Odeyi 20:24 - IWE ỌNỊNỊ

²⁴ Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Odeyi 20:24 ပူးပေါင်းရင်းမြစ်များ

1 Ịtọpa 11:18

Dị ẹnị isoja ọkọọka ẹyịta ẹnịnị sị ụkata-ụkata ha udi Anihwirisiti nịnị ịnẹ na parahu, dị ẹ dà enyi hụụnị ịkangga ọnọọ va yị Idevidi nị. Ama Idevidi ô yi ka oni e yi hú; dị ọ sị mẹ̀ ịsọvọ yị Ẹnẹyịmavara, dị ọ và a hi ẹtẹ nị.

Iruuku 16:28

Agụvị ka mâ nyị ẹyịnyara ẹẹhị, ọ̀ na kà wa ọnọ, agụvị asị ẹ vẹ aha ụyọrị ọnị mị yà aanị!’

Ịjọọnụ 15:27

Ẹwụ nịnị rẹ vaa dọ ivenu tụ́ ịnị ịrẹyị amị bẹẹ, agụvị ka ịdị amị ụ yà nịnị hụrẹ ụmọrụmọ nị.

Ịjọọnụ 17:4

Ma raà sị ụbanyị awụ zụ ịnị ẹhẹ, ma raà mẹ̀ ụkọrọ ọnị ụ sị yị mị ta.

Odeyi 1:17

Ijudasi vịdị vị ọza ịnya ịnị akakana ayị, â nyị ọọ ka ọ̀ nyị ụvọ tụ́ ịnị ụkọrọ ọnọnị.

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Odeyi 13:25

Ị́jọọnụ màa vaa zị ụtụ anịị ta, di o họ̀ use ka ẹnẹ aza ro ka ọnị ộ vị nị. Dị ọ ka ẹ yị vị ọnị vị ọza ana aza ee zí eyi. Ọ kà, Re! Ọza ọnọọ aa vẹ ịrẹma anị, ọnị ọ yị yà ọza ana a vọrọ ka ọ̀ ngwa adava hụụnị ahụ anị.

Odeyi 14:3

Ịpọọrụ nịnị ệ yị yà ịzọọ kù ẹtẹẹtẹrẹ. Dị ẹyaa sị ọtụtụrụma kà ịrẹyị Ananyị yị nị. Ananyị yị ộ mẹ̀ ka ẹ̀ zụ mẹ̀ ụkọrọ ohyozirenu ọnịrị apọtẹrẹwa ana sị zụ̀ ka ịrẹyị ayamva Ohomorihi ẹnẹ ẹyaa kà vị ịzẹyịza.

Odeyi 15:7

Ịjị ẹ da ahankata nyị, di Ipita kwẹẹtẹ, dị ọ ka, “Anda ayị nịnị, wâ yẹ nịnị ka ịnị ụmẹ ọnya o si kù aanị, Ohomorihi ộ nyị mị hụụnị akakana awụ nịnị ka ma na kà enube ọyịza yị Anigiriki nịnị, agụvị dị ẹ̀ zụ dọ wụ́.

Odeyi 18:5

Ịjị Isira ọnịrị Itimoti hụrẹ Imasedoniya vẹ, dị Ịpọọrụ kụkụ nyayịnẹ aa kà enube ọyịza nị. Dị aa kà a yị Aniju nịnị ka Ijeesu ọ vị Ikirisiti nị.

Odeyi 20:21

Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị.

Odeyi 20:23

Ama mâ yẹ ka Ụhwẹ Ọnịnị aa kà a mị avaba aha ka ẹngwa ọnịrị ụya ọbanyị jẹẹ ee zí mi.

Odeyi 20:32

“Booro aanị, mâ sị wụ nịnị chire Ohomorihi ụvọ ka ò sere wu nịnị. Ma rẹ sị wụ nịnị chire ịrẹyị ayamva anị ụvọ. Ịrẹyị ọnọọ ọ zụ sị wụ nịnị vịra, dụ wa rẹ zụ nyị tụ́ ịnị ẹyịza oni Ohomorihi raà sị tẹ yị aza ọnọọ nyị tụ́ irenyi yị ẹngụ anị.

Odeyi 21:13

Dị Ịpọọrụ ka, “Sụ waa mẹ nịnị aanị, dị waa jị òrèrè nịnị? U wee sì ka we du mi ayị nịnị nịị? Mê tenyi ẹngụ ka à wụ̀ mị Íjerusarẹmị agụvị ịrẹha Ijeesu Ananyị yị, ayị vị ka à sụ́ mi orupa kẹnẹ.”

Odeyi 22:21

Dị Ananyị yị ka maa na, ka vị ọnị aa tụ́ mị huuu nọ ịda Anigiriki nịnị nị.”

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Aniroomi 11:6

Ayamva Ohomorihi kẹnẹ, ọ sị nyị aza ẹnẹẹ nị, ayị vị agụvị ụkọrọ ụvọ ẹnịnị. Àa vị agụvị ụkọrọ ụvọ ẹnịnịị yọ, ẹ yị kụkụ vị ayamva ọnọọ yaanị vị.

Aniroomi 4:4

Ọza ọ̀ọ mẹ̀ ụkọrọ dị ọ dọ utosi ụkọrọ anị. Ụta ene e sí ọọ, ẹ yị vị ẹyịza a sị mẹ̀ ẹ; ụta ana a rị ọọ e sí ọọ nị.

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

2 Anịkọrịntị 12:10

Agụvị avọọ ahịmị amị, ụhụ ana aa kụ̀ mị, ọnịrị ẹngụkata beri ụya ana aa sịị rị mị, ọnịrị ezigi agụvị Ikirisiti, ee hine mi. Agụvị ka ịjị màa vị ọkụmị, ịjọnọọ mị sẹsẹ vaa nyị ụkata nị.

2 Anịkọrịntị 4:1

Ohomorihi ô sì ịrẹyị ayị, dị ọ sị ụkọrọ ọnọnịị yị nị, agụvị avọọ, o yi vee du yi eyi.

2 Anịkọrịntị 4:12

Ọnọọ ọ vị ka yê tenyi ẹngụ ka ye sú, dị ẹwụ nịnị ọ̀ zụ yàra.

2 Anịkọrịntị 5:8

Mị ka yâ nyị ayọnẹtẹ, ị hyakụ ee sì ka ya sị ọchẹngụ ayị ọnọnị tịtẹ, dị ya nọ ịdị Ananyị yị ana vị eehi ayị.

2 Anịkọrịntị 7:4

Mâ sị ayị tụra wụ nịnị ẹtẹẹtẹrẹ, dị mị raa sị wụ nịnị mẹ eyi nị. Yâ daka aa rị ụya pooro, ma nyị nyị ayọnẹtẹ, ayị amị vị ene ee yii hine ẹtẹẹtẹrẹ.

Anigaratiya 1:1

Ẹmị Ịpọọrụ ana vị odeyi Ijeesu Ikirisiti ọ chẹrẹ iwe ọnọnị nị. Ẹ yị vị ọza ọ hị́ mị, ẹ yị rẹ vị aza ẹ nyị mị ka ma vị odeyi. Ama Ijeesu Ikirisiti ọ nyị mị nị, ọnịrị Ohomorihi Ada ayị, ana ha Ijeesu hụụnị isu.

Anẹhwẹsọsị 1:6

À vẹ yaa ga Ohomorihi, agụvị ka ayamva anị ọ́ọ nyị ụbanyị ẹtẹẹtẹrẹ, ọnị ọ vị ka ộ vayị ayị ini oze Ozi anị oni o sì ịrẹyị anị ẹtẹẹtẹrẹ.

Anẹhwẹsọsị 3:13

Aarịhịnị, asị ụ na zẹẹ ka ayị awụ nịnị ọ̀ vazi agụvị ụya ọnị maa rịị yị wụ nịnị! Avaba anị vị ọgụ yị wụ nịnị.

Anihwiripi 2:17

Ụ mẹ̀ sị ayị tụra Ijeesu nịnị, vị ọ sị mẹẹ ka ụ mẹ̀ ịsọvọ hi Ohomorihi nịnị nị. Àa nyị ka à sị ụhwẹ ẹmị ụvọta tụ́ ịnị ịsọvọ ọnọọ, mị vaa jẹẹ tụ́ ọ. Mee pe wu jẹ nịnị,

Anihwiripi 2:30

Ọ sị vọ chee ò wusu agụvị ụkọrọ Ikirisiti kẹnẹ. Ộ sị ịrẹsụ tụ́ isu, agụvị ọ̀ nyẹngụ mẹ ọgụvọ ọnị ụ yaanị mẹ yị mị nịnị.

Anikorasi 1:24

Maa jẹ booro aanị, agụvị ka maa rị ụya agụvị awụ nịnị. Maa rị ụya ana vọ ọnị Ikirisiti ka ma rị yị ịragụ Ohomorihi, ana jẹẹ yị ẹngụ Ikirisiti.

1 Anịtẹsaronika 2:2

Wáa yẹ nịnị, ị mẹmẹ vịdị rị ụya dị a kụ̀ yị ụhụ Íhwiripi. Ama Ohomorihi ọ sị sị ọtụtụrụma yị ka ya kà enube ọyịza anị yị wụ nịnị, aza ẹ̀ẹ daka sì ka ẹnị ẹ̀ dọ yị oro.

1 Anịtẹsaronika 3:3

agụvị asị ana nyị ọza ana vara ayị ịnị awụ nịnị agụvị ụya ọnị ụ waa rị nịnị aanị. Ẹwụ nịnị nyẹmba ọ́ọ yẹ ka ụyọrị yà ịnị ịsa oni Ohomorihi sì ka ò tù yi.

2 Itimoti 1:12

Agụvị avọọ m maanị aa rị ụya aanị nị. Ama ụhị ẹ yị hụ agụvị avọọ nyị mị, agụvị ka mâ yẹ ọza ọnị mị sị ayị tụra. Mâ yẹ kaakara ka ịsị o si chire mị ụvọ, o zụ si eyi pee pooro ne tù ẹkụhị ọkarẹyị.

2 Itimoti 3:11

Wâ yẹ, a mẹmẹ sị ụya rị mị ọnịrị ịsị mi sị eyi re Antịyọkị ọnịrị Ayịkọnịyọmị beri Ịrịsịtịra. Wâ yẹ ụyọrị ọbanyị ọnị mị sị ẹngụ dọ. Ama Ananyị yị ọ́ọ dọ mị tụ́ hụụnị avaba anị.

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.

Ịtayịtọsị 1:3

Ịjị ụmẹ anị ve si tù, dị Ohomorihi ana vị Ọdọzaha ayị va sị avaba ịrẹyị ọnọọ zụ̀ aza ini oze ịrẹyị anị ọnị o si chire mi ụvọ nị Ộ mẹ ọdaa mị ka ma vavọọ mẹ.

Ịtayịtọsị 2:11

Ohomorihi ọ raa sị ayamva anị zụ̀ avaba aza, ana zụ mẹ ka avaba aza ẹ̀ zụ há.

Anihiburu 10:34

Wê pe anịnẹngwa rị ụya nịnị. Wáa sị inohine dọ ka aza ẹ̀ dọ wụ ogu awụ nịnị, agụvị ka wáa yẹ nịnị ka wáa nyị ogu ene zoza hu avọọ tụ́ ẹbẹẹba nịnị ene è yi mē du.

1Ipita 5:12

Isirivanọsị o pe mi chẹrẹ iwe ọnọnị tụ́ hi wu nịnị nị. Mâ yẹ ka ọdọwụ obooro ọ vị nị, a zụ sị ayị tụraa. Mee sì ka ma tụ́ wụ ọtụtụrụma, dị ma rẹ dọ ivenu tụ́ ọ ka ịzẹyịza ayamva Ohomorihi ọ vị ọnọọ nị. Agụvị avọọ, jẹẹ geri-geri ịnị anị nịnị.

1 Ịjọọnụ 3:16

Aanị ị mẹmẹ zụ yẹ ịsị aā hị́ ka ọza óo sì ịrẹyị ọza nị: Ikirisiti ọ́ọ hụrẹ ụhwẹ anị ụvọ agụvị ayị. Áa vọrọ ka ẹ yà rẹ hụrẹ ụhwẹ ayịị ụvọ agụvị ọdọwụ nịnị.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Ẹtore 6:11

Dị a sị awuru ọvwọọvụ yị ọzịnya-ọzịnya ẹnịnị nị. Dị a ka ẹnịnị ẹ̀yịị tụ́ ụhwọ́ chee da, pooro dị anda ẹnịnị ẹnẹ ẹnịrịị vị ezi ahụ, dị à wụ̀ wa ta, anka a mẹ̀ rẹ wụ ẹnị nị.