Odeyi 18:27 - IWE ỌNỊNỊ

²⁷ Ịjị Aporo ka oni ee sì ka ọnị ọ̀ nọ Akaya, dị ọdọwụ nịnị chẹrẹ iwe tụ́ hi ezirẹma ene hi ịzọọ ka ẹ̀ dọ ọ pe ẹngụ nị. Ịjị Aporo tù ịzọọ, ộ mẹ̀ ọgụvọ yị aza oni Ohomorihi mẹ ọyịza yị, dị ẹ dọ wụ́ nị.

Odeyi 18:27 ပူးပေါင်းရင်းမြစ်များ

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 11:26

O mè si oo re, dị ọ sị ọọ vẹ Antịyọkị nị. Ịnị ịrayị ọyịvụrụ ọnya, ẹnẹ ẹnịrị anịragụ Ohomorihi aa kụ́ gụ, dị ẹyaa zụ̀ aza ọrụrụ-ọrụrụ ịsa nị. Antịyọkị a vịdị yà hị́ ọdọwụ nịnị “Evere Ikirisiti” ịpaapa nị.

Odeyi 15:34

[Ama di Isira ka ọnị kụkụ aa yà ịzọọ da nị.]

Odeyi 18:12

A mẹ̀ yị sị Igariyo rị ohinọyị ana jẹẹ yị Aniroomi ịnị ẹtẹ Akaya, dị Aniju nịnị wụsẹ kwẹẹtẹ, dị ẹ za Ịpọọrụ, dị ẹ sị ọọ nọ ikootu nị.

Odeyi 18:18

Ịpọọrụ ộ yà Ịkọrịntị pe ọdọwụ nịnị kù. Dị ọ hụụ ịzọọ, dị ọnịrị Ipirisira beri Akwira ngụ ẹpa, ka ẹnị ẹ̀ nọ Isiriya nị. Dị ẹ va na, ô beri Ohomorihi zẹẹ ịzẹzẹ Íkenkire, dị ọ kụ́ ịrẹsụ anị nị.

Odeyi 19:1

Aporo ọnị mẹ̀ yà Ịkọrịntị, dị Ịpọọrụ zị oze ịnị akakana ẹkụra ọnọọ, dị ọ na ngụ Ẹhwẹsọsị nị. Di o ne tù ezirẹma ẹnyị ịzọọ nị.

Odeyi 9:27

Dị Ịbanabasị va sị ọọ ká odeyi nịnị na nị. Dị ọ kà a yị wa, Ị́sọọrụ meme re Ananyị yị óze, dị ọ kà ịrẹyịị yọ nị. Dị ọ rẹ kà a yị wa, Ị́sọọrụ mẹmẹ sị ọtụtụrụma kà ịrẹyị Ijeesu Ị́damasịkọsị nị.

Aniroomi 1:5

Ikirisiti ô nyị mi iyi ka ma vị ozirẹma anị, dị ma zụ sị oze zụ̀ avaba anẹhẹ ka ẹ̀ sị ayị tụra a, dị ẹ̀ rẹẹ wụ́ ịrẹyị chire Ohomorihi. Mi vavọọ aa mẹ agụvị ịrẹha anị.

1 Anịkọrịntị 15:10

Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.

1 Anịkọrịntị 16:3

Màa vẹ, dị mị chẹrẹ iwe yị aza ọnị ụ wàa nyị nịnị ka ẹ̀ sị ẹkẹhị oni u wèe re nịnị nọ Ijerusarẹmị.

1 Anịkọrịntị 3:6

Ẹmị ee chire ịsa, Aporo ọnị aa ká enyi hi ọọ, ama Ohomorihi aa mẹ ka ịsa ẹnẹẹ ẹ̀ẹ hụ nị.

2 Anịkọrịntị 1:24

Ye yi sì ka ya sị ụkata za wụ nịnị ka wa dọ ịsa ọnọnị wụ́ nịnị. Ama yee pe wu nịnịị mẹ̀ ụkọrọ ka ịnẹ awụ nịnị ò hine, agụvị ka wâ jẹẹ geri-geri ịnị ẹdọwụ awụ nịnị.

Anihwiripi 1:25

Máa yẹ ọnọnị ịnị ayị amị; agụvị avọọ, maa yịị yà ẹhẹ pe wu nịnị, dị ma zụ mẹ ka waa kà a tụ́ ọvịdị ịnị ẹdọwụ awụ nịnị, dị ụ wa rẹ nyị ịrajẹ ịnị anị nịnị.

Anihwiripi 1:29

Ohomorihi ộ sị oze wụ nịnị ka wa sị ayị tụra Ikirisiti nịnị. Ẹ yị vị ọnọọ kẹnẹ, ama ọ rẹ mẹ ka we re oze rị ụya nịnị agụvị anị nịnị.

Anikorasi 2:12

A mẹ mẹ̀ ọyịhwọzenyi yị wụ nịnị, vị ọ sị mẹẹ ka vị e ne wu nịnị beri Ikirisiti nị; dị ụ rẹ ha kwẹẹtẹ hụụnị isu beri ọọ nịnị nị, agụvị ka wáa sị ayị tụra ụkata Ohomorihi ana ha Ijeesu hụụnị isu.

Anikorasi 4:10

Arisitakọsị ẹnẹ ẹmịrịị yà ịnị ẹngwa ịzẹnị ka ọnị kụ́ wụ nịnị. Ịmaakị, ozi ọyịnyara Ịbanabasị, ka ọnị rẹ kụ́ wụ nịnị. Màa vịdị sị ọ kà a wụ nịnị ini oze anị ka ọ̀ọ vẹ ịda awụ nịnị, we sì ọọ ọzọga nịnị.