Odeyi 2:24 - IWE ỌNỊNỊ

²⁴ Ama Ohomorihi ộ ha a hụụnị isu, ộ dọ ọ hụụnị ụvọ isu, agụvị ka ọ yị rụra mẹ ka isu ọ̀ za a.

Odeyi 2:24 ပူးပေါင်းရင်းမြစ်များ

Ahẹ Ụgama 116:16

Ẹnẹyịmavara, ozi ahụ mị vị nị, ẹ yị vị ka vị a nyị ịsị ẹmị yà ịnị anị nị. Ozi ọnẹẹ ana vị ozi ahụ awụ mị vị nị. Wa raà tụ̀ mị hụụnị ẹba ana a sị tụ́ mị.

Ayịsaya 10:7

Ama ịsị ẹ nyị tụ́ ịnị ayị vị irenyi. Ịsị ẹ yà ịnị ayị ẹnịnị ọ vị ka ẹ̀ na wụ̀ wa va ha, di è vú anẹkụra ọrụrụ-ọrụrụ ẹtẹ nị.

Ayịsaya 25:8

Ọ mā vana zẹẹ ka ọza ò sú paa Ẹnẹyịmavara ana vi ohinọyị ọ yị kụkụ vaa zẹẹ ka ọza ò re ịrẹyị orere. Ọ yị rẹ kụkụ vaa zẹẹ ka ụhị ọ̀ vana nyị aza anị ịnị ẹhẹ. Ẹnẹyịmavara kà ọnị ọ kà avọọ nị.

Ayịsaya 26:19

Aza ayị ene sú rẹ vana vaa yàra. Ẹnịnị vaa haa kwẹẹtẹ. Ẹwụ nịnị avaba aza ene hi ini ikuta vaa haa kwẹẹtẹ dị ẹ yaa jị ahẹ ịrajẹ. Éguhi mèe chire hi ẹtẹ, dị ọ mẹ ka avị ẹ̀ chị avọọ, avọọ Ẹnẹyịmavara mẹ̀ vaa ha aza ene sú hụrẹ ụmọrụmọ kwẹẹtẹ nị.

Ayịsaya 53:10

Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị.

Ihoseya 13:14

Ẹnẹyịmavara kà a ọnị ọ́ọ́ jị wa hụụnị ụkata aneku? Ọnị ọ́ọ́ dọ wa ha hụrị ụvọ usu?

Imatiwu 27:63

Dị ẹ ka, “Ọga, yâ tamayị ka ovenọza ọnọọ mẹ̀ yà ẹhẹ, ộ kà a ka ịhyẹgwẹta ọnị ọnị sú, ọnị rẹ vaa haa kwẹẹtẹ.”

Ịjọọnụ 10:18

Ẹ yị vị ọza aa dọ mị ụhwẹ, ẹmị ụvọta ọ hụrẹ ẹ ụvọ nị. Mâ nyị ụkata ọyịnavọ ụhwẹ amị tịtẹ, ma rẹ nyị ụkata ọyị sị ọọ varẹma. Ọda ana Ada amị mẹ mị ọ vị ọnọọ nị.”

Ịjọọnụ 10:35

Yâ yẹ ka ọza ọ yị zụ vara ịrẹyị ini Iwe Ohomorihi pooro. Aza oni Ohomorihi kà ịrẹyị Ohomorihii yị, Ohomorihi ộ kà a ka ê véné Ohomorihi.

Ịjọọnụ 12:39

Ẹnịnị ẹ yị zụ dọ wụ́; Ayịsaya ọ́ hyakụ vịdị kà a ka:

Ịjọọnụ 20:9

Ẹnịnị ẹ̀ yị va yẹ Iwe Ohomorihi ana vịdị kà a ka Ijeesu vaa haa hụụnị isu.

Odeyi 1:16

“Ẹwụ nịnị ẹyịnyara amị, Ụhwẹ Ọnịnị ộ vịdị mẹ ka Idevidi ọ̀ chẹrẹ ịsa ini oze Ijudasi tụ́ ini Iwe Ohomorihi. Ijudasi ọnọọ ọ sị oze zụ̀ aza ana va za Ijeesu nị. Ẹ yị zụ nyị ka ịrẹyị ọnọọ ẹyị sẹ.

Odeyi 13:30

Ama dị Ohomorihi ha a kwẹẹtẹ hụụnị isu nị.

Odeyi 13:37

Ama ọza oni Ohomorihi ha kwẹẹtẹ hụụnị isu, ọ yị vụ̀.

Odeyi 17:31

Ohomorihi ộ nyị ẹkụhị ọnya ọnọọ vaa sị sị ịzẹyịzaa mẹ̀ ọkarẹyị avaba anẹhẹ. Ọ vavọọ vaa mẹ ini oze ọza ọnị ọ sị nyị. Ọ raà sị zụ̀ avaba aza ka ịzẹyịza yọ, ọ mẹ̀ ha ọza ọnọọ hụụnị isu.”

Odeyi 2:32

Ijeesu ọnọọ Óhomorihi sị ha hụụnị isu, dị avaba ayị aa dọ ivenuu tụ́ ịnị anị aanị nị.

Odeyi 3:15

Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị.

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Odeyi 4:10

 vọrọ ka avaba awụ nịnị ọnịrị avaba Anisirẹrị ọ̀ yẹ ka ọnọrụ ọnọnị ộ jẹẹ ịzẹnị booro aanị, ẹngụ anị ộ ta saka-saka ini oze ụkata Ijeesu Ikirisiti Anịnazarẹtị, ọnị ụ kanyị za ọchị apavahị nịnị, dị Ohomorihi ha a hụụnị isu.

Odeyi 5:30

Ohomorihi Ada ayị ộ ha Ijeesu hụụnị isu, ọza ọnị ụ kanyị za ọchị apavahị, dị ụ wụ ọ nịnị.

Aniroomi 10:9

Wàa sị irenu awụ dọ ka hịịn, Ijeesu ọ vị Ananyị yị nị, dị ụ rẹ sị ayị awụ dọ wụ́ ka Ohomorihi ộ haa kwẹẹtẹ hụụnị isu nị, Ohomorihi vaa dọ wụụ há.

Aniroomi 14:9

Ikirisiti ô sú, dị ọ rẹ ha kwẹẹtẹ hụụnị isu nị, agụvị avaba aza ẹ̀ zụụ hị́ ọọ Ananyị yị, ẹ̀ẹ vị anẹhẹ, ẹ̀ẹ vị aneku.

Aniroomi 4:24

A rẹ vavọọ chẹrẹ ẹ yị ẹyị ana sị ayị tụra Ohomorihi ka ộ za yị ịrịka tụ́ ịnị ọnịrẹyịzẹyịza. Ohomorihi ọnọọ ọ ha Ijeesu Ananyị yị hụụnị isu nị.

Aniroomi 6:4

A mẹ mẹ̀ ọyịhwọzenyi yị, vị ọ yà anka ẹyịrị Ikirisiti o dudu wusu, dị e ne ẹyịrị ọ nị. Agụvị avọọ anka ụ́kata Ada ayị ana nyị ụbanyị mẹ̀ ha Ikirisiti hụụnị isu, avọọ ẹ́yị mẹ̀ rẹ vaa nyị ụhwẹ dị ị kụkụ yàra, dị yaa mẹ ẹhẹ ọwọọwa nị.

Aniroomi 8:11

Ohomorihi ọ ha Ijeesu kwẹẹtẹ hụụnị isu nị. Ụhwẹ Ohomorihi ọnọọ ọ̀ọ yà ịnị ayị awụ nịnị, ọnị ana ha Ijeesu kwẹẹtẹ hụụnị isu, rẹ vaa mẹ ka oku awụ nịnị ọ̀ ha kwẹẹtẹ. Ụhwẹ Ohomorihi ọnọọ ana yà ịnị ayị awụ nịnị ọ vavọọ vaa mẹ̀ ẹ nị.

Aniroomi 8:34

Áá nyị ọza ana kụkụ zụ jị ịvị yị wa? Ẹ yị nyị, agụvị ka Ijeesu Ikirisiti, ô wusu yị wa. Ohomorihi ộ hyakụ rẹ sị ọọ ha kwẹẹtẹ hụụnị isu bẹẹ. Ọ kụkụ yà eyi ụvọrị Ohomorihi booro aanị. Aa dá ịpẹ ịrẹyị ayịị yị Ohomorihi.

1 Anịkọrịntị 15:12

Ẹ̀ẹ yaa kà ịrẹyị Ohomorihi ka Ohinọyị ọnị ọ nyị ka ọ̀ dọ yị há ộ ha hụụnị isu, sị ẹ vẹ dị aza ẹnyị awụ nịnị aa kà a ka oku nịnị ẹ yị vaa haa hụụnị isu?

1 Anịkọrịntị 15:15

Ọ̀ọ yaanị vavọọ yà, dị ahịka ireche ị yaanị ee chee kú Ohomorihi nị, agụvị ka yâ kà a ka ộ ha Ohinọyị oni Ọ nyị ka ọ̀ dọ yị há hụụnị isu, ịnị ụmẹ ana ahịka ọ yị ha a hụụnị isu; ọnọọ ọ vị ka oku nịnị ẹ yị mā ha hụụnị isu nị.

1 Anịkọrịntị 15:20

Ama ịzẹyịza ọ vị nị ka Ohomorihi ộ ha Ohinọyị ọnị Ọ nyị ka ọ̀ dọ yị há hụụnị isu. Ọnị ọ vị ọnịpaapa ịnị aza ana ahịka ẹ vaa haa hụụnị isu nị.

1 Anịkọrịntị 15:4

 sị ọọ tụ́ ịnị ụsị, dị a haa hụụnị isu ịhyẹgwẹta anị nị. Avọọ a mẹ̀ rẹ vịdị chẹrẹ ẹ tụ́ ini Iwe Ohomorihi nị.

1 Anịkọrịntị 6:14

Ohomorihi ọ raà ha Ananyị yị kwẹẹtẹ hụụnị isu, avọọ ọ mẹ rẹ vaa sị ụkata anịị ha ẹyịị kwẹẹtẹ hụụnị isu nị.

2 Anịkọrịntị 4:14

Yâ yẹ ka Ohomorihi ana ha Ananyị yị Ijeesu hụụnị isu, rẹ vaa ha ẹyịị hụụnị isu beri Ijeesu. Dị ọ sị ẹyịrị ẹwụ nịnị na tụ́ ọvịdị anị.

Anigaratiya 1:1

Ẹmị Ịpọọrụ ana vị odeyi Ijeesu Ikirisiti ọ chẹrẹ iwe ọnọnị nị. Ẹ yị vị ọza ọ hị́ mị, ẹ yị rẹ vị aza ẹ nyị mị ka ma vị odeyi. Ama Ijeesu Ikirisiti ọ nyị mị nị, ọnịrị Ohomorihi Ada ayị, ana ha Ijeesu hụụnị isu.

Anẹhwẹsọsị 1:20

Ụkata ọbanyị ana aa sịị mẹ̀ ụkọrọ ịnị ẹngụ ayị ọnịrị ụkata ọbanyị ọnị ọ sị há Ikirisiti hụụnị isu vị ọnyọọnya. Ụkata ọnọọ ọ rẹ sị sị Ikirisiti na yaayịtẹ éyi ụvọrị anị ẹ́bẹẹba nị.

Anikorasi 2:12

A mẹ mẹ̀ ọyịhwọzenyi yị wụ nịnị, vị ọ sị mẹẹ ka vị e ne wu nịnị beri Ikirisiti nị; dị ụ rẹ ha kwẹẹtẹ hụụnị isu beri ọọ nịnị nị, agụvị ka wáa sị ayị tụra ụkata Ohomorihi ana ha Ijeesu hụụnị isu.

1 Anịtẹsaronika 1:10

Dị ụ rẹ jẹẹ ee zí Ozi Ohomorihi nịnị ka ọ̀ và hụrị ẹbẹẹba vẹ nị. Ozi anị ọnọọ ọ ha hụụnị isu nị. Ọnị ọ vị Ijeesu ana dọ yị há hụụnị ọyịkụ Ohomorihi ana aa vẹ nị.

Anihiburu 13:20

Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.

Anihiburu 2:14

Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị.

1Ipita 1:21

Ọnị ọ mẹ ka wa sị ayị tụra Ohomorihi nịnị nị, ana ha Ijeesu Ikirisiti kwẹẹtẹ hụụnị isu, dị ọ rẹ sị ụbanyị yọ nị. Agụvị avaba ịsa ẹnẹnị ẹ́dọwụ awụ nịnị ọnịrị ọyịtureyi awụ nịnị vị ana yà ịdị Ohomorihi.

Ẹtore 1:18

Ọza ana yára mị vị nị. Mê vịdị sú, ama re, booro aanị mị kụkụ yára pooro zịna-zịna nị. Ẹma nyị ọda isu ọnịrị ini eku nị.