Odeyi 20:31 - IWE ỌNỊNỊ

³¹ Agụvị avọọ sị eyi pe ẹngụ awụ nịnị! Tamayị nịnị ka hụrẹ ịrayị ẹẹta, ọọdụ ọnịrị ịrahụ ẹmịrị ẹgọ hụrẹ ee pe ọzịnya-ọzịnya awụ nịnị juwe nị, mẹyị tụ́ ụhwọ́.

Odeyi 20:31 ပူးပေါင်းရင်းမြစ်များ

Ezikẹẹrị 3:21

Ọ kà, ama ọnị ọ̀ọ ka ọza ọyịza ọnọ ka a sị ọ́ mẹ̀ ebira odivi, dị ọ́ wụ́ chire ọnị nị ọza ọnọọ vaa ha, dị ọnị Ezikẹẹrị ọnị rẹ ha.

Imatiwu 13:25

Ama ịnị ịrahụ ẹkụhị ọnya, ịjị aza sị sụ̀, ọnịvị anị ộ vẹ, o ve chire ebe hi ịnị akụ ẹnẹẹ, o si hu aa na.

Imatiwu 3:7

Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ?

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Odeyi 19:10

Ịpọọrụ ộ vavọọ mẹ̀ ẹ mẹ ịrayị ẹẹva. Dị avaba aza ana ra ịnị ẹtẹ Esiya, Aniju ọnịrị Anigiriki, wụ́ ịrẹyị Ananyị yị nị.

Odeyi 19:8

Ịpọọrụ ộ yà ịzọọ, ộ nọ ini irehi Ohomorihi Aniju nịnị mẹ ụhwẹ ẹẹta, dị aa sị ọtụtụrụma kà ịrẹyị, di ee sì ka ọnị ọ̀ mẹ wa ka ẹ̀ dọ ịrẹyị ịjọva Ohomorihi nị.

Odeyi 20:11

Dị Ịpọọrụ varẹma hịrẹ nọ ịnị ọtụrọsa, dị ọ na dà ịsa rị nị. Dị ọ kà ịrẹyị yị wa pooro di eyi aa nị; dị Ịpọọrụ si hu nị.

Odeyi 20:19

Mâ hẹkẹ Ananyị yị, dị mị kà ẹngụ amị chí, dị maa ká ẹgọ, dị mị rẹ nyị ẹngụkata nị, agụvị ka Aniju nịnị vị ana aa gẹ eyi amị.

Odeyi 20:7

Ịnị ẹkụhị ịpaapa ọsẹ, ọdọwụ nịnị ệ kụ́ gụ ka ẹnị ẹ̀ rị ịsọyịrị Ananyị yị. Ịpọọrụ ee sì ka ọnị ọ̀ na eyinẹhẹ anị. Dị ọ kà ịrẹyị Ohomorihi yị aza ẹnẹẹ pooro ne tù agẹvịrahụ nị.

Odeyi 24:17

“O si kù ọnị mị hụrẹ Ijerusarẹmị. Dị mị va nọ ịzọọ ka ma sị ẹkẹhị na yị aza amị, dị ma rẹ mẹ̀ ịsọvọ hi Ohomorihi nị.

1 Anịkọrịntị 4:14

Ayị vị agụvị ụhị ọ̀ nyị wụ nịnị, mị sị chẹrẹ ịsa ẹnẹnị tụ́ hi wu nịnị. Ama máa chẹrẹẹ ka ma sị kà wụ nịnị ọ̀nọ̀ anka ozi emi ụvọta oni mi sì ịrẹyị anị.

Anihwiripi 3:18

Ụpọọpọsa m maanị sịị kà a wụ nịnị nị; m mèe tenyi ọọ kà aanị, m maa jị oreree tụ́ ọ nị, ka aza ẹnyị yà ịzọọ, ana ahịka ẹyaa mẹ̀ ebira anka ọnịvị ọchị apavahị oni Ikirisiti sú ị́rẹsụ anị nị.

Anikorasi 1:28

Agụvị avọọ ị yaa kà ịrẹyị Ikirisitii yị avaba aza nị. Yaa kà wa ọnọ, ị raa sị ịrẹyọyẹẹ zụ̀ wa ịsa, agụvị dị ya mẹ ka aza ẹnẹ ẹnịrị Ikirisiti sị vị ọnya ẹ̀ zụ gụ.

1 Anịtẹsaronika 5:14

Ẹwụ nịnị ẹyịnyara amị, aarịhịnị, aza ana aa mẹ̀ ebira jugu-jugu, re ka waa tụ́ wa ọhụva nịnị. Aza ana angwa ee hí, waa tụ́ wa ọtụtụrụma. Wa rẹẹ gụ ọkụmị nịnị ụvọ. Re ka waa nyị isuuru hi avaba aza.

2 Anịtẹsaronika 2:5

Wáá kụkụ tamayị ka máa vịdị kà avaba ịsa ẹnẹnịị wụ nịnị, m mẹ̀ yà ịdị awụ nịnị?

2 Anịtẹsaronika 3:8

Yẹ yị dọ ọza ịsa rị kẹnẹ, dị asị i sí ọọ ụta. Ama yáa mẹ̀ ụkọrọ ẹtẹẹtẹrẹ ọọdụ ọnịrị ịrahụ ka asị ị na vị ẹnya yị ọzọnyị-ọzọnyị awụ nịnị.

2 Itimoti 4:5

Ama ewè re ka wáa sị ụvọ za ẹngụ awụ ịnị avaba ịsa! Waa sị ẹngụụ dọ ụya, dị waa kà enube ọyịza anka ụkọrọ awụ! Di u we re ka waa mẹ avaba ụkọrọ awụ saka-saka!

Anihiburu 13:17

Waa wụ́ ịrẹyị chire ọdọvịdị awụ nịnị, dị ụ wa ká ịrẹsụ hi yị wa nịnị! Wáa yẹ ka ẹnị e sị eyi pe ụhwẹ awụ nịnị nị, agụvị ka ẹnịnị vaa kà enube ụkọrọ ẹnịnị. Waa wụ́ ịrẹyị ẹnịnị, agụvị ayị ẹnịnị è zụ hine ịnị ụkọrọ ẹnịnị. Wẹ̀ yị vavọọ mẹ, ayị ẹnịnị e zụ du, ọnọọ ọ́ yị zụ mẹ ọgụvọ wụ nịnị.

Ẹtore 16:15

“Re! Mị vanaa vẹ anka oyi avọọ nị. Ọza eme èee zí di o tenyi ịta anị tịtẹ ka asị ọnị na yà ịnị ahwaahụ dị ụhị ọ̀ vaa nyị ọọ nị, vaa daa jẹ.”