Odeyi 20:3 - IWE ỌNỊNỊ

³ Ộ yà Igiriki mẹ ụhwẹ ẹẹta. Ee tenyi ẹngụ ka ọnị ọ̀ ngụ ẹpa nọ Isiriya, dị ọ sị yẹ Aniju nịnị ệ tẹ óze ee zí ọnị nị. Dị ọ kụkụ ka ọnị aa varẹma zị oze Imasedoniya nị, aza ẹnẹnị saasaa nọ Esiya nị:

Odeyi 20:3 ပူးပေါင်းရင်းမြစ်များ

Ẹzịra 8:31

Ịnị ẹkụhị ẹwụrẹva ịnị ụhwẹ ịpaapa, ẹ́ hụrẹ irehu Ahava aa nọ Ijerusarẹmị nị. Ohomorihi ẹnịnị ô sere wa, dị ọnịvị ẹnịnị ẹ yị jẹẹ zi wa oze nị.

Ụhịrẹyị 1:11

Ẹ̀ẹ kà ẹwaa saasa ẹnị na tẹ̀ zi ọzọnọza, di wee dudu wụ̀ ọ nịnị,

Ijeremaya 5:26

Aza edivi hi ịnị ẹngụ awụ nịnị ana vaka èe zi anka ọza enee bè inomi avọọ, ama ẹ sị ịrẹpa va hi ẹtẹ èe bè aza.

Imatiwu 4:24

Ịrẹyị anị ọ sị ngụ ịrẹyị na ngụ avaba ẹtẹ Isiriya. Dị ẹnịnị kụ́ avaba aza ọnị ụkụ irenyi-irenyi aa sị ụyaa rị ka a vẹ nị, ọnịrị aza ana nyị ụhwẹ echu, ọnịrị aza oni odumpapara aa za beri aza ene sú ẹngụ, dị ọ mẹ wa ụkụ nị.

Odeyi 16:12

Dị ị hụụ ịzọọ, dị ị nọ ẹkụra Ihwiripi nị. Ihwiripi ọ vị ẹkụra ịpaapa ịnị ẹtẹ Imasedoniya nị. Aniroomi ọ raa mẹ ịjọvaa tụra a nị. Yâ yà ịnị ẹkụra ọnọọ mẹ ẹkụhị chee.

Odeyi 16:9

Ịrahụ ịhị ọnọọ, Ịpọọrụ ô re ẹtẹ. Ô re ka â nyị ọnọrụ Animasedoniya ana jẹẹ dị aa dá ịpẹẹ yị ọnị ka, ọnị ọ̀ vẹ Imasedoniya, dị ọnị ọ̀ va gụ ẹnị ụvọ.

Odeyi 18:18

Ịpọọrụ ộ yà Ịkọrịntị pe ọdọwụ nịnị kù. Dị ọ hụụ ịzọọ, dị ọnịrị Ipirisira beri Akwira ngụ ẹpa, ka ẹnị ẹ̀ nọ Isiriya nị. Dị ẹ va na, ô beri Ohomorihi zẹẹ ịzẹzẹ Íkenkire, dị ọ kụ́ ịrẹsụ anị nị.

Odeyi 19:21

Ịrẹma ịsa ẹnẹnị, dị Ịpọọrụ ro o tụ́ ịnị ayị anị ka, ọnị ọ̀ọ raà zị oze Imasedoniya ọnịrị Akaya na para hu, ọnị raa nọ Ijerusarẹmị nị. Dị ọ ka, “Màa raà nọ ịzọọ, â nyị ka ma rẹ nọ Iroomi bẹẹ.”

Odeyi 20:1

Ịjị ẹvazi ọnọnị ta, dị Ịpọọrụ hị́ ọdọwụ nịnị gụ, dị ọ sị ịrẹyị tụ́ wa ọtụtụrụma, dị ọ kụ́ wa adịhyọsa, dị ọ hụụ ịda ẹnịnị, dị aa nọ Imasedoniya nị.

Odeyi 20:19

Mâ hẹkẹ Ananyị yị, dị mị kà ẹngụ amị chí, dị maa ká ẹgọ, dị mị rẹ nyị ẹngụkata nị, agụvị ka Aniju nịnị vị ana aa gẹ eyi amị.

Odeyi 20:2

Ộ ngụ ịzọọ zị, dị ọ kà ịrẹyị ọrụrụ-ọrụrụ, dị ọ sị tụ́ ọdọwụ nịnị ọtụtụrụma nị, dị ọ va na ngụ Igiriki nị.

Odeyi 21:3

Yê tù ịzị yee re Ịsayịpịrụsị, dị ị hụrẹẹ ụvọ tụ́ eyi ụvọha, dị yaa nọ Isiriya nị. Dị ị na jẹẹ Ịtaya nị, agụvị ka ẹpa aa jị ẹnya ịzọọ.

Odeyi 25:3

ka ọ̀ mẹ̀ ịsa ọnya yị ẹnị nị. Ẹ ka ọ̀ tụ́ Ịpọọrụ óze.

2 Anịkọrịntị 1:15

Mâ maanị yẹ ịsa ẹnẹnị ẹtẹẹtẹrẹ, agụvị avọọ mi vịdị roo ka maa vaa vẹ ịda awụ nịnị, dị ịnẹ awụ nịnị ò re oze hine gụ ụpẹ ẹẹva nị.

2 Anịkọrịntị 11:26

Ịnị ụsẹ ọnị yaa zịịzị, ịjị ẹnyị enyi ka ọnị ọ̀ kụ́ yị, ịjị ẹnyị oyi dụ yị. Dị anda ayị ẹnịrị Anigiriki aa mẹ ayị hụrẹ ẹmị ịnẹ. Màa yà ịnị ẹkụra, màa yà ịnị avị, angwahi ọ vị nị. Oku vị ayịhụrịnẹ ọta onireche nịnị vị ayịhụrịnẹ.

2 Anịkọrịntị 7:5

Ị mẹ̀ daka si tù Imasedoniya, yẹ yị yị nyị ẹngwọọrọ. Ịrẹyị vị ana gwẹtẹ kara yị. Aza aa zyaazị, angwahi yà ịnị ayị ẹyị.

Anigaratiya 1:21

Ịrẹma ọnọọ, máa nọ ẹkụra Isiriya ọnịrị Isirisiya.