Odeyi 18:12 - IWE ỌNỊNỊ

¹² A mẹ̀ yị sị Igariyo rị ohinọyị ana jẹẹ yị Aniroomi ịnị ẹtẹ Akaya, dị Aniju nịnị wụsẹ kwẹẹtẹ, dị ẹ za Ịpọọrụ, dị ẹ sị ọọ nọ ikootu nị.

Odeyi 18:12 ပူးပေါင်းရင်းမြစ်များ

Imatiwu 27:19

Ípayireti mẹ̀ yaayịtẹ ịnị aga ọkarẹyị anị, ose anị ộ tụ́ ụtụ hi ọọ ka, “Asị ụ bẹ ụvọ tụ́ ịrẹyị ọnọrụ ọnọọ, oo, agụvị ka ẹ yị nyị ịsị ọ mẹ. Eyi amị ô re ịrẹyị ẹtẹẹtẹrẹ ịnị ụra ajịnị agụvị ịrẹyị anị.”

Ịjọọnụ 19:13

Ịjị Ipayireti vavọọ wụ́ ịrẹyị ọnọọ, dị ọ sị Ijeesu jịnẹ vẹ nị. Dị ọ va yaayịtẹ aha ọkarẹyị anị nị. Aā hị́ ịzọọ “Oze ịrẹta”, ama Igabata Ániheberuū hị́ ọọ nị.

Odeyi 13:12

Ịjị ọnọba ọnọọ re ịsị ẹ mẹ, ộ dọ Ohomorihi wụ́, agụvị ka ịrẹyị Ohomorihi ọnọọ wụ́ ô hí oo irenu.

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 13:7

Ozi Ijeesu vị ọnya ini ezi ahụ ọnọba ẹkụra ọnọọ ana aā hị́ Ịsagịyọsị Ịpọọrụ. Ộ yẹ ịrẹyị ẹtẹẹtẹrẹ. Ọnọba ọnọọ ộ hị́ Ịbanabasị ọnịrị Ịsọọrụ nọ ịdị anị, agụvị ka ee sì ka ọnị ọ̀ wụ́ ịrẹyị Ohomorihi.

Odeyi 13:8

Ịrẹha ọnịsẹ ireche ọnọọ ọ rị Erimasi ịnị ẹkụra Anigiriki nị; iruvo ịrẹha anị vị ọnịvọpa. Erimasi ọ yị zẹẹ Ịbanabasị ọnịrị Ịsọọrụ; ee sì ka ọnị ọ̀ vara ọnọba ọnọọ ayị ka asị ọ dọ Ohomorihi wụ́.

Odeyi 14:19

Aniju ẹnyị ệ hụrẹ Antịyọkị (ịnị ẹtẹ Ipisidiya) vẹ, ẹnyị ẹ rẹ hụrẹ ẹkụra Ayịkọnịyọmị vẹ. Dị ẹ tụ́ anẹkụra ẹnẹẹ ịrẹyị, di e ne Ịpọọrụ ịrẹta, di e tura a hụụnị ẹkụra nị. Vị ẹnịnị ro ka ô wusu nị.

Odeyi 14:2

Ama Aniju nịnị ẹnẹ ẹ̀ yị zẹẹ ka ẹnị ẹ̀ dọ wụ́, ẹ rẹ tụ́ Anigiriki nịnị ịrẹyị, dị ẹ sị ayị vara tù ọdọwụ nịnị nị.

Odeyi 17:13

Ịjị Aniju ene hi Ịtẹsaronika wụ́ ka Ịpọọrụ ọ na kà ịrẹyị Ohomorihi Íbereya, dị ẹ nọ ịzọọ, dị ẹ na tụ́ aza ịrẹyị ẹtẹẹtẹrẹ nị.

Odeyi 17:5

Ama Aniju nịnị aa kụ̀ ụhị. Dị ẹ na tọ̀ọ́ aza kẹnẹ-kẹnẹ hụrẹ oze vẹ, dị ẹ kụ́ ẹngụ gụ nị. Dị ẹ za ẹkụra, dị ẹ vàa zí nị. Dị ẹ hara nọ ini eehi Ijasoni, di eyee sì ka ẹnị ẹ̀ sị Ịpọọrụ ọnịrị Isira tụ́ ẹhẹ yị aza nị.

Odeyi 18:11

Dị Ịpọọrụ yà ịzọọ mẹ ịrayị ọnya tụra ụhwẹ ịhịnọnyị, dị aa sị ịrẹyị Ohomorihi zụ̀ aza nị.

Odeyi 18:27

Ịjị Aporo ka oni ee sì ka ọnị ọ̀ nọ Akaya, dị ọdọwụ nịnị chẹrẹ iwe tụ́ hi ezirẹma ene hi ịzọọ ka ẹ̀ dọ ọ pe ẹngụ nị. Ịjị Aporo tù ịzọọ, ộ mẹ̀ ọgụvọ yị aza oni Ohomorihi mẹ ọyịza yị, dị ẹ dọ wụ́ nị.

Odeyi 19:21

Ịrẹma ịsa ẹnẹnị, dị Ịpọọrụ ro o tụ́ ịnị ayị anị ka, ọnị ọ̀ọ raà zị oze Imasedoniya ọnịrị Akaya na para hu, ọnị raa nọ Ijerusarẹmị nị. Dị ọ ka, “Màa raà nọ ịzọọ, â nyị ka ma rẹ nọ Iroomi bẹẹ.”

Odeyi 25:10

Dị Ịpọọrụ ka, “Ini ikootu ohinọyị Aniroomi mị jẹẹ booro aanị nị, ịzẹnị a vọrọ ka à yà mẹ̀ ọkarẹyị amị nị. Ẹwụ ụvọta ộ yẹ ka ẹ yị nyị ịsa odivi ọnị mị mẹ Aniju nịnị.

Aniroomi 15:26

Anịragụ ene hi Imasedoniya ọnịrị Akaya nịnị ệ sị tụ́ ịnị ayị ka ẹnị ẹ̀ tụ́ ẹkẹhị na mẹ ọgụvọ yị aza Ohomorihi ene hi Ijerusarẹmị ẹnẹ ẹ̀ yị nyị ẹkẹhị.

Aniroomi 16:5

Rẹ kụ́ anịragụ Ohomorihi anaā gẹ ini eehi ịda ẹnịnị mị! Kụ́ Epeenetu mị ẹtẹẹtẹrẹ, mâ da sì ịrẹyị anị kẹnẹ. Ọnị ọ vị ọnịpaapa ịnị ẹtẹ Esiya ana sị ayị tụra Ikirisiti nị.

1 Anịkọrịntị 16:15

Ẹwụ nịnị ẹyịnyara amị, wâ yẹ Isitihwanasị ọnịrị aneehi anị nịnị. Wâ yẹ ka ẹnị ẹ̀ vịdị dọ enube ọyịza wụ́ ịnị avaba aza ene hi ẹtẹ Akaya nị. Avaba ẹngụ ẹnịnị ẹ́ yaa sịị mẹ ọgụvọọ yị aza Ohomorihi nị. Aarịhịnị,

2 Anịkọrịntị 1:1

Ẹma vị Ịpọọrụ nị, Ohomorihi ô sì ọọ ka ma vị ozirẹma Ijeesu oni Ohomorihi nyị mẹ ohinọyị ka ọ̀ dọ yị ha. Ẹmịrị Itimoti ẹnẹbẹnị ayị aa chẹrẹ iwe ọnọnịị tụ́ụ hi wu nịnị anịragụ Ohomorihi ene hi Ịkọrịntị beri avaba aa Ohomorihi ene hi ẹtẹ Akaya nị.

2 Anịkọrịntị 11:10

Mâ sị ịzẹyịza Ikirisiti, ana yà ịnị ayị amị ta ivenu, ka ẹ yị nyị ọza ana va zụụ mẹ ka asị mị kụkụ rẹ̀ maanị wo oto ịnị ẹtẹ Akaya.

2 Anịkọrịntị 11:26

Ịnị ụsẹ ọnị yaa zịịzị, ịjị ẹnyị enyi ka ọnị ọ̀ kụ́ yị, ịjị ẹnyị oyi dụ yị. Dị anda ayị ẹnịrị Anigiriki aa mẹ ayị hụrẹ ẹmị ịnẹ. Màa yà ịnị ẹkụra, màa yà ịnị avị, angwahi ọ vị nị. Oku vị ayịhụrịnẹ ọta onireche nịnị vị ayịhụrịnẹ.

2 Anịkọrịntị 9:2

Mâ yẹ ka wee sì ka wa mẹ ọgụvọ nịnị. Mâ hyakụ sị ịrẹyị awụ nịnị wo oto yị Animasedoniya. Mâ kà a yị wa ka hụrẹ ayẹnẹ ánda ayị ene hi Akaya hụrẹ ee sì ka ẹnị ẹ̀ mẹ ọgụvọ nị. Ụ mẹmẹ sị ayị sị ọọ nịnị, ọ raà mẹ ka aza ọrụrụ-ọrụrụ ẹnị ẹ̀ rẹ sị ayị sị ọọ.

1 Anịtẹsaronika 2:14

Ẹwụ nịnị ẹyịnyara amị, ịrẹyị óo tù wu nịnị, anka o mè tù anịragụ Ohomorihi ọnị ọnịrị Ijeesu Ikirisiti sị vị ọnya, ene hi Ijudiya. Anẹkụra awụ nịnị ệ sị ụya rị wụ nịnị anka anda ẹnịnị Aniju ẹnị mẹ̀ rẹ sị ụya rị ẹnị.

1 Anịtẹsaronika 2:16

Ẹ yị hyakụ zẹẹ ka ya kà ịrẹyị Ohomorihi yị aza ẹnẹ ẹ yị vị Aniju, ana zụ mẹ ka ẹ̀ zụ há. Ẹnịnị ẹ sị ịvị za ịrẹsụ. Ẹ mẹ̀ vavọọ mẹẹ pooro, ọyịkụ Ohomorihi ọ zị vẹ ịrẹsụ ẹnịnị.

Ijemiisi 2:6

Ama ẹwụ nịnị aa sị oweyii re onosiye. Wáá tamayị ka ọzọbanyị nịnị ẹẹ̄ mẹ ehunaa wụ nịnị nị? Wáá yẹ ka ẹnị ẹ rẹẹ za wụ nịnịị nọ ikootu nị?