Odeyi 18:18 - IWE ỌNỊNỊ

¹⁸ Ịpọọrụ ộ yà Ịkọrịntị pe ọdọwụ nịnị kù. Dị ọ hụụ ịzọọ, dị ọnịrị Ipirisira beri Akwira ngụ ẹpa, ka ẹnị ẹ̀ nọ Isiriya nị. Dị ẹ va na, ô beri Ohomorihi zẹẹ ịzẹzẹ Íkenkire, dị ọ kụ́ ịrẹsụ anị nị.

Odeyi 18:18 ပူးပေါင်းရင်းမြစ်များ

Ịrịka 6:18

Avaba ẹnẹnị ẹ ta mẹ, dị ẹnị ana aā nyị tụ irenyi aanị kụ́ ịrẹsụ ẹnịnị ọvịdị oze ajẹngụ Ohomorihi, dị a rị ẹyị ịra ịnị ịra ana aa ka hi ịsa ịsọvọ ẹngwọọrọ.

Ịrịka 6:2

ka ọ kà yị Anisirẹrị nịnị ka; Àa nyị ọnọrụ a vị ọnẹẹ ana ka ọnị a sị ẹngụ anị chire Ohomorihi ụvọ dị ọnị ọ vị ọtirenyi,

Imatiwu 4:24

Ịrẹyị anị ọ sị ngụ ịrẹyị na ngụ avaba ẹtẹ Isiriya. Dị ẹnịnị kụ́ avaba aza ọnị ụkụ irenyi-irenyi aa sị ụyaa rị ka a vẹ nị, ọnịrị aza ana nyị ụhwẹ echu, ọnịrị aza oni odumpapara aa za beri aza ene sú ẹngụ, dị ọ mẹ wa ụkụ nị.

Ịmaakị 6:46

Ịjị ọ sị ọọ kà yị wa ka ẹ̀ẹ na, dị ọ nọ ịnị ataba ọnya, dị ọ naa mẹ̀ aduwa nị.

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 15:23

Dị a chẹrẹ iwe ọnọnị, dị a sị tụ́ wa ụtụ nị: “Ẹyị odeyi beri azọkụ ịragụ Ohomorihi ọnịrị ọdọwụ ana vọ, yâ kụ́ wụ nịnị ẹtẹẹtẹrẹ, ẹwụ nịnị anda ayị ẹnẹ ẹ̀ yị vị Aniju ene hi Antịyọkị ọnịrị Isiriya ne beri Isirisiya!

Odeyi 15:41

Dị ọ zị oze Isiriya ọnịrị Isirisiya na para hu, dị ẹyaa tụ́ anịragụ Ohomorihi ẹnẹẹ ọtụtụrụma nị.

Odeyi 18:2

O ne tù Aniju ọnya ịzọọ, ana aā hị́ Akwira; ẹkụra Ịpọntụsị a yà ma a nị. Ose anị ọ rị Ipirisira nị. Oò yi kù ẹnẹ ẹnịnị hụrẹ ẹtẹ Itari vẹ. Ệ hụụ ịzọọ, agụvị ka ohinọyị Ịkịrawụdịyọsị ộ mẹ̀ ọda ka à dụ avaba Aniju nịnị jịnẹ hụrẹ Iroomi. Dị Ịpọọrụ ne hee wa,

Odeyi 18:26

Di o nyima aa sị ọtụtụrụma kà ịrẹyị ini irehi Ohomorihi Aniju nị. Ípirisira ọnịrị Akwira mẹ̀ wụ́ ịrẹyị anị, dị ẹ sị ọọ nọ ini eehi, dị ẹ sị oze Ohomorihi zụ̀ ọọ ẹtẹẹrẹ huna avọọ nị.

Odeyi 18:27

Ịjị Aporo ka oni ee sì ka ọnị ọ̀ nọ Akaya, dị ọdọwụ nịnị chẹrẹ iwe tụ́ hi ezirẹma ene hi ịzọọ ka ẹ̀ dọ ọ pe ẹngụ nị. Ịjị Aporo tù ịzọọ, ộ mẹ̀ ọgụvọ yị aza oni Ohomorihi mẹ ọyịza yị, dị ẹ dọ wụ́ nị.

Odeyi 21:23

Ịsị yàa kà a wụ, ụ mẹẹ. Â nyị aza ẹnị ẹẹnị ịzẹnị ana zẹẹ ịzẹzẹ.

Odeyi 21:24

Kụ́ wa, dị ẹwụrị wa ọ̀ na vara ẹngụ awụ nịnị ọnịnị! Sí ụta yị wa, dị ẹ̀ zụ kụ́ ịrẹsụ ẹnịnị! Wàa maanị mẹ, avaba aza vaa yẹ ka ịrẹyị awụ anaa kà yị ẹnị vị ireche. E vee ree ka ẹwụ ụvọta vị ana rẹ sị ụvọ za ọda Imosiisi.

Odeyi 21:3

Yê tù ịzị yee re Ịsayịpịrụsị, dị ị hụrẹẹ ụvọ tụ́ eyi ụvọha, dị yaa nọ Isiriya nị. Dị ị na jẹẹ Ịtaya nị, agụvị ka ẹpa aa jị ẹnya ịzọọ.

Aniroomi 16:1

Mee sì ka ma kà a wụ nịnị ka Ipebe onyeyiza ayị vị ọza ọyịza; aa mẹ ọgụvọọ yị anịragụ Ohomorihi ana yà Ikenkire.

1 Anịkọrịntị 9:20

Màa yà ịdị Aniju, dị maa mẹ̀ ebira Aniju, agụvị ma zụ mẹ ka ẹ̀ va dọ Ijeesu Ohinọyị oni Ohomorihi nyị ka ọ̀ dọ yị há wụ́. Mèe tù ịdị aza ana aa mẹ ẹhẹ ẹnịnị anka ọda Imosiisi, dị ẹmị raa mẹ anka ẹnịnị, agụvị dị ma zụ mẹ ka ẹ̀ va dọ Ijeesu Ohinọyị oni Ohomorihi nyị ka ọ̀ dọ yị há wụ́. Ama ẹmị ẹyị kụkụ daka yà ịnị ụvọ ọda kẹnẹ.

Anigaratiya 1:21

Ịrẹma ọnọọ, máa nọ ẹkụra Isiriya ọnịrị Isirisiya.