:12

Ịjị ẹnịnị re e hụrẹ aha ẹnẹẹnẹ ka ọ sị vara, dị ẹ va orere hi nị. Dị ẹ yaa jị òrèrè booro-booro nị. Dị ẹ na awuru ẹnịnị hi ẹngụ dị ẹ kụ edudu ku ịrẹsụ ẹnịnị, dị ẹ va ẹngụ hi nị.

Ahẹ Ụgama 126:5

Aza ana ahịka vi e yee sụ́ ùnè é mèe chire ịsa nị, navọ ẹ̀ẹ yaa kụ́ ịsa ọnọọ hụụnị aarẹ ahịka vị ẹ kụkụ aa jẹ nị.

Iruuku 15:20

“Ịzẹyịza, dị ọ kwẹẹtẹ, dị aa ká ada anịị na nị. Ọ màa vẹ ẹ́nẹẹnẹ, dị ada anị re e, dị aa vayị anị nị. Dị ada anị zwe na gẹrị ọ, dị ọ hàrà a ku ayị nị.

Aniroomi 16:16

Kụ́ ẹngụ nịnị ẹtẹẹtẹrẹ, ini oze ana sị zụ̀ ka wê sì ịrẹyị ẹngụ nịnị. Avaba anịragụ Ikirisiti ka ẹnị kụ́ wụ nịnị.

1 Anịkọrịntị 16:20

Avaba ẹyịnyara ayị ene hi ịzẹnị ka ẹnị kụ́ wụ. Waa kụ́ ẹngụ nịnị ini oze ọnịnị ana sị zụ̀ ka wee sì ịrẹyị ẹngụ nịnị.

2 Anịkọrịntị 13:12

Kụ́ ẹngụ nịnị ẹtẹẹtẹrẹ ini oze ana sị zụ ka wee sì ịrẹyị ẹngụ nịnị.

1 Anịtẹsaronika 5:26

Kụ́ avaba anda ayị nịnị ini oze ana sị zụ ka wee sì ịrẹyị ẹngụ nịnị.

2 Itimoti 1:4

Mâ tamayị ụ maa jị òrèrè. Eyi awụ aa tụra mị ẹtẹẹtẹrẹ; mee sì ka me re wu dị ayị amị ò zụ hine ẹtẹẹtẹrẹ.

Ẹtore 21:4

Ohomorihi vee nyee avaba ẹgọọ hụụnị eyi ẹnịnị. Ayị kụkụ vaa nyị iswọọza, ẹ yị nyị ayodu, àa vị orere. Ayị rẹ kụkụ nyị ịsị ẹ vaa zị ọza, agụvị ka ịsa ịyẹẹyẹ ẹ́ẹ ta saka-saka.”

Ẹtore 7:17

Agụvị ka Ozi Atẹmẹ ana yà ọvịdị aga ohinọyị vaa tẹsị ẹnịnị anka oseratẹmẹ. Dị aa kụ́ waa nọ aha ene enyi ẹtẹ anaā mẹ ka ọza ọ̀ yàra pooro zịna-zịna yà. Ohomorihi vee nyee avaba ẹgọọ hụụnị eyi ẹnịnị.

1 Ịsamụwẹrị 20:41

Ozi ọnọọ mẹ̀ si hu, di Idevidi kwẹẹtẹ hụrẹ akaha ịrẹta ịzị ọ tẹ tụ́ nị. Dị ọ tana tụra ẹtẹ kụ́ Ijonatani ụpẹ ẹẹta nị. Di e kú ẹngụ irenu di eyee sụ ùnè nị. Di ahịka Idevidi ee sụ ùnè hu nị.