Odeyi 19:18 - IWE ỌNỊNỊ

¹⁸ Aza ọrụrụ-ọrụrụ ana sị dọ wụ́, ệ vẹ, dị ẹ va dọ irenu, dị ẹyaa sịị zụ̀ ịsa ẹnẹ ẹ vịdị mẹ nị.

Odeyi 19:18 ပူးပေါင်းရင်းမြစ်များ

Ahẹ Ụgama 32:5

Di mi ve nyima dị maa kụ́ irenu amị nị ka mâ rị ịvị mẹ yị kụkụ dà ịvị amị ọnyọọnyị tẹ Ẹnẹyịmavara, mị ka maa dọ irenuu wụ ka mâ rị ịvị M mẹ̀ vavọọ dọ irenu, dị ụ vagu mị ịnị ịvị ọnị mị rị nị.

Ụhịrẹyị 28:13

Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị.

Ijeremaya 3:13

Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ezikẹẹrị 16:63

Ẹnẹyịmavara kà, ọnị vaa vagu avaba ebira odivi ọnị ụ mẹ yị wụ, ama ụ vaa tamayị ẹnịnị dị ụhị nyị wụ pooro ne tu ka wẹ́ yị va zụ ha irenuu kà ịrẹyị.

Ezikẹẹrị 36:31

Ụ vaa tamayị avaba ẹhẹ odivi ọnị ụ vịdị rá nịnị, ọnịrị ebira ene è yị zoza ọnị ụ vịdị mẹ nịnị. Ịrẹyị ẹngụ awụ nịnị vee du wu nịnị eyi agụvị ebira odivi awụ nịnị.

Ireevi 16:21

Eerọnị vaa sị ụvọ anị ẹyịvaa tụra ẹvụ ọnọọ ịrẹsụ, dị ọ dọ irenu avaba ịsị edivi, ọnịrị ịvị ana Anisirẹrị nịnị mẹ̀ akamawụ ẹnịnịị kụ ọ ịrẹsụ, dị o chí ẹnya anị hi ẹvụ ọnọọ ịrẹsụ. Ọ̀ọ vavọọ sị ọ mẹ, dị ọ va dụ ẹvụ ọnọnị na ngụ ụnọmị. Á nyị ọza ana a nyị ka ọ̀ vavọọ dụ ẹvụ ọnọọ nị.

Ireevi 26:40

Ọ kà ama ẹnịnị ẹ̀ẹ dọ irenu ịvị ẹnịrị ohiku ẹnịnị, ohiku ẹnịnị ana và eyirazị ka ọnị, dị ẹyaa mẹ ịsị ọnị ọnị è yi sì,

Imatiwu 3:6

Ệ dọ irenu ebira odivi ẹnịnị, dị ọ́ mẹ̀ ọyịhwọzenyi yị wa ịnị Okuha Ịjọdanị nị.

Odeyi 19:17

Avaba Aniju ọnịrị Anigiriki ana ra hi Ẹhwẹsọsị, ệ wụ́ ịrẹyị ọnọọ, dị angwa kuku ee hí wa ẹtẹẹtẹrẹ nị. Dị a sị ụbanyị yị ịrẹha Ijeesu Ananyị yị hu avọọ nị.

Odeyi 19:19

Ọrụrụ-ọrụrụ ẹnịnị ana vịdị aa mẹ ẹbẹ, ệ kụ́ iwe ẹnịnị hi ẹhẹ, dị ẹ rị ọọ ịra éyi avaba aza nị. A mè ro ẹkẹhị iwe ẹnẹẹ, avaba anị vị achuchu akavarẹchẹhị.

Aniroomi 10:10

Ọza ana àa sị ayị anị tụra Ohomorihi, dị Ohomorihi zaa ịrịka tụ́ ịnị ọnịrẹyịzẹyịza. Ọza ana àa sị irenu dọ ka ọnị ộ sị ayị tụra Ohomorihi, dị Ohomorihi dọ ọ há.

Ijemiisi 5:16

Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ.

1 Ịjọọnụ 1:9

Ama yàa dọ irenu ịvị ayị, Ọ vaa vagu yị ịnị ịvị ayị, dị ọ nyịna yị, dị ị nị hụụnị avaba ịsa odivi. Agụvị ka ọ́ọ nyị ịzẹyịza, a zụ sị ayị tụra a.