Odeyi 20:21 - IWE ỌNỊNỊ

²¹ Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị.

Odeyi 20:21 ပူးပေါင်းရင်းမြစ်များ

Imatiwu 3:2

Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị.

Imatiwu 4:17

Hụrẹ ụmẹ ọnọọ, dị Ijeesu nyima dị aa kà ịrẹyị Ohomorihi nị. Dị ọ ka, “Ro ịnẹ varẹma hụụnị ịvị awụ nịnị, agụvị ka ụmẹ ana Ada ayị ẹbẹẹba vaa sị mẹ ịjọva aa gụrị ẹtẹ.”

Ịmaakị 1:15

dị ọ ka, “Ụmẹ o si tù, ọ sị vọ chee, dị ịjọva Ohomorihi ọ̀ vẹ. Ro ịnẹ varẹma hụụnị ebira odivi awụ nịnị, dị ụ wa dọ enube ọyịza wụ́ nịnị!”

Ịmaakị 6:12

Dị ẹ jịnẹ na, dị ẹyaa kà ịrẹyị Ohomorihi ka aza è ro ịnẹ varẹma nị.

Iruuku 13:3

Jẹẹ ma kà a wụ nịnị ka ẹ yị vị avọọ. Ama ẹ̀ yị vị ụ ro ịnẹ varẹma nịnị, avọọ ẹwụ nịnị mè re vee vu ẹtẹ nị.

Iruuku 13:5

Jẹẹ ma kà a wụ ka ẹ yị vị avọọ. Ẹ̀ yị vị ụ ro ịnẹ varẹma nịnị, avọọ ẹwụ nịnị mè ree vu ẹtẹ nị.”

Iruuku 15:10

Dị ma rẹ kà a wụ nịnị ka avọọ gẹdẹ-gẹdẹ anggẹẹrị Ohomorihi màa jẹ ịrajẹ agụvị ọnịvị ọnya ene ro ịnẹ varẹma nị.”

Iruuku 15:7

Dị ma kà a wụ nịnị ka avọọ gẹdẹ-gẹdẹ ị́rajẹ ọyịjẹ mẹ̀ yà ẹbẹẹba agụvị ọnịvị ikonya ene ro ịnẹ varẹma hu aza ọ jị ọnya ha ịnị ẹchẹhị ana vị ọnịzẹyịza, ẹnẹ ẹ̀ yị nyị ka è ro ịnẹ varẹma nị.”

Iruuku 16:28

Agụvị ka mâ nyị ẹyịnyara ẹẹhị, ọ̀ na kà wa ọnọ, agụvị asị ẹ vẹ aha ụyọrị ọnị mị yà aanị!’

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Ịjọọnụ 3:36

Ọza ana àa sị ayị tụra Ozi Ohomorihi ọnọọ, ộ yàra pooro zịna-zịna. Ama ọza ana àa mẹ akamawụ hi Ozi Ohomorihi ọnọọ, ọ yị vaa yàra pooro zịna-zịna.”

Odeyi 10:43

Avaba ọnịsẹ ệ kà ịrẹyị anị ka ọza tụra ọza ana àa sị ayị tụra a, ọ vaa vagu wa ịnị ịvị ẹnịnị ịnị ụkata ịrẹha anị.”

Odeyi 11:18

Ịjị ẹ maanị wụ́, dị ẹ kụ́ ịrẹka ẹnịnị kwooze, dị ẹ kụkụ aa ga Ohomorihi nị. Dị ẹ ka, “Ọnị ọ vị ka Ohomorihi ọ rẹ raà sị oze yị Anigiriki ka eni è re zụ ro ịnẹ varẹma, dị ẹ̀ zụ yàra ị́dị anị zịna-zịna.”

Odeyi 16:31

Dị ẹ kà a yọ ka, “Sị ayị tụra Ijeesu Ananyị yị, ka ọ vaa dọ wụụ há beri aneehi awụ!”

Odeyi 17:30

Ụmẹ ana aza ẹ̀ yị sị yẹ ịsa ẹnẹnị, Ohomorihi ọ raà sị eyi jịnẹ ẹ. Ama booro aanị, ọ raà mẹ ọda ka avaba aza avaba aha è ro ịnẹ varẹma.

Odeyi 19:17

Avaba Aniju ọnịrị Anigiriki ana ra hi Ẹhwẹsọsị, ệ wụ́ ịrẹyị ọnọọ, dị angwa kuku ee hí wa ẹtẹẹtẹrẹ nị. Dị a sị ụbanyị yị ịrẹha Ijeesu Ananyị yị hu avọọ nị.

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Odeyi 2:40

Ipita ộ kà ịrẹyị ọrụrụ-ọrụrụ yị wa, dị aa dá ịpẹẹ yị wa ẹtẹẹtẹrẹ, ka ẹ̀ dọ ẹngụ ẹnịnị hụụnị ụya ana aa vẹ ịrẹsụ aza edivi ụmẹ ọnọnị.

Odeyi 20:23

Ama mâ yẹ ka Ụhwẹ Ọnịnị aa kà a mị avaba aha ka ẹngwa ọnịrị ụya ọbanyị jẹẹ ee zí mi.

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Odeyi 24:24

Ộ mẹ ẹkụhị chee, di Ịhwẹrịsị ọnịrị ose anị ana aā hị́ Idirusira vẹ nị. Ose anị ọnọọ vị Aniju. Dị ọ tụ́ na hị́ Ịpọọrụ, dị ẹ wụ́ ịrẹyị, a mẹmẹ zụ sị ayị tụra Ijeesu Ikirisiti nị.

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Odeyi 8:25

Ịjị Ipita ọnịrị Ịjọọnụ sị ịrẹyị Ananyị yị kà ịzọọ, dị ẹ varẹma aa nọ Ijerusarẹmị nị. Ẹ màa na óze, dị ẹyaa kà enube ọyịza ịnị ẹkụra eweyi-eweyi ene hi Ịsamarịya nị.

Aniroomi 1:14

Avaba aza mị rị ụta nị. Mâ rị aza ana nyị eyohweyi ụta; mâ rẹ rị anịnavị ụta. Ọyiwe ọnịrị aza ẹnẹ ẹ̀ yị yẹ iwe vị ọnị mị rị ụta vabẹ.

Aniroomi 1:16

Mẹ yị nyị ụhị agụvị enube ọyịza. Ụkata oni Ohomorihi aa sị dọ ọza ana dọ wụ́ụ há ọ vị nị. Aniju nịnị o vịdị tù, di o re ve tù Anigiriki u nịnị nị.

Aniroomi 10:9

Wàa sị irenu awụ dọ ka hịịn, Ijeesu ọ vị Ananyị yị nị, dị ụ rẹ sị ayị awụ dọ wụ́ ka Ohomorihi ộ haa kwẹẹtẹ hụụnị isu nị, Ohomorihi vaa dọ wụụ há.

Aniroomi 2:4

Ohomorihi aa ngụ ayị awụ ẹtẹẹtẹrẹ, dị ọ rẹ nyayịnẹ nyị isuuru wụ nị. A vị du wee ree ịrẹyị ịyẹyẹẹ? Aa nị ka wẹ yị yẹ ka vị Ohomorihi aa vayị awụ di ee sì ka ọnị ọ̀ mẹ wụ di u we ro ịnẹ varẹma nị?

Aniroomi 4:24

A rẹ vavọọ chẹrẹ ẹ yị ẹyị ana sị ayị tụra Ohomorihi ka ộ za yị ịrịka tụ́ ịnị ọnịrẹyịzẹyịza. Ohomorihi ọnọọ ọ ha Ijeesu Ananyị yị hụụnị isu nị.

Aniroomi 5:1

Óhomorihi mẹ̀ raà jị ịhị yị agụvị ka yâ sị ayị tụra aanị, ya sị ẹngwọọrọ nyị beri Ohomorihi ini oze Ijeesu Ananyị yị Ohinọyị oni Ohomorihi nyị ka ọ̀ dọ yị ha.

1 Anịkọrịntị 1:22

Aniju nịnị vị eneē sì apọtẹrẹwa; dị Anigiriki nịnị ẹnị ee sì ịrẹyị ịrẹyọyẹ.

2 Anịkọrịntị 7:10

Ọza òo du ayị anka Óhomorihi mè sì, ọọ̄ mẹ̀ ka ọza ọnọọ ò ro ịnẹ varẹma, dị Ohomorihi ọ̀ dọ ọ há. Ọza ọ mā sị ụmayịyẹ ịnị ọnọọ. Ama àa vị ọza ee du ayị anka anẹhẹ kẹnẹ nị, isu ọọ̄ sịị vẹ nị.

Anigaratiya 2:16

Ama yáa yẹ ka ẹ yị nyị ọza ana nyẹngụ rị ịhị ini eyi Ohomorihi, agụvị ka ọ́ọ saasa ọda Aniju, àyị vị ọ sị ayị tụra Ijeesu Ikirisiti. Ẹyị nyẹmba vị ana sị ayị tụra Ijeesu Ikirisiti, agụvị dị Ohomorihi ọ̀ jị ịhị yị, agụvị ka yáa sị ayị tụra Ikirisiti, ẹ yị vị agụvị ka yáa saasa ọda. Àa ka à sị ịrẹyị ọda mẹẹ, ẹ yị nyị ọza oni Ohomorihi vaa jị ịhị yị.

Anigaratiya 2:20

Ama ma yị yàra, ẹ yị vị ẹmị ụvọta, Ikirisiti ọ yàra ịnị ịnẹ amị nị. Ọyịyàra ọnị mị yàra ịnị ẹhẹ booro aanị, mâ yàra agụvị ka mâ sị ayị tụra Ozi Ohomorihi ene sì ịrẹyị amị, dị ọ sị ẹngụ anị mẹ̀ ịsọvọ yị mị.

Anigaratiya 3:22

Ama Iwe Ohomorihi ọ sị ọọ kà ka ụvọ ịvị ọ sị avaba ẹhẹ kara. Aza ana sị ayị tụra Ijeesu kẹnẹ, ẹ vaa dọ ẹyịza ọnọọ oni Ohomorihi raà kà a ka ẹ yị nyị ka ọnị ọyị vaa sịị yị aza ana sị ayị tụra Ijeesu.

Anẹhwẹsọsị 1:15

Agụvị avọọ, ẹ́mị ụvọta mẹ̀ hụrẹ wụ́, ụ mẹmẹ aa sị ayịị tụra Ijeesu Ananyị yị nịnị, di u ree sì ịrẹyị avaba aza Ohomorihi nịnị,

Anikorasi 2:5

Ẹmị ụvọta ẹ̀ yị daka yà ịdị awụ nịnị, ayị amị yà ịdị awụ nịnị. Ịnẹ amị ô hine m mẹ̀ wụ́ ka vị ụ nyayịnẹ sị ụvọ za ẹngụ awụ nịnị, dị ụ yị sị ayị tụra Ijeesu, dị ụ yị jẹẹ geri-geri nịnị nị.

Ihwirimọnị 1:5

Mị vavọọ aa mẹ, agụvị ka máa wụ́ ka wee sì ịrẹyị aza Ohomorihi, dị ụ rẹ sị ayị tụra Ijeesu Ikirisiti Ananyị yị nị.

1 Ịjọọnụ 5:1

Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ.

1 Ịjọọnụ 5:5

Ẹnẹ zụ́ nyị ehuna ịsa edivi ẹhẹ ọnọnị? Ọza ana dọ ka Ijeesu vị Ozi Ohomorihi kẹnẹ yọ nị.