Odeyi 19:29 - IWE ỌNỊNỊ

²⁹ Avaba ẹkụra ọnọọ ọ sị vazi. Dị aza ẹnẹẹ za Ịgayọsị ọnịrị Arisitakọsị, Animasedoniya ana aa dụ Ịpọọrụụ zị, di e tura wa di e dudu aa nọ ini orere ịzị a yàā mẹ aahẹ nị.

Odeyi 19:29 ပူးပေါင်းရင်းမြစ်များ

Odeyi 13:5

E mè tù ẹkụra ana aā hị́ Isaramisi, dị ẹ nọ ini irehi Ohomorihi Aniju nịnị, dị ẹ na kà enube ọyịza yị wa nị. Ệ sị Ịjọọnụ za ka ọ̀ọ mẹ ọgụvọọ yị ẹnị ịnị ụkọrọ ọnọọ.

Odeyi 16:12

Dị ị hụụ ịzọọ, dị ị nọ ẹkụra Ihwiripi nị. Ihwiripi ọ vị ẹkụra ịpaapa ịnị ẹtẹ Imasedoniya nị. Aniroomi ọ raa mẹ ịjọvaa tụra a nị. Yâ yà ịnị ẹkụra ọnọọ mẹ ẹkụhị chee.

Odeyi 16:9

Ịrahụ ịhị ọnọọ, Ịpọọrụ ô re ẹtẹ. Ô re ka â nyị ọnọrụ Animasedoniya ana jẹẹ dị aa dá ịpẹẹ yị ọnị ka, ọnị ọ̀ vẹ Imasedoniya, dị ọnị ọ̀ va gụ ẹnị ụvọ.

Odeyi 17:8

Ayị aza ẹnẹẹ ọnịrị ọdọvịdị ẹnịnị ẹ kụ́ vazi, ẹ mẹ̀ maanị wụ́ ịrẹyị ọnọnị.

Odeyi 19:21

Ịrẹma ịsa ẹnẹnị, dị Ịpọọrụ ro o tụ́ ịnị ayị anị ka, ọnị ọ̀ọ raà zị oze Imasedoniya ọnịrị Akaya na para hu, ọnị raa nọ Ijerusarẹmị nị. Dị ọ ka, “Màa raà nọ ịzọọ, â nyị ka ma rẹ nọ Iroomi bẹẹ.”

Odeyi 19:22

Dị ọ tụ́ Itimoti ọnịrị Ẹrasịtụsị, aza ẹnị ẹẹva ịnị aza ene ee pee mẹ̀ ụkọrọ, nọ Imasedoniya nị. Dị ọnị yị yà ẹtẹ Esiya kù chee nị.

Odeyi 19:32

Ịjọnọọ, avaba aza ẹ kụ́ vazi. Aza ẹnyị ee nowu ịrẹyị ẹnyị, ọsa eni ree nowu ọsa. Ọrụrụ-ọrụrụ aza ẹnyị ẹyị hyakụ yẹ ịsị ẹ vẹ dị ẹnị vavọọ kụ́ gụ.

Odeyi 20:34

Ẹwụ nịnị ụvọta ộ yẹ ka ụvọta amị ọnọnị mị sị mẹ̀ ụkọrọ anaa vọrọ ka ẹmịrị aza ana yà pe mi, ẹ̀ẹ rị nị.

Odeyi 20:4

Isopata ozi Ipiirusi ana vị Anibereya beri Arisitakọsị ọnịrị Ịtayịkịkọsị ọnịrị Itirohwimọsị ana hụrẹ ẹkụra Esiya vẹ, ẹ rẹ saasaa bẹẹ.

Odeyi 21:30

Avaba ẹkụra ọnọọ ọ sị vazi, dị avaba aza ee zwee va gụ nị. Dị ẹ za Ịpọọrụ, di e turaa jịnẹ hụụnị irehi Ohomorihi, dị ẹ wụsẹ gu oze irehi Ohomorihi nị.

Odeyi 21:38

Ọnọọ vị ka ayị vị ẹwa vị Anijipiti ọnọọ ana kụ́ ẹvazi ngụ ịnị ẹkụra ịnị ụmẹ ọnya? Ọnọrụ ọnọọ ộ kụ́ ọwọza ẹnị akawụ-akawụ oze ẹẹva (4,000), dị ẹ na ngụ ịnị ụnọmị nị.”

Odeyi 27:2

Yâ ngụ ẹpa ana hụrẹ Adiramitumi vẹ. Ẹpa ọnọọ vị ana aa nọ ụtọ oku ẹtẹ Esiya. Di i si hu aa na nị. Â nyị Animasedoniya ọnya aanị ana hụrẹ Ịtẹsaronika vẹ ẹnẹ ẹyịrịị zị. Ịrẹha anị ọ rị Arisitakọsị nị.

Aniroomi 16:23

Ịgayọsị adarehi amị ọnị ịragụ Ohomorihi ịzẹnị aa kụ́ụ gụ ị́da anị ka ẹnị kụ́ wụ nịnị. Ẹrasịtụsị anaā sịị ẹkẹhị ẹkụraa tẹ ka ọnị kụ́ wụ nịnị. Ikuaritu ọhụva ayị ka ọnị rẹ kụ́ wụ nịnị.

1 Anịkọrịntị 1:14

Máa kụ́ Ohomorihi avọ ka mẹyị mẹ̀ ọyịhwọzenyi yị ọzọnyị-ọzọnyị awụ nịnị, àyị hụhụ vị Ikirisiti ọnịrị Ịgayọsị kẹnẹ.

1 Anịkọrịntị 4:9

Vị ọ sị mẹẹ ini eyi amị ka ẹyị odeyi, Óhomorihi sị tụ́ udi oweyi hu keekere ịnị avaba aza nị. Vị ị sị mẹẹ anka aza ana a sị ọkarẹyị isu mẹ yị avọọ nị. Yáa jẹẹ ịnị ịnọyị-ịnọyị ka avaba ịsa, àa vị anggẹẹrị nịnị, àa vị aza dị èe re yi.

2 Anịkọrịntị 8:19

Ẹ yị hyakụ vị ọnọọ kẹnẹ, anịragụ ẹ sị ọọ nyị, dị ẹ tụ́ ọọ ka ọ̀ọ saasa ayịị jịnẹ ini oze ụkọrọ ẹyịza ọyịmẹ̀ nị ọnị yaa mẹ nị. Yaa sịị sị ụbanyịị yị Ohomorihi, dị ya rẹ sị zụ̀ ka yee sì ka ya gụ aza ụvọ.

Anikorasi 4:10

Arisitakọsị ẹnẹ ẹmịrịị yà ịnị ẹngwa ịzẹnị ka ọnị kụ́ wụ nịnị. Ịmaakị, ozi ọyịnyara Ịbanabasị, ka ọnị rẹ kụ́ wụ nịnị. Màa vịdị sị ọ kà a wụ nịnị ini oze anị ka ọ̀ọ vẹ ịda awụ nịnị, we sì ọọ ọzọga nịnị.

Ihwirimọnị 1:24

Aza ẹnẹ ẹmịrịị dudu aa mẹ̀ ụkọrọ ana vọ: Ịmaakị, Arisitakọsị beri Ịdẹmasị ọnịrị Iruuku ka ẹnị rẹ kụ́ wụ.

3 Ịjọọnụ 1:1

Ẹmị ọzọkụ ịragụ Ohomorihi aa chẹrẹ iwe ọnọnịị túu hi ẹwụ Ịgayọsị ọnị mị sì ịrẹyị anị ẹtẹẹtẹrẹ nị.