Odeyi 20:29 - IWE ỌNỊNỊ

²⁹ Mâ yẹ ka mèe si hu, aza edivi anka akatapooro nịnị vaa ngụ ịnị akakana awụ nịnị. Ẹ yị vaa navọ ẹwụ nịnị ana yà anka atẹmẹ avọọ hẹẹ.

Odeyi 20:29 ပူးပေါင်းရင်းမြစ်များ

Ijeremaya 13:20

Ijeremaya ka, re nịnị, ẹwụ nịnị Anijerusarẹmị! Ọnịvị awụ nịnị ẹ raa hụrị Ịbabịrọnị aa vẹ. Aza ana a ka wa sị eyi pe, ọnị ụ maanị aa sịị me eyi nịnị, ịzị ẹ yà kẹ?

Ijeremaya 23:1

Ẹnẹyịmavara kà, oseratẹmẹ nịnị ana a wụ̀ aza anịị ha, dị ẹyaa gara wa aanị, ẹ sị da.

Ezikẹẹrị 22:27

Ẹnị ọdọvịdị ene hi ịnị ịjọva vị ana sị mẹẹ anka akatapooro ana wụ̀ uye, di aa na rị avọọ. Ẹnịnị vị anaā wụ̀ aza agụvị ẹnị ẹ̀ sị nyị ẹkẹhị.

Ezikẹẹrị 34:8

Ọ kà, àa vị ọnị ọ yị vị Ohomorihi ana yara nị, jintu sị ụtọ pe ịrẹyị anị nịnị. Uye edivi ệ kwẹẹtẹ tu atẹmẹ, ẹ sị wa wụ rị, agụvị ka ẹ́ yị nyị ọza enee sere wa. Aza enee sere atẹmẹ anị, é yị ne sì wa. Ẹngụ ẹnịnị kẹnẹ ẹyaa tẹsị anị nị, ẹ́ yị vị atẹmẹ anị.

Ịdanịyẹrị 11:34

Ịjị àa vavọọ à wụ̀ wa, a vaa mẹ ọgụvọ chee aanị yị aza Ohomorihi nịnị. Dị aza ọrụrụ-ọrụrụ ẹnẹ ẹ̀ẹ nyị ịzẹyịza dọ ọbọ na vaka wa.

Ịzẹhwanaya 3:3

Ọdọvịdị ẹnịnị vị ana sị mẹẹ anka idu ene ee si ọza ana a sị mẹ ụngwẹ avọọ. Ọhọ̀ha ẹ yị zẹẹ ka à nyị ịsị ẹ vọ tịtẹ vụrụ-vụrụ. Ọmọkarẹyị ẹnịnị vị ana yà anka akatapooro ọnị ụngwẹ aa kụ avọọ.

Ịzakaraya 11:17

Oseratẹmẹ kẹnẹ-kẹnẹ ọnọọ ọ sị da, ọ raà para atẹmẹ anị hu. Ịrẹkụ vee du avaba ụkata anị. Ụvọ anị vaa su, di eyi ụvọrị anị gu.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Imatiwu 7:15

“Sị eyi pe ẹngụ awụ nịnị agụvị ọnịsẹ ireche nịnị. Ẹẹ̄ sị ịtụmpaha atẹmẹẹ kú ẹngụ, ama ịnịnẹ ẹnịnị, akatapooro odivi ẹ vị nị.

Iruuku 10:3

Waa na nịnị! Re, mị tụ́ wụ nịnị aa na anka ozi atẹmẹ ana aa nọ ịnị akakana akatapooro nịnị avọọ nị.

Iruuku 12:32

“Ẹwụ nịnị ịragụ oweyi, asị u hí angwa nịnị, agụvị ka ịnẹ Ada awụ nịnị ô hine ka wa ngụ ịdị anị nịnị dị ọnị ọ̀ọ mẹ ịjọvaa tụra wụ nịnị.

Ịjọọnụ 10:12

Àa vị ọza ana a dọ ka òo sere atẹmẹ kẹnẹ yọ nị, ẹ yị vị ọza anaā tẹsị atẹmẹ ọ vị, ẹ yị rẹ vị ọnị ụvọta ọ nyị atẹmẹ ẹnẹẹ. Agụvị avọọ òo re ka akatapooro aa vẹ, dị ọ navọ atẹmẹ hi ẹtẹ, di o si zwe. Dị akatapooro ọnị kụkụ za atẹmẹ ẹnyị, dị ọ gara ana vọ và ha.

Ịjọọnụ 21:15

Ịjị ẹ sị ịsa rị, dị Ijeesu kà a yị Ịsayịmọnị Ipita ka, “Ịsayịmọnị, ozi Ijona, wéé sì ịrẹyị amị huna ẹsẹnị?” Dị Ịsayịmọnị ka, “Hịịn, Ananyị yị, wâ yẹ ka mê sì ịrẹyị awụ de.” Dị Ijeesu kà a yọ ka, “Waa tẹsị ezi atẹmẹ amị o!” (Ọnọọ vị ka ‘aza Ohomorihi’.)

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

1Ipita 5:2

Aarịhịnị, waa tẹsị aza Ohomorihi oni Ohomorihi si chire wu nịnị ụvọ ka wa sị eyi pe! Asị u ti, àa vavọọ aa mẹ nịnị; ama waa mẹẹ anka ịsị ẹ hụụnị ayị ọza vẹ, anka Ohomorihi me sì ọ. Asị ụ hụ̀ agụvị ẹkẹhị kẹnẹ mẹẹ nịnị; ama waa mẹẹ, agụvị ka ẹwụ nịnị ụvọta ee sì ka wa mẹẹ nịnị nị.

2Ipita 2:1

Ịnị ịyẹẹyẹ, ọnịsẹ ireche nịnị hi ini Aniju nịnị. Ọnịsẹ ireche nịnị ẹnị rẹ vaa jịnẹ ịnị akakana awụ nịnị. Di e were vẹ, dị ẹyaa sị irechee zụ̀ aza, ana vaa mẹ azaa nyeeyi. Ẹ vaa kà a ka ẹnị ẹ́ yị yẹ Ijeesu Ikirisiti Ananyị yị, ọza ana hị́ wa varẹma. Agụvị avọọ, ẹ́ yị vaa jẹẹ, dị ẹ̀ wụ ẹngụ ẹnịnị và ha.

Ijudi 1:18

Ệ kà a yị wụ nịnị ka: Ịnị ụmẹ ọdịrẹma, a vaa nyị onisiya nịnị, dị ẹyaa mẹ̀ ịsa edivi ene hi ịnị ayị ẹnịnị oni Ohomorihi o yi sì.