Odeyi 17:32 - IWE ỌNỊNỊ

³² Ẹ mẹ̀ wụ́ ka Ịpọọrụ ộ kà ịrẹyị ka aa ha ọzaa hụụnị isu, aza ẹnyị aa kụ́ ọọ isiya. Dị aza ẹnyị ka, “Yee sì ka ye re tenyi ịrẹyị ọnọọ wụ́ ịhị ọsa.”

Odeyi 17:32 ပူးပေါင်းရင်းမြစ်များ

Oyinyima 19:14

Dị Ịrọọtị jịnẹ dị ọ maanị na kà a yị ọyẹ anị ana aa vaa nyị ezi anẹẹ anị. Dị ọ ka, “Kwẹẹtẹ we zwe hụụnị ẹkụra ọnọnị nịnị ka Ẹnẹyịmavara ee vee vu ẹkụra ọnọnị ẹtẹ.” Dị ọyẹ anị ẹnị ee ro o ka vị aa mẹ̀ isiya nị.

2 Ịtọpa 36:16

Ama dị ẹnịnị yaa mẹ̀ ọnụtụ Ohomorihi ẹnẹẹ isiya, dị e eyi wụ́ ịrẹyị Ohomorihi, dị ẹ yaa nyị ọnịsẹ nịnị unyi nị. Ẹvabẹ-ẹvabẹ ẹnẹnị ọ kụ́ Ẹnẹyịmavara ayị hi wa dị ẹ yị nyị ọza ẹnịnị ana ha nị.

Iruuku 14:18

Dị avaba ẹnịnị nyima, di eyee sì ịrẹka irenyi-renyii kụ́ nị. Dị ọnịpaapa kà a yị ozi ahụ ọnọọ ka ọnị ộ hị́ ẹtẹ ọnya, â nyị ka oni ò ne re e. Ọ kà aarịhịnị ọ̀ sị oze yị ọnị.

Iruuku 22:63

Dị aza ana sị eyi pe Ijeesu aa mẹ̀ ẹ isiya, di eyee tụ́ ọọ nị.

Iruuku 23:11

Dị Ịhẹrọdị ọnịrị isoja anị nịnị aa sị Ijeesu mẹ ịyẹyẹ nị. Dị ẹyaa mẹ̀ ẹ isiya, dị ẹ sị awuru nyanga-nyanga chire e, dị ẹ rẹ sị ọọ varẹma na yị Ipayireti nị.

Iruuku 23:36

Dị isoja nịnị ẹnị raa sị ọọ mẹ enyinyi nị. Dị ẹ sị eche ọsụrẹyị va yọ nị.

Odeyi 13:41

“Re nịnị, ẹwụ nịnị onisiya, Ò hí wu nịnị irenu, di u we vu ẹtẹ nịnị! Ịsa ọnị mị vaa mẹ ịnị ụmẹ awụ nịnị, wẹ yị vaa dọ ọ wụ́ nịnị, àa daka kà a zụ̀ wụ nịnị.”

Odeyi 17:18

 nyị aza ẹnyị ana yẹ ịrẹyị ẹtẹẹtẹrẹ ịzọọ. Aā hị́ ẹnyị “Anepikuri”, dị a rẹẹ̄ hị́ ọsa “Anisitoyiki” nị. Dị ẹnịrị Ịpọọrụ sị gẹ tụ́ ịnị ahankata nị, ẹnyị ịnị aza ẹnẹẹ ka, “Sị ọnọrụ ene ee sì ịrẹyịị kà aanị ee sì ka ọnị ọ̀ ka kẹ?” Dị aza ẹnyị rẹ ka, “Vị ọ sị mẹẹ ka vị a nyị ịrẹyị ori ọzọga ọnị ọnị rẹ za vẹ nị.” Ẹ maanị aa kà, agụvị ka Ịpọọrụ ộ kà ịrẹyị Ijeesu ọnịrị ọ mẹmẹ ha hụụnị isu.

Odeyi 17:31

Ohomorihi ộ nyị ẹkụhị ọnya ọnọọ vaa sị sị ịzẹyịzaa mẹ̀ ọkarẹyị avaba anẹhẹ. Ọ vavọọ vaa mẹ ini oze ọza ọnị ọ sị nyị. Ọ raà sị zụ̀ avaba aza ka ịzẹyịza yọ, ọ mẹ̀ ha ọza ọnọọ hụụnị isu.”

Odeyi 17:33

Dị Ịpọọrụ hụụ ịdị ẹnịnị nị.

Odeyi 2:13

Dị aza ẹnyị aa mẹ ọdọwụ nịnị isiya nị, dị ẹ ka, “Aza ẹnẹnị ẹ sị eche hú ẹtẹẹrẹ!”

Odeyi 24:25

Ịjị Ịpọọrụ aa kà ịrẹyị ka â vọrọ ka ọza ọ̀ọ mẹ ịzẹyịza, dị ọ̀ sị ụvọ za ẹngụ anị, dị ọ rẹ ka ẹkụhị ọkarẹyị aa vẹ, angwa ee hí Ịhwẹrịsị. Dị ọ ka Ịpọọrụ ọ̀ọ na da, ka ọnị rẹ vanaa tụ́ hị́ ọọ, ịhị oni òo re oze nị.

Odeyi 25:19

Ịrẹyị ahẹkẹ ẹnịnị ẹ́ yaa kụ́ nị ọnịrị ịrẹyị ọnọrụ ọnya aanị ana aā hị́ Ijeesu ene wusu. Ama Ịpọọrụ ọnị ka ọ yị yàra.

Odeyi 26:8

Sị ẹ vẹ dị ẹwụ nịnị ẹ̀ yị zụ dọ ka Ohomorihi ọ zụ ha oku kwẹẹtẹ?

1 Anịkọrịntị 1:23

Ama ẹyị vị ana aa kịị kà enube ọyịza Ijeesu ana a kanyị za ọchị apavahị kẹnẹ. Enube ọyịza ọnọọ vị ana aa mẹ ka Aniju nịnị ẹ̀ và ịrẹma kà a. Ọ rẹ mẹ ka Anigiriki nịnị è ree ka ụra kẹnẹ-kẹnẹ ọ vị nị.

1 Anịkọrịntị 15:12

Ẹ̀ẹ yaa kà ịrẹyị Ohomorihi ka Ohinọyị ọnị ọ nyị ka ọ̀ dọ yị há ộ ha hụụnị isu, sị ẹ vẹ dị aza ẹnyị awụ nịnị aa kà a ka oku nịnị ẹ yị vaa haa hụụnị isu?

1 Anịkọrịntị 4:10

Agụvị Ikirisiti, ya sị vị ọnụra. Ama ẹwụ nịnị ọnị ọnịrị Ikirisiti sị vị ọnya, wáa sị ẹngụ awụ nịnị vara ọyẹrẹyị. Ẹyị ẹ yị nyị ụkata, ama ẹwụ nịnị ọ́ọ nyị ụkata. Áa sị ụbanyị yị ẹwụ nịnị, ama ẹyị vị ana aa sị eyii wụ.

2 Anịkọrịntị 6:2

agụvị ka Ohomorihi ộ kà a ka: Ọnị ộ wụ́ ịpẹ awụ nịnị ịnị ụmẹ ene zé oni eyi; Ọnị ọ́ rẹ gụ wụ nịnị ụvọ ịnị ẹkụhị ẹdọha. Re, ọyaanị ọ vị ụmẹ ene zé Ohomorihi eyi nị; ọyaanị ọ vị ẹkụhị ọ vị ẹkụhị ọnị ọ zụ sị dọ wụ nịnị há nị.

Anihiburu 11:36

Aza ẹnyị ệ rị ụya ẹtẹẹtẹrẹ, aza màa mẹ wa isiya, di e ree tụ́ wa ịjapa. Â sị ẹba sụ́ aza ẹnyị, dị a rẹ kụ́ wa và hi ịnị ẹngwa nị.

Anihiburu 13:13

À vẹ vi ye ne tù ọ ịrẹma ẹkụra, dị ẹ yà rẹ gà ịnị ụhị anị!