Odeyi 20:33 - IWE ỌNỊNỊ

³³ Ẹ yị nyị ọza ọnị mị mẹ eyọhụrẹ hi ịkọvọ anị, àa vị ịta anị.

Odeyi 20:33 ပူးပေါင်းရင်းမြစ်များ

Ịrịka 16:15

Ịrẹyị ọnọọ ọ kụ Imosiisi ayị, dị ọ mẹ̀ aduwa ka asị Ẹnẹyịmavara dọ ịsọvọ ẹnịnị. Ọ kà a yị nyị ịsị ọnị dọ wa. Ọnị ọ yị dọ wa ịkẹrịkẹtẹ.

1 Anịkọrịntị 9:12

Wâ dọ nịnị ka ịsị ụ wàa nyị, ẹwụrị aza ana vọ ẹ̀ gà a nịnị. Ẹyị a vana vọrọ ka wa vịdị gà ịsị ụ wàa nyị tù nịnị nị. Ịsa ẹnẹẹ ệ vọrọ tụra yị, ama yẹ yị va kà ka wa sị yị nịnị. Ama yâ sị ẹngụ dọ avaba ịsa, agụvị ka ye yi sì ka ịsọnyị-ịsọnyị ọ̀ dọ enube ọyịza Ikirisiti oze.

1 Anịkọrịntị 9:15

Mị yaanị re oze họ̀ use ịsa ẹnẹnị, ama me yi sì ka me họ̀ use anị. Ẹ yị rẹ vị agụvị mee re ịsaa dọ, mị sị sị aa chẹrẹ iwe ọnọnị. Ọ̀ọ sị kà ọnị ọza va naa dọ mị ịsị maa sịị mẹ ụbanyị, mèe vene sú, ộ dahi.

1 Anịkọrịntị 9:18

Sị ẹ va vị ọgụ ẹmị? Ọgụ amị ọ vị ka: Maa kà enube ọyịza, ama mẹ yị kà a ka ọza ọ̀ sị ịsọnyị-ịsọnyịị mị. Mẹ yị kà ka maa dọ ịsị ọza anaā kà enube ọyịzaā dọ.

1 Anịkọrịntị 9:4

Yaa mẹ̀ ụkọrọ, u wéé ro ka ẹ yị vọrọ ka yaa kà a ka wa sị ịsọyịrị yị nịnị nị?

2 Anịkọrịntị 11:7

M mẹ̀ kà enube ọyịza Ohomorihi yị wụ nịnị, ẹ yị nyị ịsị mị dọ wụ nịnị. Mâ kà ẹngụ amị chi, ka wa zụ nyị ụbanyị nịnị. Ịsa odivi m máá mẹ avọọ nị?

2 Anịkọrịntị 11:9

M mẹ̀ yà ịdị awụ nịnị, mèee sì ịsa, mẹ yị kụ́ ọọ kata wụ nịnị ẹngụ. Anda ayị ana hụ rẹ Imasedoniya vẹ, ẹ́ yaa sị ịsị mèe sì yị mị nị. Mẹ yị kụ́ ọọ kata wụ nịnị ẹngụ ịnị ẹngụ ịnị ịsọnyị-ịsọnyị. Avọọ m mẹ̀ yị vaa mẹ pooro nị.

2 Anịkọrịntị 7:2

Navọ ayị awụ nịnị ò hine tù yi, agụvị ka ẹ yị nyị ọza awụ nịnị ọnị mẹ odivi. Ẹ yị nyị ọza ọnị i du, yẹ yị rẹ rị ọza ẹtẹ ahụ.

1 Anịtẹsaronika 2:5

Wáa yẹ nịnị ka ẹ yị nyị ụmẹ ọnị ị sị kà eyi ọza; yẹ yị rẹ mẹ apẹ há ọhọha. Ohomorihi vị onivenu ayị.

1Ipita 5:2

Aarịhịnị, waa tẹsị aza Ohomorihi oni Ohomorihi si chire wu nịnị ụvọ ka wa sị eyi pe! Asị u ti, àa vavọọ aa mẹ nịnị; ama waa mẹẹ anka ịsị ẹ hụụnị ayị ọza vẹ, anka Ohomorihi me sì ọ. Asị ụ hụ̀ agụvị ẹkẹhị kẹnẹ mẹẹ nịnị; ama waa mẹẹ, agụvị ka ẹwụ nịnị ụvọta ee sì ka wa mẹẹ nịnị nị.

3 Ịjọọnụ 1:7

Agụvị ịrẹyị Ijeesu aza ẹnẹẹ sị sị aa jịnẹ nị. Ẹnịnị ẹ́ yị dọ ka ẹnị ẹ̀ dọ ịsọnyị-ịsọnyị hụụnị ụvọ aza ẹnẹ ẹ̀ yị vị ọdọwụ.