Odeyi 2:30 - IWE ỌNỊNỊ

³⁰ Idevidi vị ọnịsẹ, ộ yẹ ka Ohomorihi ô hyeku ka ọnya ini ezi anị ọ vaa vị ohinọyị ana vaa dọ Idevidi ịrẹsụ nị.

Odeyi 2:30 ပူးပေါင်းရင်းမြစ်များ

2 Ịsamụwẹrị 23:2

Ọ kà; ụhwẹ Ohomorihi aa sị mị kà ịrẹyị. Ịrẹyị anị yà ịnị irenu amị.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ijeremaya 30:9

Ama ẹnịnị vaa hẹkẹ ọnị, Ẹnẹyịmavara Ohomorihi ẹnịnị. Ẹ vaa vàa ku ẹtẹ yị ozi Idevidi ọnị ọnị vaa sịị rị ohinọyịị yị wa.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Imatiwu 22:43

Dị Ijeesu ka, “Sị ẹ vavẹ dị Ụhwẹ Ọnịnị mẹ ka Idevidi ọ̀ hị́ Ikirisiti ‘Ananyị mị’? Agụvị ka Idevidi ộ kà a ka:

Imatiwu 27:35

Dị ẹ za a, dị ẹ kanyị ọọ za apavahị nị. Dị ẹ gà ịta anị tịtẹ, dị ẹ jị osisi tụ́ ọọ nị. Ệ vavọọ mẹ, agụvị ịrẹyị ọnị ọnịsẹ nịnị vịdị kà, ọ̀ zụ sẹ ka, “Ệ gà ịta amị hi ẹngụ ẹnịnị ụvọ, dị ẹ jị osisii tụ́ ọọ nị.”

Ịmaakị 12:36

Idevidi ọnị nyẹmba ộ sị ụkata Ụhwẹ Ọnịnị kà a ka: ‘Ohomorihi ộ kà a yị Ananyị mị ka: Yaayịtẹ éyi ụvọrị amị pooro dị ma sị ọnịvị awụ tụ́ ịzị ụ waa kụ́ ahụụ hi!’

Iruuku 24:44

Dị Ijeesu kà a yị wa ka, “Ịsị mị vịdị sị kà a wụ nịnị, m mẹ̀ yà pe wu nịnị, yị, ka: Avaba ịrẹyị amị ana a chẹrẹ tụ́ Iwe Imosiisi ọnịrị iwe ọnịsẹ nịnị beri iwe ahẹ ụga, ẹ yị zụ nyị ka ẹ yị vaa sẹ”.

Odeyi 1:16

“Ẹwụ nịnị ẹyịnyara amị, Ụhwẹ Ọnịnị ộ vịdị mẹ ka Idevidi ọ̀ chẹrẹ ịsa ini oze Ijudasi tụ́ ini Iwe Ohomorihi. Ijudasi ọnọọ ọ sị oze zụ̀ aza ana va za Ijeesu nị. Ẹ yị zụ nyị ka ịrẹyị ọnọọ ẹyị sẹ.

Aniroomi 1:3

Enube ọyịza ọnọọ vị ịrẹyị Ijeesu Ananyị yị Ikirisiti. Ozi Ohomorihi ọ vị nị. Anka ini oze ọza kẹnẹ, ozi Idevidi ọ vị nị.

Aniroomi 15:12

Ayịsaya ọ rẹ vịdị kà a ka, “Ozi ọnya ana vaa chịị hụụnị ovwoovu Ijeesee vẹ, ọnị ọ vaa kwẹẹtẹ, dị ọ̀ rị ohinọyị tụ́ ịrẹsụ Anigiriki nị. Ọnị ẹ́nịnị vaa sị ayịị tụra nị.”

2 Itimoti 2:8

Tamayị Ijeesu Ikirisiti ana chị hụrẹ ovwoovu Idevidi vẹ! M màa kà enube ọyịza, mị ka Ohomorihi ộ haa hụụnị isu.

Anihiburu 1:1

Ịnị ịyẹẹyẹ, Ohomorihi ộ kà ịrẹyị yị ohiku ayị nịnị ịnị ụmẹ ọrụrụ-ọrụrụ ini oze irenyi-renyi. Ịnị ụmẹ ọnọọ, oze ịnị ụvọ ọnịsẹ nịnị ọ vavọọ zịị kà ịrẹyị nị.

Anihiburu 3:7

Ụhwẹ Ọnịnị ọ́ọ kà a ka: Ajịnị, wàa wụ́ ọngwẹ Ohomorihi nịnị,

Anihiburu 4:7

Ịjị ịrayị ọrụrụ-ọrụrụ rẹ sị mẹ para hu, Ohomorihi ọ rẹ nyị ẹkụhị ọsa tịtẹ ọnị ọ hị́ ajịnị, ọ mẹ̀ zị oze ịnị ụvọ Idevidi tenyi ịrẹyị ọnọọ kà ka: Ajịnị, wàa wụ́ ọngwẹ anị nịnị, asị ụ na mẹ ayọkatẹngụ nịnị.

Anihiburu 6:17

Ohomorihi óo sì ka ọnị ọ̀ kà a gedebee yị ọza ọnị ọnị vaa sị ẹyịza ọnọọ yị, ka ọnị ọ yị vaa vara ịrẹyị anị. Agụvị avọọ ọ hị́ eku tụ́ ịnị oto anị nị.

Anihiburu 7:21

A mẹ̀ sị anovwoovu Ireevi ka ẹ̀ vị ohirẹsụ irehi Ohomorihi, ọza ọ yị hị́ eku yị wa. Dị Ijeesu ọnị va vị ohirẹsụ irehi Ohomorihi, Ohomorihi ộ hị́ eku yọ ka: Ọnị Ohomorihi ọ raà hị́ eku, ọnị ẹ yị vaa vara ayị ka: ẹwa vaa mẹ ohirẹsụ irehi Ohomorihi pooro zịna-zịna nị.

2Ipita 1:21

agụvị ka ẹ́ yị nyị ụmẹ ana aza zụ sị kwẹẹtẹ kẹnẹ, dị ẹ̀ẹ kà ịsẹ, anka e mè sì ọ. Ama aza ọnịnị Ohomorihi ệ kà ịrẹyị anka Ụhwẹ Ọnịnị màa zụ̀ wa ịrẹyị nị.

Ẹtore 17:14

Ẹnịnị vee pe Ozi Atẹmẹ ọnọọ kụ̀ ịrẹkụ, ama Ozi Atẹmẹ ọnọọ ọnịrị aza ọnị ọ hị́, dị ọ nyị wa dị ẹ rẹ nyị ịzẹyịza hi ọọ, vaa nyị ehuna ẹnịnị, agụvị ka ọnị ọ nyị avaba aza nị; ọnị ọ vị Ohinọyị avaba ohinọyị nịnị nị.”

Ẹtore 19:16

 chẹrẹ ịrẹha ọnya aanị tụ́ ịnị awuru anị ọnịrị ịnị usi anị ka, “Ọza ana nyị avaba aza ọnị Ohinọyị avaba ohinọyị nịnị.”