Odeyi 2:43 - IWE ỌNỊNỊ

⁴³ Apositeri nịnị ệ mẹ̀ ụkọrọ ohyozirenu ọnịrị apọtẹrẹwa irenyi-irenyi ana mẹ ka angwa o hí avaba aza.

Odeyi 2:43 ပူးပေါင်းရင်းမြစ်များ

Ẹsịta 8:17

Dị avaba Aniju ene hi ịzị ọda ọnọọ tù ịnị ẹtẹ ọnọọ aa rị eche anị. Dị aahẹ aa sụ́ ịrẹyị kuu ịnị avaba ẹtẹ ọnọọ nị. Dị angwahi sị ngụ aza ana vọ ẹngụ nị. Dị aza ọrụrụ-ọrụrụ anẹkụra irenyi-irenyi kụkụ aa hí ẹngụ ẹnịnị Aniju nị.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ịmaakị 16:17

Aza ana àa dọ wụ́, apọtẹrẹwa ẹnẹnị vaa saasa wa: Ịnị ịrẹha amị ẹ vaa dụ ụhwẹ echu nịnị jịnẹ hụụnị ẹngụ aza. Ẹ rẹ vaa sị ẹkụra ọwọọwaa kà ịrẹyị.

Iruuku 7:16

Angwa ô hí avaba ẹnịnị, dị ẹyaa ga Ohomorihi nị, dị ẹ ka, “Ọnịsẹ ọbanyị ọ sị kwẹẹtẹ ịnị akakana ayị o, Ohomorihi ọ zị vẹ ka ọnị ọ̀ va gụ aza anị ụvọ”.

Iruuku 8:37

Dị avaba anẹkụra ana kara Igerasa aa dá ịpẹẹ yị Ijeesu ka ọ̀ hụụ ịdị ẹnịnị nị, agụvị ka angwa ee hí wa ẹtẹẹtẹrẹ. Dị Ijeesu ngụ ẹpa, ka ọnị ọ̀ varẹma nị.

Ịjọọnụ 14:12

Ịzẹyịza m maa kà a wụ nị, ọza ana àa sị ayị tụra mị, ụkọrọ ọnị maa mẹ̀ aanị, ọ́nị rẹ vaa mẹ nị. Ọ hyakụ vaa mẹ̀ ụkọrọ ana banyị hu ẹsẹnị bẹẹ, agụvị ka maa nọ ịdị Ada amị.

Odeyi 2:22

Ẹwụ nịnị Anisirẹrị, sị ụtọ pe ịrẹyị ọnọnị nịnị! Ohomorihi ộ sị ụvọ tụ́ ọọ yị Ijeesu Anịnazarẹtị, ka ọ̀ọ mẹ̀ ụkọrọ ohyozirenu, dị ọ̀ọ sị apọtẹrẹwaa zụ̀ wụ nịnị. Ẹwụ nịnị ụvọta ộ yẹ ọsọnị, agụvị ka ịdị awụ nịnị ịzẹnị gẹdẹ-gẹdẹ ọ yà mẹ̀ ẹ nị.

Odeyi 4:33

Apositeri nịnị ệ sị ụkataa dọ ivenu ka Ijeesu Ikirisiti ọ sị ha hụụnị isu. Dị Ohomorihi aa mẹ ọyịzaa yị avaba ẹnịnị nị.

Odeyi 5:5

Ánaniya mẹ̀ maanị wụ́ kẹnẹ, viri dị ọ hyẹdụ nya ẹtẹ di o sú nị. Avaba aza ana wụ́ ọ, angwa ô hí wa ẹtẹẹtẹrẹ.

Odeyi 9:34

Dị Ipita kà a yọ ka, “Eniyasi, Ijeesu Ikirisiti ọ sị wụ mẹ ụkụ booro aanị. Kwẹẹtẹ we tenyi ẹngụ awụ!” Obooboro, dị Eniyasi kwẹẹtẹ nị.

Odeyi 9:40

Dị Ipita ka avaba ẹnịnị ẹ̀ jịnẹ hi ẹhẹ, di o ku ẹtẹ, dị aa mẹ̀ aduwa nị. Di o và eyi kà oku ọnọọ, dị ọ ka, “Itabita, kwẹẹtẹ!” Dị Itabita há eyi anị nị. O mè re Ipita, dị ọ kwẹẹtẹ yaayịtẹ nị.