Odeyi 19:19 - IWE ỌNỊNỊ

¹⁹ Ọrụrụ-ọrụrụ ẹnịnị ana vịdị aa mẹ ẹbẹ, ệ kụ́ iwe ẹnịnị hi ẹhẹ, dị ẹ rị ọọ ịra éyi avaba aza nị. A mè ro ẹkẹhị iwe ẹnẹẹ, avaba anị vị achuchu akavarẹchẹhị.

Odeyi 19:19 ပူးပေါင်းရင်းမြစ်များ

Oyinyima 35:4

Ịzẹyịza dị ẹ kụ́ avaba ori ana yarị wa yị Ijekọvụ nị. Dị ẹ rẹ kụ́ ịsụtọ ẹnịnị ana vị ahọ̀nọ yọ nị. Di Ijekọvụ kụ́ wa chire ẹtẹ iruvo ọchị ana aā hi Era ana gụrị Ịsẹkẹmị nị.

1 Ịtọpa 10:13

Ịsọọrụ ẹ́ yị sị ịzẹyịza saasa Ẹnẹyịmavara ọ vị isu ịrẹsụ anị nị. Ẹ yị saasa ọda ọnị Ẹnẹyịmavara mẹ yọ; dị ahịka oku ene su ée nee họ̀ ka ọ̀ zụ̀ ọnị oze nị.

2 Ịtọpa 33:6

Ezi anọrụ anị vị ọnị ộ rị ịra mẹ̀ ịsọvọ ịnozi Ihinọmị. Ộ ha ẹva, ô re ẹtẹ, ộ mẹ̀ avọkumeyi, ô pe arịjẹnụ ka ịrẹyị. Ộ nyayịnẹ mẹ̀ ebira odivi ana kụ́ Ẹnẹyịmavara ayị ẹtẹẹtẹrẹ nị.

Ọyịkụra 32:20

Dị ọ sị imaaru ẹnị ẹ mẹ dị ọ rị ọ ịra, dị kwọ̀ ọ nẹrẹ-nẹrẹ nị. Dị ọ sị ọ dị ọ và a hi ini enyi, dị ọ ka avaba Anisirẹrị e hú ọ nị.

Ọyịkụra 7:11

Di Ihwarawo hị́ aza anị ana yẹ ịsa beri ọpọchị ọnịrị ọnịvọpa ene hi Ijipiti gụ nị. Dị ẹnị rẹ sị ịvọpa ẹnịnị mẹ̀ ịsa oni Imosiisi ọnịrị Eerọnị mẹ nị.

Ọyịkụra 7:22

Dị ọnịvọpa ene hi Ijipiti ẹnị rẹ vavọọ mẹ ịvọpa nị. Ayị Ihwarawo ọ sị sị kà geri-geri. Anka Ẹnẹyịmavara mẹ̀ vịdị kà a, Ihwarawo ọ yị zẹẹ ka ọnị ọ̀ dọ ịrẹyị Imosiisi ọnịrị Eerọnị tụ́ ịzọọ.

Ayịsaya 30:22

Ịjọnọọ ụ vaa kụ́ ori ụ bẹ dị u kụ́ ẹkẹhị ọnịrị igooru kú ọ, dị ụ kụ́ wa aa và ha anka ụsẹ ana aa nyị ọza ịhyẹrẹ avọọ. Dị ụ ka, “Nyaanyị, mẹ yị kụkụ nyị!”

Ayịsaya 8:19

Aza vaa kà a wụ ka wa nọ ịdị ọvavo ọnịrị ọpọchị nịnị ana aa kụ́ nyẹ̀ngụ̀-nyẹ̀ngụ̀ dị wa na zama ẹtẹ. Dị ẹ ka â vọrọ ka ọza ọ̀ daba na zama ẹtẹ ịda ori nịnị. Ama yẹ nịnị, o ka ịda Ohomorihi kẹnẹ a vọrọ ka ọza ò nee si oze ịrẹyị nị. Ụ mẹmẹ nyẹngụ hụ agụvị aza ana yà ẹẹhẹ dị waa naa zama ẹtẹ ịda aneku?

Ịdanịyẹrị 2:2

Obooboro ọnọọ dị ọ tụ́ hị́ avaba ẹnị ọmahọnọ anị, aza eneē ré ẹtẹẹ yọ, Anajuwe anị nịnị ẹnịrị ọpọchị anị nịnị ka, ẹ̀ va kà a yị ọnị ụra ọnị ọnị ra nị. Ịzẹyịza dị ẹnịnị ve tu ọ nị.

Ireevi 13:52

Ohirẹsụ irehi Ohomorihi vaa rị achị ana sị òwù hí ịra, agụvị ka uru anaa gara zịịzị ọ chị́ hi ịnị anị nị. Vị́ a vọrọ ka à rị ọ ịra nị.

Iruuku 14:33

Dị Ijeesu ka, “Avọọ gẹdẹ-gẹdẹ ọ mẹ̀ rẹ yà nị; ọza tụra ọza ịnị ẹngụ awụ nịnị ene è yi yi avaba ịsa ọnị ọ nyị tịtẹ, ọ yị zụ vị ozirẹma amị.”

Iruuku 15:8

“À rẹ kà a ka â nyị ọnẹẹ ọnya ana nyị ẹkẹhị isiriva ẹẹwụ, di o vú ọnya ịnị anị nị. Wéé ro ka ẹ yị vee hú ozotupa, di o hì irehi anị, dị ọ tangwa ee sì ọọ avaba aha pooro di ò re e?

Odeyi 13:6

Ệ ngụ ẹkụra ọnọọ ene enyi kara, dị ẹ na pooro di e ne tù ịzị aā hị́ Ịpahwọsị nị. E ne tù ọnịvọpa ọnya ịzọọ ana aā hị́ Ozi Ijeesu. Aniju ọ́za ọnọọ vị nị; dị ọ vị ọnịsẹ ireche nị.

Odeyi 13:8

Ịrẹha ọnịsẹ ireche ọnọọ ọ rị Erimasi ịnị ẹkụra Anigiriki nị; iruvo ịrẹha anị vị ọnịvọpa. Erimasi ọ yị zẹẹ Ịbanabasị ọnịrị Ịsọọrụ; ee sì ka ọnị ọ̀ vara ọnọba ọnọọ ayị ka asị ọ dọ Ohomorihi wụ́.

Odeyi 19:18

Aza ọrụrụ-ọrụrụ ana sị dọ wụ́, ệ vẹ, dị ẹ va dọ irenu, dị ẹyaa sịị zụ̀ ịsa ẹnẹ ẹ vịdị mẹ nị.

Anihiburu 10:34

Wê pe anịnẹngwa rị ụya nịnị. Wáa sị inohine dọ ka aza ẹ̀ dọ wụ ogu awụ nịnị, agụvị ka wáa yẹ nịnị ka wáa nyị ogu ene zoza hu avọọ tụ́ ẹbẹẹba nịnị ene è yi mē du.