Odeyi 19:21 - IWE ỌNỊNỊ

²¹ Ịrẹma ịsa ẹnẹnị, dị Ịpọọrụ ro o tụ́ ịnị ayị anị ka, ọnị ọ̀ọ raà zị oze Imasedoniya ọnịrị Akaya na para hu, ọnị raa nọ Ijerusarẹmị nị. Dị ọ ka, “Màa raà nọ ịzọọ, â nyị ka ma rẹ nọ Iroomi bẹẹ.”

Odeyi 19:21 ပူးပေါင်းရင်းမြစ်များ

Arụwẹ 3:37

Ẹnẹ nyẹngụ ka ịrẹyị dị ọ sị gẹ ẹ̀ẹ yị vị Ananyị yị sị ụvọ tụ ọ?

Odeyi 16:12

Dị ị hụụ ịzọọ, dị ị nọ ẹkụra Ihwiripi nị. Ihwiripi ọ vị ẹkụra ịpaapa ịnị ẹtẹ Imasedoniya nị. Aniroomi ọ raa mẹ ịjọvaa tụra a nị. Yâ yà ịnị ẹkụra ọnọọ mẹ ẹkụhị chee.

Odeyi 18:12

A mẹ̀ yị sị Igariyo rị ohinọyị ana jẹẹ yị Aniroomi ịnị ẹtẹ Akaya, dị Aniju nịnị wụsẹ kwẹẹtẹ, dị ẹ za Ịpọọrụ, dị ẹ sị ọọ nọ ikootu nị.

Odeyi 18:21

Ama ọ màa na, dị ọ kà a yị wa ka, “Ohomorihi òo sì, maa vaavẹ.” Dị ọ ngụ ẹpa hụrẹ Ẹhwẹsọsị aa na nị.

Odeyi 19:22

Dị ọ tụ́ Itimoti ọnịrị Ẹrasịtụsị, aza ẹnị ẹẹva ịnị aza ene ee pee mẹ̀ ụkọrọ, nọ Imasedoniya nị. Dị ọnị yị yà ẹtẹ Esiya kù chee nị.

Odeyi 19:29

Avaba ẹkụra ọnọọ ọ sị vazi. Dị aza ẹnẹẹ za Ịgayọsị ọnịrị Arisitakọsị, Animasedoniya ana aa dụ Ịpọọrụụ zị, di e tura wa di e dudu aa nọ ini orere ịzị a yàā mẹ aahẹ nị.

Odeyi 20:16

Ịpọọrụ ọ sị ọọ kà ka ọnị aa para Ẹhwẹsọsị hu kẹnẹ nị, agụvị di asị o du ụmẹ ha ịnị ẹtẹ Esiya. Aa há eyi, ee sì ka ịsavọọ ọnị ọ̀ zụ yà Ijerusarẹmị ịnị ẹkụhị eche Ịpẹntịkọsị.

Odeyi 20:22

Booro aanị maa nọ Ijerusarẹmị, agụvị ka Ụhwẹ Ọnịnị ka â nyị ka ma na. Ama mẹyị yẹ ịsị ẹ vaa mẹ mị ịzọọ.

Odeyi 21:17

Ị mẹ̀ va sị ngụ Ijerusarẹmị, ọdọwụ ene hi ịzọọ ê sì yi ọzọga ẹtẹẹtẹrẹ.

Odeyi 21:4

Yê re ezirẹma ẹnyị ịzọọ, dị ị yà ịzọọ pe wa mẹ ẹkụhị ịhịmba nị. Ụhwẹ Ọnịnị ộ mẹ̀ ka ẹ̀ kà a yị Ịpọọrụ ka asị ọ nọ Ijerusarẹmị.

Odeyi 23:11

Ịrahụ ịhị ọnọọ, dị Ananyị yị va jẹẹ pe Ịpọọrụ, dị ọ ka, “Ngwara eyi hi! Ụ mẹ̀ kà ịrẹyị amị Íjerusarẹmị aanị, â nyị ka wa rẹ dọ ivenu amị Íroomi.”

Odeyi 27:1

A mẹ̀ sị ọọ kà ka ya ngụ ẹpa, dị ya nọ Itari, â sị Ịpọọrụ ọnịrị anịnẹngwa ẹnyị chire ọga isoja nịnị ẹchẹhị ana aā hị́ Ijuriyọsị ụvọ. Ijuriyọsị vị ọnya ini isoja nịnị Ọgọsịtọsị.

Odeyi 27:24

dị ọ ka, “Ịpọọrụ, asị u hí angwa! Ẹ yị zụ nyị ka we yi tù ọvịdị ohinọyị Aniroomi. Ohomorihi vaa hụ agụvị awụụ dọ avaba aza ẹnẹ ẹwụrịị ngụ ẹpaa há.

Odeyi 28:16

I mè tù Iroomi, â zẹẹ ka Ịpọọrụ ọ̀ yà aha anị. Dị a ka isoja ọnya ọ̀ sị eyi pe e nị.

Aniroomi 1:11

Ayị amị ộ sị ọọ ẹtẹẹtẹrẹ ka me ve hee wu nịnị, dị ma zụ sị ẹyịza ọnị Ụhwẹ Ohomorihi sị yị mị yị wụ nịnị, dị ụ wa zụ nyị ụkata nịnị.

Aniroomi 1:13

Ẹwụ nịnị ẹyịnyara amị, mee sì ka wa yẹ nịnị ka ụpọsa-ụpọsa mi sii sì ka me ve hee wu nịnị nị, ama dị ịsa ọsa rẹ sị mị dọ oro. Mee sì ka ụkọrọ amị ọ nyị ọgụ ịdị awụ nịnị, anka ọ mẹ̀ rẹ nyị ọgụ ịdị anẹhẹ ana vọ.

Aniroomi 1:15

Agụvị avọọ ma sị ẹngụ tenyi, di me re ka ma rẹ kà enube ọyịza yị ẹwụ nịnị ene re hi Iroomi bẹẹ.

1 Anịkọrịntị 16:5

Màa zị oze Imasedoniya aa parahu, mị vaa há ịdị awụ nịnị, agụvị ka oze Imasedoniya mị vaa zị nị.

1 Anịkọrịntị 4:19

Ama Ohomorihi òo sì, oyi vee kù dị ma vẹ ịda awụ nịnị. Ịhị màa vẹ, mi vee re ịsị aza ana aa sị ẹngụụ tụ́ ẹba avọọ zụ mẹ, ayị vị ịrẹyị ẹnẹ ẹyaa kà kẹnẹ mị vaa wụ́.

2 Anịkọrịntị 10:16

Dị ya zụ kà enube ọyịza ịnị ẹkụra ana yà akẹnẹ awụ nịnị. Ẹ yị nyị ka ya sị ụkọrọ ọnị ọza ẹnẹsa sị mẹ, di ye sii wo oto.

Anigaratiya 2:1

Ịrẹma ịrayị ẹwụrẹna para hu, ẹmịrị Ịbanabasị ọ́ọ varẹma nọ Ijerusarẹmị, dị mị rẹ sị Ịtayịtọsị za nị.

1 Anịtẹsaronika 1:7

Agụvị avọọ avaba Anịragụ ene hi Imasedoniya ọnịrị Akaya ana vị ọdọwụ vị ana aa hama wụ nịnị.