Odeyi 20:20 - IWE ỌNỊNỊ

²⁰ Wa rẹ yẹ ka ẹ yị nyị ịsị mị sị tẹ wụ nịnị ịnị ịsa ẹnẹẹ ana zụ gụ wụ nịnị ụvọ, m màa zụ̀ wụ nịnị ịsa ịnị ịnọyị-ịnọyị, dị mị raa kà a ngụ irehi-irehii zị nị.

Odeyi 20:20 ပူးပေါင်းရင်းမြစ်များ

Ijeremaya 26:2

Dị Ẹnẹyịmavara kà a yị ọnị ka, ọnị ọ̀ na jẹẹ ịnị akakana irehi Ohomorihi nị. Ọ kà ọnị ọ̀ kà a yị aza anaa hụrẹ Ijuda vaa mẹ ahẹkẹ ịzọọ, avaba ụtụ ọnị ọnị tụ ọnị. Asị a nyị ọnị ọnị dà tịtẹ.

Ijeremaya 42:4

Ijeremaya ka, dị ọnị tụ́ ohi ka, oo zoza de. Ọnị vaa mẹ̀ aduwaa hi Ẹnẹyịmavara, Ohomorihi ẹnịnị, anka ẹ́ mẹ tụ ọnị. Ịsa tụra ịsa ọọ ka, ọnị vaa kà a yị wa, ẹ́ yị nyị ọnị ọnị vaa sịị tẹ̀ yị wa.

Ịmaakị 4:34

Ẹ yị nyị ịsị ọ kà yị wa, ẹnẹ ẹ̀ yị vị ini oze ụhịrẹyị. Ama ịjị ọ sị vị ọnịrị ezirẹma anị anava, dị ọ tangwa kà iruvo avaba anị zụ̀ ezirẹma anị nị.

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

Odeyi 20:31

Agụvị avọọ sị eyi pe ẹngụ awụ nịnị! Tamayị nịnị ka hụrẹ ịrayị ẹẹta, ọọdụ ọnịrị ịrahụ ẹmịrị ẹgọ hụrẹ ee pe ọzịnya-ọzịnya awụ nịnị juwe nị, mẹyị tụ́ ụhwọ́.

Odeyi 5:2

dị ọ dà ẹkẹhị anị tẹ yị ẹngụ anị nị. Ose anị ộ yẹ ini oze anị. Dị ọ sị ana vọ vẹ, dị ọ sị va yị odeyi nịnị nị.

Odeyi 5:42

Eyinị-eyinị, ini irehi Ohomorihi ọnịrị hụụnị ini irehi ọnya na ngụ ọsa, dị ẹyaa yịị sị ịsaa zụ̀ aza, dị ẹ rẹ yaa kà enube ọyịza Ijeesu Ikirisitii yị aza nị.

1 Anịkọrịntị 12:7

Ụhwẹ Ohomorihiī sị ẹngụ anịị zụ̀ ịnị ẹngụ ọzọza, agụvị dị ọzọza ọ̀ zụ sịị gụ avaba aza ụvọ.

1 Anịkọrịntị 14:6

Ẹwụ nịnị ẹyịnyara amị, à kà a ka maa vẹ ịdị awụ nịnị, dị maa sị ẹkụra ọsaa kà ịrẹyị. Máá zụ gụ wụ nịnị ụvọ? Ẹ̀ yị vị mị kà a wụ nịnị ịsị Ohomorihi sị zụ mị; ẹ̀ yị vị mị rẹ mẹ ka wa zụ yẹ ịsa Ohomorihi nịnị, à vị ka dị ma kà ịsẹ, à vị ka dị ma rẹ sị ịrẹyị Ohomorihi zụ wụ nịnị, máá zụ gụ wụ nịnị ụvọ?

1 Anịkọrịntị 15:3

Enube ene hu keekere ọnị mị dọ, ẹ́mị rẹ sị yị ẹwụ nịnị nị. Enube ọnọọ ọ vị ka Ikirisiti ô sú agụvị ịvị ayị, anka a mẹ̀ vịdị chẹrẹ ẹ tụ́ ini Iwe Ohomorihi.

Iwe Ọhụhị Imosiisi ana aa hị́ Ọyịvatụrọda 4:5

Imosiisi ka, ọnị ọ̀ ra sị avaba ọda zụ wa anka Ẹnẹyịmavara Ohomorihi anị mẹ ka yị ọnị. Ẹnịnị ẹ̀ saasa a ịzị ẹ̀ yaa va dọ dị ọ vị ẹ̀nịnị aanị.

Anihwiripi 3:1

Ẹwụ nịnị ẹyịnyara amị, maa za ịrẹyị amị ịrẹsụ. Waa jẹ nịnị agụvị Ananyị yị. Ẹ yị nyị ọ mẹ̀ ka yị ẹmị, mèe ree tenyi ọ chẹrẹ ịsị mị rẹ vịdị sị chẹrẹ tụ́ hi wu nịnị.

Anikorasi 1:28

Agụvị avọọ ị yaa kà ịrẹyị Ikirisitii yị avaba aza nị. Yaa kà wa ọnọ, ị raa sị ịrẹyọyẹẹ zụ̀ wa ịsa, agụvị dị ya mẹ ka aza ẹnẹ ẹnịrị Ikirisiti sị vị ọnya ẹ̀ zụ gụ.

2 Itimoti 4:2

ka, waa kà enube ọyịzaa yị aza! Waa kà a ịnị ụmẹ ana aza èe sì ọnịrị ịnị ụmẹ ana aza è yi sì! Waa tụ́ wa ohuvọ, waa kà wa ọnọ, dụ wa rẹẹ tụ́ wa ọtụtụrụma! Re ka wáa nyị isuuru ẹtẹẹtẹrẹ, ụ màa zụ̀ wa ịsa!