Odeyi 2:33 - IWE ỌNỊNỊ

³³ Ohomorihi ọ raà sị Ijeesu tụ́ ẹba, dị ọ yaayịtẹ éyi ụvọrị Ohomorihi nị. Ọ raà dọ Ụhwẹ Ọnịnị hụụnị ụvọ Ohomorihi Ada anị, anka Óhomorihi mẹ̀ vịdị kà a ka ẹ yị zụ nyị ka ọnị ọ yị vaa sịị yọ. Ụhwẹ Ọnịnị ọnọọ Íjeesu sị yị oni u wee re, dị ụ raa wụ́ nịnị aanị nị.

Odeyi 2:33 ပူးပေါင်းရင်းမြစ်များ

Ahẹ Ụgama 118:16

Ọ raà sị ụkata anị mẹ ka ye huna ọnịvị ayị. Ọ zụ kụ̀ ịrẹkụ ẹnẹmẹhị.

Ahẹ Ụgama 89:19

Wa mẹ ka aza awụ ana nyị ayị ọnya è re ẹtẹ ịnị ụmẹ ọnya da. Dị ụ kà a yị wa ka â nyị ọnịrẹkụ ọnya ọnị ụ raà sị ụkata yị. Ụ ka wa raà si ozwọọmụha ọnya hụụnị aza ẹnẹẹ ka wa kà a hịrẹ.

Ahẹ Ụgama 89:24

Ụ rẹ ka ụ vee sì ịrẹyị anị dị ụụ sị ayị yọ. Dị ụ rẹ mẹ ka ọ̀ nyị ẹbẹẹba ọnịvị anị.

Ayịsaya 52:13

Ẹnẹyịmavara kà, o vee zee yi ozi ahụ amị ịnị ụkọrọ anị; a vaa sị ụbanyịị yọ ẹtẹẹtẹrẹ. A vaa sị ọ tụ ẹba, dị ọ varẹma nyị ụbanyị ẹtẹẹtẹrẹ.

Ayịsaya 53:12

Agụvị avọọ, Ẹnẹyịmavara kà, “Mị vaa sị udi ụbanyị yọ ẹtẹẹtẹrẹ. Ọnịrị aza ana nyị ụbanyị beri aza ana nyị ụkata vee hi aha ọnya. Ộ dọ ka oni ò sú, dị á za a ịrịka beri aza ana rị ịvị nị, ama ụya ịvị aza ọrụrụ ọ rị nị, dị aa da ịpẹ agụvị aza ana rị ịvị nị.”

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Ịmaakị 16:19

Ịjị Ananyị yị maanị sị wa pe kà ịrẹyị, dị a sị ọọ nọ ẹbẹẹba nị, dị ọ na yaayịtẹ é yi ụvọrị Ohomorihi nị.

Iruuku 24:49

Re, mị vaa sị ịsa ana Ada amị kà a ka ẹ yị zụ nyị ka ọnị ọ yị sị wụ nịnị, tụ́ hi wu nịnị. Ama jẹẹ Ijerusarẹmị nịnị pooro di Ohomorihi ọ̀ sị ụkata hụrẹ ẹbẹẹba va wụ nịnị!”

Ịjọọnụ 14:16

Mị vaa dá ịpẹẹ yị Ada amị, dị ọ sị Ohunẹnọzayị ọsa va yị wụ nịnị, dị ọ̀ kụkụ yà ịdị awụ nịnị pooro zịna-zịna.

Ịjọọnụ 14:26

Ohunẹnọzayị ọnọọ ana vị Ụhwẹ Ọnịnị, ana Ada amị vaa tụ́ụ vẹ ịnị ịrẹha amị, ọ vaa sị avaba ịsaa zụ̀ wụ nịnị, dị ọ rẹ mẹ ka wa tamayị avaba ịrẹyị ọnị mị vịdị sị kà a wụ nịnị.

Ịjọọnụ 15:26

“Ịhị Ohunẹnọzayị ọnọọ ọ̀ọ vẹ, ọnị mị vaa tụ́ hụụ ịdị Ada amịị vẹ, ọ vaa dọ ivenuu tụ́ ịnị ịrẹyị amị. Ọnị ọ vị Ụhwẹ Ọnịnị anaā sịị ịzẹyịzaa zụ̀ nị; ịdị Ada amị ọ hụrẹ vẹ nị.

Ịjọọnụ 17:5

Ọga, sị igirima yị mị ị́dị awụ, igirima ọnọọ ọnị mị nyị, m mẹ̀ yà ịdị awụ hụrẹ ụmọrụmọ, dị a va yẹ ka aa mẹ ẹhẹ.

Odeyi 1:4

Ẹ mẹ̀ sị wara gụ, dị Ijeesu hú wa ụvọ, dị ọ ka, “Asị ụ hụrẹ Ijerusarẹmị nịnị! Ama jẹẹ zí ẹyịza ana Ada amị wo oto anị ka ọnị vaa sịị yị wụ nịnị anka m mẹ̀ vịdị kà a wụ nịnị.

Odeyi 10:45

Ô hí ọdọwụ Aniju nịnị ana saasa Ipita vẹ irenu ka Ohomorihi ộ sị Ụhwẹ Ọnịnị mẹ Anigiriki ẹyịza bẹẹ.

Odeyi 2:17

Ọ kà Ohomorihi kà a ka, “Ịnị ụmẹ ọdịrẹma, ọnị vaa tụ́ Ụhwẹ Ọnịnị anịị ká avaba anẹhẹẹ vẹ. Ezi anọrụ ọnịrị ezi anẹẹ awụ nịnị vaa kà ịsẹ, ezwọọmụha awụ nịnị vee re ẹtẹ, azọkụ awụ nịnị vaa ra ụra.

Odeyi 5:31

Ohomorihi ọ raà sị ọọ tụ́ ẹba éyi ụvọrị anị, ka ọ̀ vị Ohinọyị ọnịrị Ọdọzaha. Dị ọ̀ rẹ mẹ ka Anisirẹrị nịnị è ro ịnẹ varẹma, dị ọ̀ vagu wa ịnị ịvị ẹnịnị.

Aniroomi 5:5

Yàa nyị ọyịtureyi, ụhị ọ yị vaa nyị yị, agụvị ka Ohomorihi ộ mẹ̀ ka ya yẹ, o meme sì ịrẹyị ayị ini oze Ụhwẹ Ohomorihi ọnị ọ sị tụ ịnị ayị ayị.

Anigaratiya 3:14

Ijeesu Ikirisiti ộ vavọọ mẹ, agụvị dị Ohomorihi ọ̀ zụ mẹ ka ò zé yị anarịmadọwụ nịnị, anka ọ mẹ̀ mẹ ka ò zé yị Abụrahamị; agụvị dị ẹyị ana sị ayị tụra Ijeesu Ikirisiti, ọ̀ zụ dụ Ụhwẹ Ọnịnị oni Ohomorihi kà a ka ayị zụ nyị ka ọnị ọyị vaa sịị yị.

Anẹhwẹsọsị 1:13

Avọọ ọ mẹ̀ rẹ yà yị ẹwụ nịnị nị. Ụ mẹ̀ wụ́ enube ọyịza ana vị ịzẹyịza ana mẹ ka Ohomorihi ọ̀ dọ wụ nịnị há, wá sị ayị tụra Ikirisiti nịnị. Ẹwụ nịnị ọnị ọnịrị Ikirisiti sị vị ọnya, Ohomorihi ộ sị apọtẹrẹwa tụ́ wụ nịnị ẹngụ ka ọnị ọ nyị wụ nịnị nị. Ụhwẹ Ọnịnị ọnị ọ kà a ka ẹ yị zụ nyị ka ọnị ọ yị vaa sịị wụ ọ jẹẹ yị apọtẹrẹwa ọnọọ nị.

Anẹhwẹsọsị 4:8

 vịdị kà a tụ́ ini Iwe Ohomorihi ka, “Ọ mẹ̀ hịrẹ nọ ẹbẹẹba, ộ kụ́ aza ọnị ọ sị ehuna ẹnịnị nyị za, dị ọ gà ẹyịza yị aza nị.”

Ịtayịtọsị 3:6

Ohomorihi ộ mẹ̀ ka Ụhwẹ Ọnịnị anị ọnọọ ọ̀ va dọ avaba ayị ayị ini oze Ijeesu Ikirisiti Ọdọzaha ayị.

Anihiburu 10:12

Ama Ikirisiti ọnị vị ana yị mẹ̀ ịsọvọ ụpẹ ọnya kẹnẹ ana kụ́ ịvị aza kwooze pooro zịna-zịna. Dị ọ kụkụ yaayịtẹ éyi ụvọrị Ohomorihi nị.

Anihiburu 2:9

Ama yée re Ijeesu, ana ahịka â mẹẹ ka ò weyi huna anggẹẹrị nịnị chee, agụvị ini oze ayamva Ohomorihi, dị ò sú yị avaba aza. Agụvị ụya ọnọọ oni Ijeesu vavọọ rị dị o sú, Ohomorihi ọ́ọ sị ụbanyị ohinọyịị yọ.

1Ipita 1:21

Ọnị ọ mẹ ka wa sị ayị tụra Ohomorihi nịnị nị, ana ha Ijeesu Ikirisiti kwẹẹtẹ hụụnị isu, dị ọ rẹ sị ụbanyị yọ nị. Agụvị avaba ịsa ẹnẹnị ẹ́dọwụ awụ nịnị ọnịrị ọyịtureyi awụ nịnị vị ana yà ịdị Ohomorihi.

1Ipita 3:22

Ikirisiti ọ zị nọ ịdị Ohomorihi. Ọ yaayịtẹ éyi ụvọrị Ohomorihi. Ọnị ọ vị Ohinọyị tụ́ ịrẹsụ anggẹẹrị nịnị ọnịrị avaba ịsa ana nyị ụkata ọnịrị ọda tụ́ ịdị Ohomorihi nị.