Odeyi 2:40 - IWE ỌNỊNỊ

⁴⁰ Ipita ộ kà ịrẹyị ọrụrụ-ọrụrụ yị wa, dị aa dá ịpẹẹ yị wa ẹtẹẹtẹrẹ, ka ẹ̀ dọ ẹngụ ẹnịnị hụụnị ụya ana aa vẹ ịrẹsụ aza edivi ụmẹ ọnọnị.

Odeyi 2:40 ပူးပေါင်းရင်းမြစ်များ

Ụhịrẹyị 9:6

Ọ kà ọnụra ọ va hụụnị ututu anị di oo hu ahụ ịrẹyọyẹ.

Ijeremaya 51:45

Ẹnẹyịmavara kà, ẹwụ nịnị aza anị, Anisirẹrị ò zwè hụrị Ịbabịrọnị. Ọzọza ò zwè agụvị ẹhẹ anị, agụvị ka ọyịkụ anị aa vẹ ịrịịra.

Imatiwu 12:34

Ẹwụ nịnị ezi ibe, wẹ yị nyẹngụ kà ịrẹyị ozoza nịnị, agụvị ka ọza odivi ụ vị nịnị nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.

Imatiwu 16:4

Aza edivi ọnịrị ọsẹrẹka nịnị kẹnẹ eē sì apọtẹrẹwa nị. Ẹ yị nyị ụkọrọ apọtẹrẹwa anaa vaa sịị zụ̀ wa, ẹ̀ yị vị apọtẹrẹwa Ijona ana vị ọnịsẹ kẹnẹ.” Dị ọ hụụ ịda ẹnịnị, dị aa na nị.

Imatiwu 17:17

Dị Ijeesu tụ́ ohi, dị ọ ka, “Sị ẹ vẹ dị ẹwụ nịnị anụmẹ ọnọnị ẹ̀ yị dọ wụ́, dị ụ maanị nyeeyi nịnị aanị? Ịzị mị vaa yàa pe wu nịnị nee tù? Ịzị mị vaa sị ẹngụụ dọ ịrẹyị awụ nịnị nee tù? Sị ọọ ve tù mi ịzẹnị!”

Imatiwu 23:33

Ẹwụ nịnị ẹwụ ana rẹ vị ezi ibe, wéé ro ka wa zụ jị ọkarẹyị ẹkụra nyee nịnị?

Ịmaakị 8:38

Agụvị avọọ àa nyị ọza ịnị ẹhẹ odivi ọnọnị, ana aa nyị ụhị ọ̀yị dọ irenu ka ọnị vị áamị, dị ọ raa nyị ụhị ịrẹyị amị nị, ẹmị Ozi ọza onigirima rẹ vaa nyị ụhị ọ̀yị kà a ka áamị ọza ọnọọ vị nị, ịjị màa vavẹ ini igirima ada amị beri anggẹẹrị ọnịnị nịnị.”

Iruuku 16:28

Agụvị ka mâ nyị ẹyịnyara ẹẹhị, ọ̀ na kà wa ọnọ, agụvị asị ẹ vẹ aha ụyọrị ọnị mị yà aanị!’

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Ịjọọnụ 21:25

A rẹ nyị ịsa ọrụrụ-ọrụrụ ana vọ oni Ijeesu mẹ. Àa ka à chẹrẹ avaba ẹnịnị, me yi ro ka avaba ẹhẹ ộ hyakụ dọ iwe ana a vaa sị chẹrẹ ẹ.

Odeyi 10:42

Dị ọ mẹ ọdaa yị ka ya kà enube ọyịza yị aza, dị ya kà a yị wa ka ọnị Óhomorihi nyị ka ọ̀ vị ọmọkarẹyị aza ana yàra ọnịrị aza ene sú nị.

Odeyi 15:32

Ijudasi ọnịrị Isira ẹnị vị ọnịsẹ. Ê pe aza ẹnẹẹ kà ịrẹyị ẹtẹẹtẹrẹ, di e hú wa ụvọ, dị ẹ tụ́ wa ọtụtụrụma nị.

Odeyi 20:11

Dị Ịpọọrụ varẹma hịrẹ nọ ịnị ọtụrọsa, dị ọ na dà ịsa rị nị. Dị ọ kà ịrẹyị yị wa pooro di eyi aa nị; dị Ịpọọrụ si hu nị.

Odeyi 20:2

Ộ ngụ ịzọọ zị, dị ọ kà ịrẹyị ọrụrụ-ọrụrụ, dị ọ sị tụ́ ọdọwụ nịnị ọtụtụrụma nị, dị ọ va na ngụ Igiriki nị.

Odeyi 20:21

Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị.

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Odeyi 20:9

 nyị ozi ọnọrụ ọnya aanị ana aā hị́ Iyutikọsị, dị ọ yaayịtẹ ini ozokete, di aa sụ ara ẹtẹẹtẹrẹ nị. Ị́pọọrụ màa yịị kà ịrẹyịị kù, dị ara sị ozi ọnọọ huna, di o zina hụụnị ọtụrọsa ọhụta va nya ẹtẹ, dị ahịka oku anị a kụkụ na sị nị.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Odeyi 4:36

 nyị ọza ịnya aanị ana aā hị́ Ijosẹẹhụ. Anireevi ana a ma ẹkụra Ịsayịpịrụsị, ọ vị nị. Apositeri nịnịị̄ hị́ ọọ Ịbanabasị, oni iruvo anị vị “Ọtwọzọtụtụrụma”.

2 Anịkọrịntị 5:20

Ẹya vị odeyi Ikirisiti tụ́ ịzẹnị nị. Vị ọ sị mẹẹ ka Ohomorihi ụvọta aa zị oze ịnị ụvọ ayịị dá ịpẹẹ wụ nịnị aanị nị: “Yâ sị Ikirisiti dá ịpẹẹ wụ nịnị ka wa navọ Ohomorihi ọ̀ vara wụ nịnị ọta anị.”

2 Anịkọrịntị 6:17

Agụvị avọọ dị Ananyị yị rẹ kà a ka: Jịnẹ hụụ ịdị ẹnịnị, sị ẹngụ awụ nịnị tụ́ irenyi kwooze yị wa. Asị ụ sị ụvọ kanyị ịsa eneē du ọza ẹngụ nịnị. Ịjọnọọ ọnị vaa dọ wụ nịnịị pe ẹngụ.

Anigaratiya 5:3

Me re tenyi ọ kà ka ọza ana àa zẹẹ ka ọza ọ̀ jị ọnị ụvẹvẹnẹ, áa nyị ka ọza ọnọọ ọ̀ọ saasa avaba ọda Aniju nịnị.

Anẹhwẹsọsị 4:17

Maa sị ịrẹha Ananyị yị kà wụ nịnị ọ̀nọ̀ ka asị ụ rẹ̀ kụkụ zị ụsẹ anka anarịmadọwụ nịnị, ana ahịka ịrẹyị kẹnẹ-kẹnẹ eē ro nị.

Iwe Ọhụhị Imosiisi ana aa hị́ Ọyịvatụrọda 32:5

Ama ẹwụ nịnị ọ raa rị ịvị Ẹnẹyịmavara nịnị, ebira odivi awụ nịnị wẹ yị kụkụ vị ezi anị nịnị. Ụ me divi avọọ ụ mẹ vị enevene nịnị nị.

Anihwiripi 2:15

Wa vavọọ mẹ agụvị asị ụ na nyị ohuvọ, dị ụ wa zụ nị nịnị. Ọnọọ ọ vaa mẹ ka wa zụ vị ezi Ohomorihi ẹnẹ ẹ̀ yị nyị ịsa odivi nị. Ụ mẹ̀ yà ịnị akakana anẹhẹ edivi ana ayị ẹnịnị ẹ̀ yị vọrọ aanị, áa vọrọ ka wa vị ẹtohweyi yị wa tụ́ ịnị ẹhẹ nịnị.

1 Anịtẹsaronika 2:11

Wáa yẹ nịnị ka vị yaa mẹ ọza ịnya ọza ịnya awụ nịnị anka ada mẹ̀ẹ̄ mẹ ezi anị avọọ nị. Yâ tụ́ wụ nịnị ọtụtụrụma; ya rẹ sị ayohunẹnẹ yị wụ nịnị. Yê hú wu nịnị ụvọ

1 Itimoti 4:16

Sị eyi pe ẹngụ awụ ọnịrị ịsa ọnị ụ waa sịị zụ̀ aza! Waa yịị mẹ̀ ịsa ẹnẹẹ, agụvị ka wàaa mẹẹ, ụ vaa dọ ẹngụ awụụ há ọnịrị aza ana aa wụ́ ịrẹyị awụ.

1Ipita 5:12

Isirivanọsị o pe mi chẹrẹ iwe ọnọnị tụ́ hi wu nịnị nị. Mâ yẹ ka ọdọwụ obooro ọ vị nị, a zụ sị ayị tụraa. Mee sì ka ma tụ́ wụ ọtụtụrụma, dị ma rẹ dọ ivenu tụ́ ọ ka ịzẹyịza ayamva Ohomorihi ọ vị ọnọọ nị. Agụvị avọọ, jẹẹ geri-geri ịnị anị nịnị.