Odeyi 18:26 - IWE ỌNỊNỊ

²⁶ Di o nyima aa sị ọtụtụrụma kà ịrẹyị ini irehi Ohomorihi Aniju nị. Ípirisira ọnịrị Akwira mẹ̀ wụ́ ịrẹyị anị, dị ẹ sị ọọ nọ ini eehi, dị ẹ sị oze Ohomorihi zụ̀ ọọ ẹtẹẹrẹ huna avọọ nị.

Odeyi 18:26 ပူးပေါင်းရင်းမြစ်များ

Ụhịrẹyị 1:5

Ọza ana àa yẹ ịrẹyị ọ sị ụtọ pe ụhịrẹyị ẹnẹnị, dị ọ yẹ ịrẹyị hu avọọ. Ọza ọnị eyi anị hweyi vaa nyị eyohweyi hu avọọ,

Ụhịrẹyị 25:12

Ịrẹyị ọnị ọyẹrẹyị ka yị ọza ana nyị ụtọ sị mẹ anka àa sị ọmọ mẹ ọza ẹyịza.

Ụhịrẹyị 9:9

Wàa sị ịrẹyọyẹ zụ ọnịrẹyọyẹ, dị ọ yẹ ịrẹyị huna avọọ. Wàa zụ ọnịzẹyịza ịsa, dị ọ yẹ ịsa ọnọọ huna avọọ.

Ayịsaya 58:1

Ẹnẹyịmavara kà yị Ayịsaya ka, “Nowu tụ ẹba ọmẹzụ-ọmẹzụ, ọngwẹ awụ ọ̀ tụ ẹba anka ọpanyị aa sụ ịrẹyị avọọ. Kà a yị aza anị Anisirẹrị ịvị ẹnẹ ẹ yaa mẹ̀.

Ịmaakị 10:15

Ịzẹyịza, m maa kà a wụ nịnị nị, ọza tụra ọza ẹnẹ ẹ̀ yị dọ ịjọva Ohomorihi anka ózi oweyi mẹ̀ẹ̄ dọ, ọ yị zụ ngụ ịzọọ.”

Iruuku 19:26

Dị ọga ọnọọ ka: ‘Dị ma kà a wụ nịnị ka ọza ana àa nyị ịsa, á vaa sị ịsaa tụ́ ọọ yị nị. Ọza ẹnẹ ẹ̀ yị nyị ịsa, ọnị ọ̀ọ hyakụ nyị, vị ana aa dọ ọ.

Iruuku 24:27

Dị Ijeesu ve nyima aa kà a yị wa ịrẹyị ana a kà ini oze anị tụ́ Iwe Ohomorihi nị. Ô nyima hụụnị ịsa oni Imosiisi kà huuu va ngụ ịsa ọnị ọnịsẹ nịnị kà.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Odeyi 14:3

Ịpọọrụ nịnị ệ yị yà ịzọọ kù ẹtẹẹtẹrẹ. Dị ẹyaa sị ọtụtụrụma kà ịrẹyị Ananyị yị nị. Ananyị yị ộ mẹ̀ ka ẹ̀ zụ mẹ̀ ụkọrọ ohyozirenu ọnịrị apọtẹrẹwa ana sị zụ̀ ka ịrẹyị ayamva Ohomorihi ẹnẹ ẹyaa kà vị ịzẹyịza.

Odeyi 18:18

Ịpọọrụ ộ yà Ịkọrịntị pe ọdọwụ nịnị kù. Dị ọ hụụ ịzọọ, dị ọnịrị Ipirisira beri Akwira ngụ ẹpa, ka ẹnị ẹ̀ nọ Isiriya nị. Dị ẹ va na, ô beri Ohomorihi zẹẹ ịzẹzẹ Íkenkire, dị ọ kụ́ ịrẹsụ anị nị.

Odeyi 18:25

A raà sị ịrẹyị Ananyị yị zụ̀ ọnọrụ ọnọnị. Dị aa sị ịrajẹẹ kà ịrẹyị, dị aa sị ịrẹyị Ijeesuu zụ̀ aza ahụ-ahụ nị. Ama ọyịhwọzenyi ọnị Ịjọọnụ aa mẹẹ yị aza kẹnẹ ọ yẹ nị.

Odeyi 19:8

Ịpọọrụ ộ yà ịzọọ, ộ nọ ini irehi Ohomorihi Aniju nịnị mẹ ụhwẹ ẹẹta, dị aa sị ọtụtụrụma kà ịrẹyị, di ee sì ka ọnị ọ̀ mẹ wa ka ẹ̀ dọ ịrẹyị ịjọva Ohomorihi nị.

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Odeyi 8:31

Dị ọnọrụ ọnọọ ka, “M mẹmẹ zụ yẹ, ẹ̀ yị vị a sị iruvo anị zụ̀ mị.” Dị ọ ka Ihwiripi ọ̀ hịrẹ, dị ọnị rị ọ è dudu yaayịtẹ ịnị ịkẹkẹ ọnọọ nị.

1 Anịkọrịntị 12:21

Agụvị avọọ eyi ọ yị zụ kà a yị ụvọ ka ẹ yị nyị ịsị ọnị aa sị ọọ mẹ. Avọọ, ịrẹsụ ọnị ọyị rẹ zụ kà a yị ahụ ka ẹ yị nyị ịsị ọnị aa sị ọọ mẹ.

1 Anịkọrịntị 3:18

Asị a nyị ọza ene vene ẹngụ anị! Ọza ene èe ro ka ọnị ọ́ọ yẹ ịrẹyị ịnị ẹhẹ ọnọnị, ọ̀ vara ọnụra, agụvị dị ọ̀ zụ yẹ ịrẹyị booro!

1 Anịkọrịntị 8:2

Ọza ene èe ro ka ọnị ộ yẹ ịsa, ọnọọ ộ sị zụ ka ọọ̀ yị yẹ tù ịzị a vọrọ ka ọ̀ yẹ tù.

Anihiburu 6:1

Agụvị avọọ, à vẹ yaa kà a tụ́ ọvịdị ịnị ịsa ana a vọrọ ka aza ana vịra ẹ̀ẹ kọ! Asị i re kuku ne nyima dị yaa zụ̀ wụ nịnị ịsa ịpaapa ini oze ịrẹyị Ikirisiti! Asị ị rẹ varẹma nyima dị yaa kà a ka we ro ịnẹ varẹma hụụnị ụkọrọ anaā wụ̀ ọza, dị ụ wa sị ayị tụra Ohomorihi nịnị!

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.