Odeyi 2:22 - IWE ỌNỊNỊ

²² Ẹwụ nịnị Anisirẹrị, sị ụtọ pe ịrẹyị ọnọnị nịnị! Ohomorihi ộ sị ụvọ tụ́ ọọ yị Ijeesu Anịnazarẹtị, ka ọ̀ọ mẹ̀ ụkọrọ ohyozirenu, dị ọ̀ọ sị apọtẹrẹwaa zụ̀ wụ nịnị. Ẹwụ nịnị ụvọta ộ yẹ ọsọnị, agụvị ka ịdị awụ nịnị ịzẹnị gẹdẹ-gẹdẹ ọ yà mẹ̀ ẹ nị.

Odeyi 2:22 ပူးပေါင်းရင်းမြစ်များ

Ayịsaya 41:14

Ẹnẹyịmavara kà; Isirẹrị ọ̀ọ daka weyi, dị ọ vị ọkụmị nị, asị ọ hụrẹ ayịnẹ ka ọnị vaa gụ ọ ụvọ. Ọnị ana vị Ohomorihi ọnịnị Isirẹrị ọ vaa dọ ọ ha nị.

Imatiwu 12:28

Ama àa vị Ụhwẹ Ọnịnị Ohomorihi, m maa sịị dụ ụhwẹ echuu jịnẹ nị, ọnọọ ộ sị zụ̀ ka ịjọva Ohomorihi ọ sị gụrị ẹwụ nịnị.

Imatiwu 2:23

Dị ọ na yà ịnị ẹkụra ọnya ana aā hị́ Ịnazarẹtị nị, agụvị ịsa ọnị ọnịsẹ kà, ọ̀ rẹ zụ sẹ ka, “Anịnazarẹtị á vaa hị́ ọ nị.”

Imatiwu 9:8

Ịjị ọkọnị aza ẹnẹẹ re e, ô hí wa irenu, dị ẹyaa sị ụgaa yị Ohomorihi ana maanị sị ụkata yị aza nị.

Iruuku 11:20

Ama àa vị ụkata Ohomorihi m maa sịị dụ ụhwẹ echuu jịnẹ nị, ọnọọ ộ sị zụ̀ ka ịjọva Ohomorihi ọ sị gụrị ẹwụ nịnị.

Iruuku 18:37

Dị ẹ kà a yọ ka Ijeesu Anịnazarẹtị aa parahu nị.

Iruuku 24:18

Dị ọza ịnyara ẹnịnị ana aā hị́ Ikiriyopasị ka, “Ho! Ọzọga ụ wáá vị tụ́ ịnị ẹkụra Ijerusarẹmị nị? Wẹ yị yẹ ịsị ẹ mẹ ịzọọ hụrẹ ịhyọọọ?”

Ịjọọnụ 1:45

Ihwiripi oni o re re ọza ịnya aanị ana aā hị́ Inatanẹrị. Dị Ihwiripi kà a yọ ka, “Ọza oni Imosiisi chẹrẹ ịrẹyị anị tụ́ ini iwe ọda, dị ọnịsẹ nịnị ẹnị rẹ chẹrẹ ịrẹyị anị, ye si o re. Ọnị ọ vị Ijeesu Anịnazarẹtị, ana vị ozi Ijosẹẹhụ nị.”

Ịjọọnụ 10:37

Mẹ̀ yị mẹ̀ ụkọrọ ana Ada amị ka ma mẹ, asị ụ dọ mị wụ́ nịnị!

Ịjọọnụ 11:47

Dị ohirẹsụ ẹbanyị irehi Ohomorihi ọnịrị Anihwarisi nịnị kụ́ gụ, dị ẹ ka, “Sị a vọrọ ka ya mẹ? Ọnọrụ ọnọnị aa mẹ̀ ụkọrọ apọtẹrẹwa ọrụrụ-ọrụrụ aanị nị.

Ịjọọnụ 12:17

Aza ana yà pe Ijeesu, ọ mẹ̀ hị́ Ịrasarụsị jịnẹ hụụnị ikuta dị ọ ha a hụụnị isu, ệ kà a zụ̀ aza ana vọ.

Ịjọọnụ 15:24

Ụkọrọ ẹbanyị-ẹbanyị ọnị mị mẹ ịnị akakana ẹnịnị, ẹ̀ yị nyị ọza ana vavọọ mẹẹ da; mẹ̀ yị yaanị mẹ ẹngụ ụkọrọ ẹnẹẹ, ẹ yị yaanị rị ịvị. Ama ẹ sị ụkọrọ ẹnẹẹ re, ẹ nyị nyị ịhyẹrẹ amị ọnịrị Ada amị bẹẹ.

Ịjọọnụ 19:19

Ipayireti chẹrẹ ịsa ọnya, dị ọ vàa kú apavahị Ijeesu nị. Ịsa ọnọọ chẹrẹ yị: “Ijeesu Anịnazarẹtị, Ohinọyị Aniju.”

Ịjọọnụ 3:2

Ịrahụ ẹkụhị ọnya dị ọ vẹ ịdị Ijeesu nị. Dị ọ va kà a yị Ijeesu ka, “Ọga, yâ yẹ ka ọzwọzịsa oni Ohomorihi tụ́ vẹ ẹhẹ ọnọnị ụ vị nị. Ẹ yị nyị ọza ịnya ana zụ mẹ ẹngụ apọtẹrẹwa ọnị ụ waa mẹ aanị, ẹ̀ yị vị ka vị Ohomorihi yà beri ọ nị.”

Ịjọọnụ 4:48

Dị Ijeesu kà a yọ ka, “Ẹ̀ yị vị u re apọtẹrẹwa ọnịrị ụkọrọ ohyozirenu nịnị, wẹ mā dọ wụ́ nịnị.”

Ịjọọnụ 5:36

 hyakụ nyị ivenu ọsa ini oze amị ene huna ivenu Ịjọọnụ ẹtẹẹtẹrẹ. Ụkọrọ ẹbanyị ana Ada amị sị mị ka ma mẹ, ọnị mị raa mẹ, ệ sị zụ̀ ka Ada amị ọ tụ́ mị vẹ ẹhẹ nị.

Ịjọọnụ 6:14

Ịjị aza ẹnẹẹ re ụkọrọ apọtẹrẹwa oni Ijeesu mẹ, dị ẹ ka, “Ịzẹyịza, ọza ọnọnị ọ vị Ọnịsẹ ọnọọ ana a vịdị kà a ka ọ vaa vẹ ẹhẹ nị.”

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”

Ịjọọnụ 7:31

Ama aza ọrụrụ-ọrụrụ ịnị ọkọnị aza ẹnẹẹ ệ sị ayị tụra a, dị ẹ ka, “Áá nyị Ikirisiti ana kụkụ vaa vẹ, ana ahịka ọ kụkụ vaa mẹ̀ ụkọrọ apọtẹrẹwa ene huna ana ọza ọnọnị aa mẹ aanị?”

Ịjọọnụ 9:33

Ẹ̀ yị vị ọza Ohomorihi ọ́nọrụ ọnọọ vị, ẹ yị nyị ịsị ọ yaanị zụ mẹ.”

Odeyi 13:16

Dị Ịpọọrụ kwẹẹtẹ, di o mi wa ụvọ nị, dị ọ ka, “Ẹwụ nịnị Anisirẹrị ọnịrị aza ana vọ ene hí angwa Ohomorihi, sị ụtọ pe ịrẹyị amị nịnị!

Odeyi 14:27

Ẹ mẹ̀ sị ngụ Antịyọkị, dị ẹ kụ́ anịragụ Ohomorihi gụ, dị ẹ kà a yị wa avaba ịsị Ohomorihi beri wa nị.

Odeyi 2:19

Ọnị vaa mẹ̀ ụkọrọ ohyozirenu ini eguhi ẹbẹẹba, dị ọnị rẹ sị apọtẹrẹwa zụ̀ ini eteesu: A vaa nyị anya ọnịrị ịra beri areyi ọbanyị.

Odeyi 2:43

Apositeri nịnị ệ mẹ̀ ụkọrọ ohyozirenu ọnịrị apọtẹrẹwa irenyi-irenyi ana mẹ ka angwa o hí avaba aza.

Odeyi 21:28

Di e nowu ka, “Ẹwụ nịnị Anisirẹrị, gụ yị ụvọ! Ọnọrụ ana aa ngụ ọọ zị yị, dị aa kà ịrẹyị odivi Anisirẹrị ọnịrị ọda Imosiisi beri irehi ọnịnị ọnọnịị yị avaba aza nị. Wee re, ọ mẹ̀ hyakụ kụ́ Anigiriki vẹ ịzẹnị ka è ve du irehi Ohomorihi ẹngụ!”

Odeyi 22:8

Di mi tụ́ ohi ka: ‘Ẹwụ, ẹnẹ ọ vị kẹ, Ananyị yị?’ Dị ọ ka: ‘Ẹma vị Ijeesu Anịnazarẹtị ọnị ụ waa sị ụyaa rị nị.’

Odeyi 24:5

Ya sị yẹ ka enezigi ọ́nọrụ odivi ọnọnị vị nị. Aa mẹ ka avaba Aniju nịnị avaba ẹhẹ ệ mẹ ẹvazi. Ọnị ọ vị ọdọvịdị ogu Anịnazarẹtị nịnị nị.

Odeyi 26:26

Ohinọyị ộ yẹ avaba ịsa ẹnẹnị, agụvị avọọ ma zụ sị ọtụtụrụma kà a yọ. Mâ yẹ kaakara ka ẹ yị nyị ana tẹẹ yọ ịnị anị; agụvị ka ẹ yị nyị enee were mẹ ịnị avaba anị.

Odeyi 26:9

Eme re vịdị roo ka àa nyị ịsị mị zụ mẹ, di me du ịrẹha Ijeesu Anịnazarẹtị ọnọọ ka maa mẹẹ.

Odeyi 3:12

Ípita mè re wa, di o nyima aa kà a yị wa ka, “Ẹwụ nịnị Anisirẹrị, sị ẹ vẹ dị ọ maanị ee hí wu eyi nịnị? Sị ẹ vẹ dị ụ maanị ee re yi nịnị? U wéé ro ka ụkata ayị, à vị ka yâ da nị chẹngụ, ị sị mẹ ka ọnọrụ ọnọnị ọ̀ọ zị ụsẹ nị?

Odeyi 3:6

Dị Ipita ka, “Mẹ yị nyị ẹkẹhị vụrụ-vụrụ, ama ịsị mị nyị, m maa sịị yị wụ aanị nị: Ịnị ịrẹha Ijeesu Ikirisiti Anịnazarẹtị, kwẹẹtẹ, waa zị ụsẹ!”

Odeyi 4:10

 vọrọ ka avaba awụ nịnị ọnịrị avaba Anisirẹrị ọ̀ yẹ ka ọnọrụ ọnọnị ộ jẹẹ ịzẹnị booro aanị, ẹngụ anị ộ ta saka-saka ini oze ụkata Ijeesu Ikirisiti Anịnazarẹtị, ọnị ụ kanyị za ọchị apavahị nịnị, dị Ohomorihi ha a hụụnị isu.

Odeyi 5:35

Dị ọ kà a yị anikootu ka, “Ẹwụ nịnị Anisirẹrị, sị eyi pe ẹngụ awụ nịnị ini ịsị u wee sì ka wa mẹ aza ẹnẹnị nịnị aanị o!

Odeyi 6:14

Yâ wụ́ ka ộ kà a ka Ijeesu Anịnazarẹtị ọnọnị vee wú irehi Ohomorihi ọnọnị, dị ọ rẹ vara ịsa ohiku oni Imosiisi si chire yi ụvọ.”

2 Anịkọrịntị 12:12

Ịsa ana sị zụ̀ ka ezirẹma Ijeesu obooro mị vị nị vị ọnị maa sị isuuru mẹ ịnị akakana awụ nịnị: ụkọrọ ohyozirenu ọnịrị apọtẹrẹwa irenyi-irenyi ệ mẹ.

Anihiburu 2:4

Ohomorihi ọnị ọ rẹ dọ ivenu tụ́ ọọ ini oze ụkọrọ apọtẹrẹwa ọnịrị ohyozirenu irenyi-irenyi ana aa mẹ; ọ rẹ mẹ ka Ụhwẹ Ọnịnị anị ọ̀ sị ụkata irenyi-irenyi yị ọzọza anka o mè sì ọọ.