Odeyi 20:30 - IWE ỌNỊNỊ

³⁰ Ụmẹ aa vẹ, dị aza kwẹẹtẹ hụụnị ẹngụ awụ nịnị, di eyee cheeche, ka ẹnị ẹ̀ kụ́ ezirẹma nịnị nyeeyi saasa ẹngụ ẹnịnị.

Odeyi 20:30 ပူးပေါင်းရင်းမြစ်များ

Ụhịrẹyị 19:1

Onosiye anaa mẹ ịzẹyịza ọ dahi huni ọnụra enee cheeche nị.

Ụhịrẹyị 23:33

Eche vị ana sị ohweche re ẹtẹ ọzọga-ọzọga, dị a ka ịsị ee tu ọ irenu kẹnẹ.

Ayịsaya 59:3

Anya aza ọnị ụ wụ o reè du wu nini ẹngụ, wa raà rị ịvị aza ọnị u chamayị yị, ireche ẹ yị tara wụ nịnị, dị ịrarẹ awụ nịnị ọ yị mā ka ọyịza nị.

Ịdanịyẹrị 11:34

Ịjị àa vavọọ à wụ̀ wa, a vaa mẹ ọgụvọ chee aanị yị aza Ohomorihi nịnị. Dị aza ọrụrụ-ọrụrụ ẹnẹ ẹ̀ẹ nyị ịzẹyịza dọ ọbọ na vaka wa.

Imatiwu 23:15

Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ẹ yị nyị ịzị ụ wẹ̀ yị mā nọ ka wa na sị ọza vẹ ịnị ahẹkẹ awụ nịnị. Wàa raà sị ọọ vẹ, dị ụ vara a ozi ini ẹkụra huna ẹngụ awụ nịnị ụvọta.

Odeyi 11:26

O mè si oo re, dị ọ sị ọọ vẹ Antịyọkị nị. Ịnị ịrayị ọyịvụrụ ọnya, ẹnẹ ẹnịrị anịragụ Ohomorihi aa kụ́ gụ, dị ẹyaa zụ̀ aza ọrụrụ-ọrụrụ ịsa nị. Antịyọkị a vịdị yà hị́ ọdọwụ nịnị “Evere Ikirisiti” ịpaapa nị.

Odeyi 21:38

Ọnọọ vị ka ayị vị ẹwa vị Anijipiti ọnọọ ana kụ́ ẹvazi ngụ ịnị ẹkụra ịnị ụmẹ ọnya? Ọnọrụ ọnọọ ộ kụ́ ọwọza ẹnị akawụ-akawụ oze ẹẹva (4,000), dị ẹ na ngụ ịnị ụnọmị nị.”

2 Anịkọrịntị 11:13

Ezirẹma Ijeesu ireche ẹ vị nị, dị eyee cheechee tụ́ ịnị ụkọrọ ẹnịnị nị. Dị ẹyaa mẹ apẹ ka ezirẹma Ijeesu ẹnị vị nị.

1 Itimoti 5:13

Ẹ yị vị avọọ kẹnẹ, dị ẹyaa nyị uworo, dị ẹ rẹ yaa ngụ irehi-irehii zị. Ene divi hu ọ vị ka, dị ẹ kụkụ aa kụ́ ọza ịrẹkaa zị, dị ẹyaa jị eyii ngụ ịnị ịrẹyị ọnịrẹyị, dị ẹ rẹ yaa kà ịsa ẹnẹ ẹ̀ yị vọrọ.

1 Itimoti 6:5

dị ẹyaa nyị ahankata pooro kẹnẹ. Ẹngụ aza ẹnẹẹ, eyi kuku zụ ro ịrẹyị ana vọrọ, ẹyị zụ kà ịzẹyịza. Ẹngụ aza ẹnẹẹ ee ro ka ahẹkẹ Ikirisiti vị oze ọnị ọza zụ hụra zị rị ọgụ.

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.

1 Ịjọọnụ 2:19

Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya.

2 Ịjọọnụ 1:7

M maanị aa kà a agụvị ka enevene nịnị ẹ sị gara hi ẹhẹ. Ẹnịnị ẹ yị dọ ka Ijeesu ộ vẹ ẹhẹ anka ọza. Ẹngụ aza ẹnẹẹ vị enevene, ọnịvị Ikirisiti ẹ rẹ vị nị.

Ẹtore 2:6

Ịsị ụ mẹ ẹtẹẹrẹ ịnị anị nịnị yị: Wâ nyị ịhyẹrẹ ịsa ana Aninikorati nịnị aa mẹ, anka ẹ́mị mẹ̀ rẹ nyị ịhyẹrẹ anị.