Odeyi 2:32 - IWE ỌNỊNỊ

³² Ijeesu ọnọọ Óhomorihi sị ha hụụnị isu, dị avaba ayị aa dọ ivenuu tụ́ ịnị anị aanị nị.

Odeyi 2:32 ပူးပေါင်းရင်းမြစ်များ

Ịjọọnụ 15:27

Ẹwụ nịnị rẹ vaa dọ ivenu tụ́ ịnị ịrẹyị amị bẹẹ, agụvị ka ịdị amị ụ yà nịnị hụrẹ ụmọrụmọ nị.

Odeyi 1:22

hụrẹ ụmẹ ọnị Ịjọọnụ hụrẹ aa sịị mẹ̀ ọyịhwọzenyi ne tù ụmẹ oni Ijeesu sị hụrẹ ịdị ayị nọ ẹbẹẹba, â vọrọ ka à nyị ọza ịnya ẹnẹ ẹyịrịị va zụụ dọ ivenu tụ́ ọọ ka Ijeesu ọ sị ha hụụnị isu.”

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 13:30

Ama dị Ohomorihi ha a kwẹẹtẹ hụụnị isu nị.

Odeyi 13:33

ọ raà mẹ̀ ẹ yị ẹyị ezi ẹnịnị, ini oze ka ọ sị Ijeesu ha hụụnị isu. Avọọ a mẹ̀ chẹrẹ ẹ tụ́ ini iwe ahẹ ụga ụpẹ ọhụva nị ka: ‘Ẹwa vị Ozi emi nị. Ajịnị mị ma wụ nị.’

Odeyi 17:31

Ohomorihi ộ nyị ẹkụhị ọnya ọnọọ vaa sị sị ịzẹyịzaa mẹ̀ ọkarẹyị avaba anẹhẹ. Ọ vavọọ vaa mẹ ini oze ọza ọnị ọ sị nyị. Ọ raà sị zụ̀ avaba aza ka ịzẹyịza yọ, ọ mẹ̀ ha ọza ọnọọ hụụnị isu.”

Odeyi 2:24

Ama Ohomorihi ộ ha a hụụnị isu, ộ dọ ọ hụụnị ụvọ isu, agụvị ka ọ yị rụra mẹ ka isu ọ̀ za a.

Odeyi 3:15

Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị.

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Odeyi 4:10

 vọrọ ka avaba awụ nịnị ọnịrị avaba Anisirẹrị ọ̀ yẹ ka ọnọrụ ọnọnị ộ jẹẹ ịzẹnị booro aanị, ẹngụ anị ộ ta saka-saka ini oze ụkata Ijeesu Ikirisiti Anịnazarẹtị, ọnị ụ kanyị za ọchị apavahị nịnị, dị Ohomorihi ha a hụụnị isu.

Odeyi 4:33

Apositeri nịnị ệ sị ụkataa dọ ivenu ka Ijeesu Ikirisiti ọ sị ha hụụnị isu. Dị Ohomorihi aa mẹ ọyịzaa yị avaba ẹnịnị nị.

Odeyi 5:30

Ohomorihi Ada ayị ộ ha Ijeesu hụụnị isu, ọza ọnị ụ kanyị za ọchị apavahị, dị ụ wụ ọ nịnị.

1 Anịkọrịntị 15:15

Ọ̀ọ yaanị vavọọ yà, dị ahịka ireche ị yaanị ee chee kú Ohomorihi nị, agụvị ka yâ kà a ka ộ ha Ohinọyị oni Ọ nyị ka ọ̀ dọ yị há hụụnị isu, ịnị ụmẹ ana ahịka ọ yị ha a hụụnị isu; ọnọọ ọ vị ka oku nịnị ẹ yị mā ha hụụnị isu nị.

1 Anịkọrịntị 6:14

Ohomorihi ọ raà ha Ananyị yị kwẹẹtẹ hụụnị isu, avọọ ọ mẹ rẹ vaa sị ụkata anịị ha ẹyịị kwẹẹtẹ hụụnị isu nị.

2 Anịkọrịntị 4:14

Yâ yẹ ka Ohomorihi ana ha Ananyị yị Ijeesu hụụnị isu, rẹ vaa ha ẹyịị hụụnị isu beri Ijeesu. Dị ọ sị ẹyịrị ẹwụ nịnị na tụ́ ọvịdị anị.

Anigaratiya 1:1

Ẹmị Ịpọọrụ ana vị odeyi Ijeesu Ikirisiti ọ chẹrẹ iwe ọnọnị nị. Ẹ yị vị ọza ọ hị́ mị, ẹ yị rẹ vị aza ẹ nyị mị ka ma vị odeyi. Ama Ijeesu Ikirisiti ọ nyị mị nị, ọnịrị Ohomorihi Ada ayị, ana ha Ijeesu hụụnị isu.

Anẹhwẹsọsị 1:20

Ụkata ọbanyị ana aa sịị mẹ̀ ụkọrọ ịnị ẹngụ ayị ọnịrị ụkata ọbanyị ọnị ọ sị há Ikirisiti hụụnị isu vị ọnyọọnya. Ụkata ọnọọ ọ rẹ sị sị Ikirisiti na yaayịtẹ éyi ụvọrị anị ẹ́bẹẹba nị.

Anikorasi 2:12

A mẹ mẹ̀ ọyịhwọzenyi yị wụ nịnị, vị ọ sị mẹẹ ka vị e ne wu nịnị beri Ikirisiti nị; dị ụ rẹ ha kwẹẹtẹ hụụnị isu beri ọọ nịnị nị, agụvị ka wáa sị ayị tụra ụkata Ohomorihi ana ha Ijeesu hụụnị isu.

Anihiburu 13:20

Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.

1Ipita 1:21

Ọnị ọ mẹ ka wa sị ayị tụra Ohomorihi nịnị nị, ana ha Ijeesu Ikirisiti kwẹẹtẹ hụụnị isu, dị ọ rẹ sị ụbanyị yọ nị. Agụvị avaba ịsa ẹnẹnị ẹ́dọwụ awụ nịnị ọnịrị ọyịtureyi awụ nịnị vị ana yà ịdị Ohomorihi.