Odeyi 2:42 - IWE ỌNỊNỊ

⁴² Ẹnịnị ệ sị ụmẹ ẹnịnị tịtẹ kụkụ aa kọsẹ ịdị odeyi nịnị, dị ẹyaa sị ayịị yị ẹngụ, di e re dudu aa rị ịsọyịrị Ananyị yị, di e re dudu aa mẹ̀ aduwa nị.

Odeyi 2:42 ပူးပေါင်းရင်းမြစ်များ

Iruuku 24:30

Dị Ijeesu yaayịtẹ pe wa ka ẹnị ẹ̀ rị ịsa nị. Dị ọ sị Ịbụrẹẹdị, dị ọ mẹ̀ aduwa tụ́ ọọ, dị ọ dà a, dị ọ sị yị wa nị.

Iruuku 24:35

Dị ẹnị ẹyịva ẹnẹẹ ẹnị rẹ kà a yị wa ịsa ana mẹ óze, ọnịrị éyi ẹnịnị mẹmẹ há tù Ananyị yị, ọ mẹ̀ dà Ịbụrẹẹdị yị wa.

Odeyi 1:14

Dị ẹnịnị sị ayị yị ẹngụ, dị ẹyaa mẹ̀ aduwa pooro nị, beri anyẹnẹẹ ẹnyị ọnịrị Imeri ọnyị Ijeesu ọnịrị ẹyịnyara Ijeesu nịnị.

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

Odeyi 20:11

Dị Ịpọọrụ varẹma hịrẹ nọ ịnị ọtụrọsa, dị ọ na dà ịsa rị nị. Dị ọ kà ịrẹyị yị wa pooro di eyi aa nị; dị Ịpọọrụ si hu nị.

Odeyi 20:7

Ịnị ẹkụhị ịpaapa ọsẹ, ọdọwụ nịnị ệ kụ́ gụ ka ẹnị ẹ̀ rị ịsọyịrị Ananyị yị. Ịpọọrụ ee sì ka ọnị ọ̀ na eyinẹhẹ anị. Dị ọ kà ịrẹyị Ohomorihi yị aza ẹnẹẹ pooro ne tù agẹvịrahụ nị.

Odeyi 4:23

A mẹ̀ sị wa hụrẹ ụvọ kẹnẹ, dị Ipita ọnịrị Ịjọọnụ varẹma nọ ịdị anda ẹnịnị, dị ẹ na kà a yị wa ịsị ohirẹsụ ẹbanyị irehi Ohomorihi ọnịrị azọkụ nịnị kà nị.

Odeyi 4:31

Ịjị ẹ sị aduwa mẹ̀ ta, dị ịzị ẹ kụ́ gụ henyi nị. Dị Ụhwẹ Ọnịnị dọ ayị avaba ẹnịnị, dị ẹyaa sị ọtụtụrụma kà ịrẹyị Ohomorihi nị.

Odeyi 6:4

Ẹyị vaa sị avaba ụmẹ ayịị mẹ̀ aduwa, dị yaa kà ịrẹyị Ohomorihi.”

Aniroomi 12:12

Agụvị ka wâ nyị ọyịtureyi nịnị, waa jẹ nịnị. Wàa daka aa rị ụya nịnị, re ka wâ nyị ọyịtureyi nịnị, waa jẹ nịnị! Wàa daka aa rị ụya nịnị, re ka wâ nyị isuuru nịnị, dụ wa yịị mẹ̀ aduwa nịnị!

1 Anịkọrịntị 10:21

Ọza ọ yị nyẹngụ sị ako Ananyị yị hú eche, dị ọ̀ rẹ varẹma na sị ako ụhwẹ echu di ò re sii hú eche. Ọza ọ yị rẹ nyẹngụ rị ịsọyịrị Ananyị yị, dị ọ̀ rẹ varẹma na aa rị ịsọyịrị ụhwẹ echu.

1 Anịkọrịntị 11:2

Mâ yẹ ka waa tamayị amị nịnị ini oze tụra oze. Wâ mẹẹ ẹtẹẹrẹ nịnị. Waa yịị saasa ịsa ọnị mị raà sị zụ̀ wụ nịnị.

1 Anịkọrịntị 14:6

Ẹwụ nịnị ẹyịnyara amị, à kà a ka maa vẹ ịdị awụ nịnị, dị maa sị ẹkụra ọsaa kà ịrẹyị. Máá zụ gụ wụ nịnị ụvọ? Ẹ̀ yị vị mị kà a wụ nịnị ịsị Ohomorihi sị zụ mị; ẹ̀ yị vị mị rẹ mẹ ka wa zụ yẹ ịsa Ohomorihi nịnị, à vị ka dị ma kà ịsẹ, à vị ka dị ma rẹ sị ịrẹyị Ohomorihi zụ wụ nịnị, máá zụ gụ wụ nịnị ụvọ?

Anigaratiya 1:6

Ho! Ịrẹyị awụ nịnị ọ́ọ da hí mi irenu kẹnẹ! Wáa wụsẹ jịnẹ sị và hụrẹ ịrẹma Ohomorihi ana hị́ wụ nịnị ini oze ayamva Ikirisiti, ụ kụkụ aa dụ enube ọsa.

Anẹhwẹsọsị 2:20

Ẹwụ nịnị rẹ yà ini irehi ọnọọ ana odeyi nịnị ọnịrị ọnịsẹ nịnị ká ẹtẹ. Ijeesu Ikirisiti ọnị ụvọta ọ vị ohyẹtẹ irehi ọnọọ nị.

Anẹhwẹsọsị 6:18

Dị ụ waa mẹ̀ aduwa nịnị ụmẹ tụra ụmẹ, dị ụ waa dá ịpẹẹ yị Ohomorihi nịnị, anka Ụ́hwẹ Ọnịnị ọ̀ọ mẹ̀ sị oze zụ̀ wụ nịnị! Wee zí nịnị, asị ụ zẹẹ ka ọ̀ tụ́ wụ nịnị! Waa mẹ̀ aduwaa yị avaba aza Ohomorihi nịnị.

Anihwiripi 1:5

agụvị ọgụvọ ọnị ụ mẹ mị nịnị ini oze enube ọyịza, m me hụrẹ nyima ve tù ọyaanị.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

Anikorasi 4:2

Waa mẹ̀ aduwa nịnị ịnị ụmẹ tụra ụmẹ; asị ụ zẹẹ ka ayị awụ nịnị ọ̀ọ ngụ ọọ zị, wàa mẹ̀ aduwa; dị ụ wa rẹẹ kụ́ Ohomorihi avọ nịnị

2 Itimoti 3:14

Ẹwà yị jẹẹ pe ịzẹyịza ana a raà sị zụ̀ wụ, dị ụ rẹ sị ọọ dọ wụ́! Wâ yẹ aza ana sị zụ̀ wụ.

Anihiburu 10:25

Asị ị navọ ẹngụ ọyịkụgụ tịtẹ, anka aza ẹnyị mẹ̀ẹ̄ mẹ! Ama à vẹ yaa tụ́ ẹngụ ọtụtụrụma, ẹ́kụhị Ananyị yị mẹ̀ hyakụ aa gụrị ẹtẹ aanị!

Anihiburu 10:39

Ama ẹyị ẹ yị vị ẹngụ aza anaā kà a nọ ịrẹma, dị è ne vu ẹtẹ. Ama ẹyị aa yịị sị ayịị tụra Ohomorihi, ka asị ụhwẹ ayị vú.

1 Ịjọọnụ 1:3

Ịsa ẹnẹnị ẹnẹ ẹyị ụvọta sị re, dị ị raà sị ụtọ ayị wụ́, ọnị ị yaà kà a wụ nịnị agụvị ẹyịrị ẹwụ nịnị ọ̀ zụ rị vabẹ.

1 Ịjọọnụ 1:7

Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị.

1 Ịjọọnụ 2:19

Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya.

Ijudi 1:20

Ama yị ẹwụ nịnị anda ayị, waa gụ ẹngụ ụvọ nịnị, di ụ waa vịra nịnị tụ́ ịnị ẹdọwụ oni Ohomorihi sị wụ nịnị. Waa mẹ̀ aduwa nịnị anka Ụhwẹ Ọnịnị ọ̀ọ mẹ sị ụkata yị wụ nịnị.