Odeyi 19:27 - IWE ỌNỊNỊ

²⁷ Agụvị avọọ, ụkọrọ ayị ọnọnị ọ zụ rị ịrẹha odivi. À hyakụ va hụụnị ọnọọ, irehi ori ọnẹẹ ọbanyị Idiyana ayị ọnọnị vị ana kụkụ vaa vị ịrẹyị kẹnẹ-kẹnẹ. Dị a kụkụ aa sị eyii wụ ori ayị ịnyẹmba ana vịdị nyị ụbanyị, dị avaba Anesiya ọnịrị anẹhẹ aa hẹkẹ ẹ.”

Odeyi 19:27 ပူးပေါင်းရင်းမြစ်များ

Ayịsaya 44:17

Dị ọ sị ọchị ọnọọ ana vọ, dị ọ sị bẹ ori jẹẹ: Òo ku ẹtẹ yọ, dị aa hẹkẹ ẹ. Òo ne tù ọ, dị aa mẹ̀ aduwaa yọ, dị ọ ka, “Dọ mị tụ, ka ẹwa vị Ohomorihi amị nị”.

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.

Imatiwu 24:14

A vaa kà enube ọyịza ịjọva Ohomorihi ịnị avaba ẹhẹ, agụvị dị ọ̀ vị ivenu yị avaba anẹhẹ; ịjọnọọ ọgọnị, dị ẹzẹtẹ ẹhẹ vẹ.

Odeyi 19:10

Ịpọọrụ ộ vavọọ mẹ̀ ẹ mẹ ịrayị ẹẹva. Dị avaba aza ana ra ịnị ẹtẹ Esiya, Aniju ọnịrị Anigiriki, wụ́ ịrẹyị Ananyị yị nị.

Odeyi 19:21

Ịrẹma ịsa ẹnẹnị, dị Ịpọọrụ ro o tụ́ ịnị ayị anị ka, ọnị ọ̀ọ raà zị oze Imasedoniya ọnịrị Akaya na para hu, ọnị raa nọ Ijerusarẹmị nị. Dị ọ ka, “Màa raà nọ ịzọọ, â nyị ka ma rẹ nọ Iroomi bẹẹ.”

1 Itimoti 6:5

dị ẹyaa nyị ahankata pooro kẹnẹ. Ẹngụ aza ẹnẹẹ, eyi kuku zụ ro ịrẹyị ana vọrọ, ẹyị zụ kà ịzẹyịza. Ẹngụ aza ẹnẹẹ ee ro ka ahẹkẹ Ikirisiti vị oze ọnị ọza zụ hụra zị rị ọgụ.

1 Ịjọọnụ 5:19

Ẹyị áa yẹ ka ẹyị vị ezi Ohomorihi, avaba anẹhẹ ana vọ vị ana yà ịnị ụvọ Echu.

Ẹtore 13:3

Di mi re ịnị ịrẹsụ uye ọnọọ ka a mẹ̀ tụ̀ ọọ ụnava, ọ sị vọ chee à sị ọọ wụ nị. Ama ụnava odivi anị ọnọọ ọ́ọ ta. Ịrẹyị uye ịnị avị ọnọọ óo hí avaba anẹhẹ irenu, dị ẹyaa saasaa nị.

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.

Ẹtore 14:9

Dị anggẹẹrị ọhụta saasa wa, dị ọnị ree nowuu kà a ka, “Ọza ana àa hẹkẹ uye ịnị avị ọnọọ ọnịrị ori anị, dị ọ rẹ dọ apọtẹrẹwa tụ́ ini ibe anị, àa vị ịnị ụvọ anị nị,