Odeyi 20:32 - IWE ỌNỊNỊ

³² “Booro aanị, mâ sị wụ nịnị chire Ohomorihi ụvọ ka ò sere wu nịnị. Ma rẹ sị wụ nịnị chire ịrẹyị ayamva anị ụvọ. Ịrẹyị ọnọọ ọ zụ sị wụ nịnị vịra, dụ wa rẹ zụ nyị tụ́ ịnị ẹyịza oni Ohomorihi raà sị tẹ yị aza ọnọọ nyị tụ́ irenyi yị ẹngụ anị.

Odeyi 20:32 ပူးပေါင်းရင်းမြစ်များ

Oyinyima 50:24

Di Ijosẹẹhụ va hị́ ẹnẹbẹnị anị dị ọ ka, “Mee vee sú. Ama Ohomorihi vaa jẹẹ wụ nịnị ịrẹma dị ọ sị wụ nịnị hụụnị ẹtẹ ọnọnị nọ ịnị ẹtẹ ọnị ọ hị́ eku ka ọnị aa sịị yị Abụrahamị ọnịrị Ayiziiki ne beri Ijekọvụ.”

Ijeremaya 3:19

Ẹnẹyịmavara kà ọnị ô rò o ka vị ọnị vaa sị ụvọ za awụ nịnị anka ezi anị avọọ nị. Ọnị sì ka ọnị ọ̀ sị ẹtẹ ene zoza hu kere-kere ịnị ẹhẹ yị wụ nịnị nị. Ọnị ô zi ka vị ẹwụ nịnị va hị́ ọnị Ada awụ nịnị, dị wa a saasa ọnị nịnị pooro nị.

Ijeremaya 49:11

Ọ kà wa navọ ezi-oku awụ nịnị hi ẹtẹ yị ọnị ka ọnị vaa sị eyi pe wa. Ese oku awụ nịnị ẹ̀ sị ayị tụra ọnị.

Ịmaakị 10:17

Íjeesu màa vaa na, dị ọnọrụ ọnya aanị zwe echi ve tù ọọ nị. Dị ọ jị idinku ku ẹtẹ ọ́vịdị anị, dị ọ ka, “Nda ọyịza, sị a vọrọ ka ma mẹ, dị ma nyẹngụ yàra pooro zịna-zịna ị́dị Ohomorihi?”

Ịjọọnụ 15:3

A raà sị ịrẹyị ọnị mị kà wụ nịnị aanị tenyi wu nịnị.

Ịjọọnụ 17:17

Sị ịzẹyịza awụ mẹ wa ka ẹ̀ẹ mẹ̀ ebira ọnịnị! Ịrẹyị awụ ọ vị ịzẹyịza ọnọọ nị.

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Odeyi 14:23

Ịnị ịragụ Ohomorihi ọnya-ọnya, Ịpọọrụ nịnị ệ nyị azọkụ ịragụ yị wa. Dị ẹ mẹ̀ aduwa, dị ẹ za awẹ, dị ẹ kụ́ aza ẹnẹẹ chire Ananyị yị ẹnị ẹnịnị sị ayị tụra ụvọ nị.

Odeyi 14:26

Ẹnịnị ệ hụụ ịzọọ, dị ẹ ngụ ẹpa và nọ Antịyọkị nị. Ịzọọ a yà sị wa chire Ohomorihi ụvọ ka Ohomorihi ọ̀ mẹ ọyịza yị wa agụvị ụkọrọ ẹnẹẹ sị mẹ ta aanị nị.

Odeyi 14:3

Ịpọọrụ nịnị ệ yị yà ịzọọ kù ẹtẹẹtẹrẹ. Dị ẹyaa sị ọtụtụrụma kà ịrẹyị Ananyị yị nị. Ananyị yị ộ mẹ̀ ka ẹ̀ zụ mẹ̀ ụkọrọ ohyozirenu ọnịrị apọtẹrẹwa ana sị zụ̀ ka ịrẹyị ayamva Ohomorihi ẹnẹ ẹyaa kà vị ịzẹyịza.

Odeyi 15:40

Dị Ịpọọrụ ọnị rẹ nyị Isira, dị ọdọwụ nịnị sị wa chire Ohomorihi ụvọ ka ọ̀ mẹ ọyịza yị wa; dị ẹyaa na nị.

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Aniroomi 8:17

Ị mẹ̀ sị vị ezi Ohomorihi aanị, ị rẹ vaa dọ ẹyịza oni Ohomorihi sị tịtẹ yị aza anị. Ẹyịrị Ikirisiti re dudu vaa dọ ẹyịza oni Ohomorihi raà sị tịtẹ yọ. Yàa rị ụya, anka Ikirisiti ọnị mẹ̀ rẹ rị ụya, ẹyị rẹ vaa nyịị tụ́ ịnị ụbanyị ọnị ọ nyị.

1 Anịkọrịntị 1:2

anịragụ Ohomorihi ana yà ẹkụra Ịkọrịntị, ẹwụ nịnị oni Ohomorihi hị́ ka ẹ̀ vị aza ọnịnị anị, ini oze ka ẹnịrị Ijeesu Ikirisiti ọ sị vị ọnya, ne beri avaba aza avaba aha ana aa hị́ ịrẹha Ijeesu Ananyị yị, ọza ana nyị ẹyịrị wa.

1 Anịkọrịntị 6:10

beri oyi nịnị ọnịrị eneyọhụrẹ beri ohweche ahaahara nịnị ọnịrị aza eneē du ọza ịrẹsụ beri aza anaā sịị ụkataa dọ ọza ịsa, ẹ yị vaa ngụ ịzị Ohomorihi yà aa mẹ ịjọva.

1 Anịkọrịntị 6:11

Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.

1 Anịkọrịntị 6:9

Máa yẹ ka wáa yẹ nịnị kaakara ka ọza ẹnẹ ẹ̀ yị nyị ịzẹyịza, ọ yị vaa ngụ ịzị Ohomorihi yà aa mẹ ịjọva. Asị ụ vene ẹngụ awụ nịnị oo! Ọmụnọ nịnị ọnịrị aza ana aa hẹkẹ ori, beri ọsẹrẹka nịnị ọnịrị ọnọrụ nịnị anaā nọ ịdị ọnọrụ ọsa anka ọnẹẹ avọọ,

Anẹhwẹsọsị 1:14

Ụhwẹ Ọnịnị ọnọọ ọ́ọ sị zụ ka ị vaa dọ ẹyịza ana vọ oni Ohomorihi kà a ka ẹ yị zụ nyị ka ọnị ọ yị vaa sịị yị aza anị. Ọ rẹ mẹ ka ya yẹ ka Ohomorihi vaa hị́ aza anịị varẹma saka-saka. Agụvị avọọ à vẹ yaa ga ụbanyị anị.

Anẹhwẹsọsị 1:18

Mị raa mẹ̀ aduwa ka Ohomorihi ọ̀ há ayị awụ nịnị hi ẹtẹ, di eyi awụ nịnị ò zụ hweyi tù ịsị ụ waa tụra eyi anị nịnị, ọ mẹ̀ hị́ wụ nịnị. Mị raa mẹ̀ aduwa ka wa yẹ nịnị ka ẹyịza oni Ohomorihi ka ọnị vaa sịị yị aza anị ọ́ọ nyị ụbanyị ẹtẹẹtẹrẹ.

Anẹhwẹsọsị 4:12

Ộ vavọọ mẹ, agụvị ò zụ tenyi avaba aza Ohomorihi ẹngụ, dị ẹ̀ zụụ mẹ̀ ụkọrọ Ikirisiti, dị ẹ̀ rẹ zụụ mẹ ọgụvọọ yị (anịragụ Ohomorihi ana vị) ẹngụ Ikirisiti.

Anẹhwẹsọsị 4:16

ana aa sị oze zụ̀ avaba ẹngụ ana vọ. Ọnị ọ kụ́ avaba ẹnịnị vabẹ nị, anka ọ́zị mẹ̀ kụ́ ọchẹngụ ọza gẹ. Dị ẹyaa mẹ ụkọrọọ zị oze ọnya nị. Avaba ọchẹngụ ọza ọ̀ọ vavọọ aa mẹ̀ ụkọrọ, ọ mẹ̀ vọrọ, ọ vaa mẹ ka avaba ọchẹngụ ọ̀ọ vịra. Avọọ ọ mẹ̀ rẹ vị yị (anịragụ Ohomorihi ana vị) ẹngụ Ikirisiti nị, ọzọza àa gụ ọsa ụvọ, di e ree sì ịrẹyị ẹngụ nị.

Anẹhwẹsọsị 5:5

Wáa yẹ nịnị ka ọsẹrẹka nịnị ọnịrị onebira ịdọtị anaā há ọhọha, ẹyị vaa ngụ ịzị Ikirisiti ọnịrị Ohomorihi yà aa mẹ ịjọva. Ọza àaa há ọhọha, ori ọ raa hẹkẹ avọọ nị.

Anikorasi 1:12

dị ụ waa kụ́ Ohomorihi Ada ayị avọ nịnị. Ọnị ọ mẹ wụ nịnị vọrọ ka wa zụ nyị tụ́ ịnị ẹyịza ọnị ọ sị tẹ yị aza anị ịdị anị ịzị ẹtohweyi ya nị.

Anikorasi 2:7

Che ayị za Ikirisiti ana sị ụhwẹ ọnịrị ụkata yị wụ nịnị! Yị jẹẹ geri-geri ịnị ẹdọwụ awụ nịnị, anka a mẹ̀ sị zụ̀ wụ nịnị; dị ụ wa rẹẹ kụ́ Ohomorihi avọ nịnị ẹtẹẹtẹrẹ!

Anikorasi 3:24

Wáa yẹ ka Ikirisiti Ananyị yị, ụ waa hẹkẹ nịnị nị. Oni o vee sí wu atọ ụkọrọ awụ nịnị nị, ọnị ọ vị ka ẹyịza ọnị ọ sị tẹ wụ nịnị.

Anihiburu 10:14

Ịsọvọ ụpẹ ọnya kẹnẹ Ìkirisiti mẹ nị. Dị ọ sị mẹ ka aza ọnị ọnị sị vara aza anị ọnịnị, ẹ̀ kụkụ vị ọyịgụ pooro zịna-zịna nị.

Anihiburu 13:9

Asị ụ zẹẹ ka ịsa ọzọga irenyi-irenyi ana aza aa sịị zụ̀ aza, ẹ̀ kụ́ wụ nịnị nyeeyi! Ayamva Ohomorihi a vọrọ ka ọ̀ sị ụkata yị ayị awụ nịnị nị, ẹ yị vị ịrẹyị ọda ịsọyịrị. Ọda ẹnẹẹ ẹ yị mẹ ọgụvọ yị aza ana aa saasa wa.

Anihiburu 2:11

Ijeesu ana mẹ ka aza ẹ̀ vị ọnịnị, ọnịrị aza ọnị ọ mẹ ka ẹ̀ vị ọnịnị vi ene dudu nyị Ada ọnya. Agụvị avọọ ụhị ọyị nyị Ijeesu ọyịhị́ wa ẹyịnyara anị.

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

Ijudi 1:1

Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị.

Ijudi 1:20

Ama yị ẹwụ nịnị anda ayị, waa gụ ẹngụ ụvọ nịnị, di ụ waa vịra nịnị tụ́ ịnị ẹdọwụ oni Ohomorihi sị wụ nịnị. Waa mẹ̀ aduwa nịnị anka Ụhwẹ Ọnịnị ọ̀ọ mẹ sị ụkata yị wụ nịnị.