Odeyi 17:28 - IWE ỌNỊNỊ

²⁸ Ini oze anị, ị yà nyị ụhwẹ, dị yaa zịị, dị ị yàra nị. Ọjahẹ awụ nịnị ọnya ộ hyakụ kà a ka: ‘Ezi anị ẹ́yị rẹ vị nị.’

Odeyi 17:28 ပူးပေါင်းရင်းမြစ်များ

Ijoovu 12:10

Ẹhẹ ọzọza vana ya ịnị ụvọ Ohomorihi.

Ahẹ Ụgama 36:9

Ẹwaā mẹ ka avaba ịsa ẹ̀ zụ yàra nị Etohweyi ọnị ụ sị yị ọ mẹ ka yee re ẹtohweyi nị.

Ahẹ Ụgama 66:9

Ohomorihi o reè sere yi, ọ rẹ vaa zẹẹ ka ya hyẹdụ.

Ijeremaya 38:16

Ọ kà, dị ohinọyị Ịzẹdẹkaya were kà a yị ọnị ka, ọnị ộ sị Ohomorihi ana sị ụhwẹ yị avaba aza hị́ eku ka, ọnị ẹ́ yị vaa wụ̀ ọnị. Ọnị ẹ́ yị rẹ vaa hụrẹ ọnị ụvọ yị aza enee si ọnị isu nị.

Ịdanịyẹrị 5:23

Ọ kà ọ raà sị ẹngụ anị tụ ẹba huni Ananyị yị ana nyị ẹbẹẹba agụvị ka ộ kụ ako ọnịrị ẹnya ana a kụ hụụnị irehi Ohomorihi dị ọnịrị ọdọvịdị ẹkụra anị nịnị, ese anị beri onyeehi anị nịnị ee sii hú eche nị. Ako ọnịrị ẹnya ẹnẹnị ẹ yee sii hú eche dị ẹ yaa ka ẹngụrẹhaa ku ori ana a sị igooru ọnịrị isiriva beri enyusẹ ana vọ ọnịrị ọchị beri ịrẹta mẹ ẹngụ nị. Ori ene è yị re ẹtẹ, ẹ yị wụ́ ịrẹyị, di ẹ̀ yị hyakụ va yẹ ịsa ọnyọọnyị. Ama ẹ yị va sị ụbanyị yị Ohomorihi ana nyị ụhwẹ ana aza aa tụ́, dị ọ rẹ nyị ụkata avaba ịsa anaā mẹ.

Iruuku 20:38

Ohomorihi ọ yị vị Ohomorihi aza ene wusu, ama Ohomorihi aza ana yàra; agụvị ka avaba aza vị ana yàra yọ.”

Iruuku 3:38

Ikenani vị ozi Enosi, ana vị ozi Ịsẹẹtị, ozi Adamị. Adamị ọnị vị ozi Ohomorihi.

Ịjọọnụ 11:25

Dị Ijeesu kà a yọ ka, “Ẹmị ọnọnị ọọ̄ ha ọzaa hụụnị isu, dị mị rẹ mẹ ka ọza ọ̀ yàra nị. Ọza ana àa sị ayị tụra mị, ọ̀ọ daka sú, ọ vị vaa yàra pooro zịna-zịna.

Ịjọọnụ 5:26

Ada amị ọnị ụvọta ọ zụ mẹ ka avaba aza ẹ̀ yàra nị. Avọọ ọ mẹ̀ rẹ mẹ ka Ozi anị ọnị ọ̀ rẹ zụ mẹ ka avaba aza ẹ̀ yàra nị.

Iwe Ọhụhị Imosiisi ana aa hị́ Ọyịvatụrọda 30:20

Sì ịrẹyị Ẹnẹyịmavara Ohomorihi awụ nịnị, wụ́ chire e, dị ụ waa mẹ ịzẹyịza ka a na, dị ẹwụrị evere ọ zụ ku orubo ịnị ẹtẹ ọnị ọ hị́ eku anị yị ohiku ẹnịnị Abụrahamị, Ayiziiki ọnịrị Ijekọvụ.

Anikorasi 1:17

O si kù ọnị ọ hụrẹ yà ịzọọ, dị a va yẹ ka aa mẹ avaba ịsa. Ọnị ọ za avaba ịsa jẹẹ nị

Ịtayịtọsị 1:12

Anikirete ọnya ana vị ọnịsẹ ộ vịdị kà a ka: Anikirete nịnị vị enee cheeche pooro, vị ẹẹ̄ mẹ anka uye ịnị avị avọọ nị. Onuworo ẹ vị nị, dị ẹ rẹ vị ọnịnọbanyị nị.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Anihiburu 12:9

Ada ayị ịnị ẹhẹ ọnọnịị̄ sị ụyaa rị yị, dị ị ká ịrẹsụ hi yị wa. Wéé ro ka ayị vọrọ ka ya ká ịrẹsụ hi hu avọọ yị Ada ayị ẹbẹẹba, dị ya zụ yára?

Anihiburu 2:11

Ijeesu ana mẹ ka aza ẹ̀ vị ọnịnị, ọnịrị aza ọnị ọ mẹ ka ẹ̀ vị ọnịnị vi ene dudu nyị Ada ọnya. Agụvị avọọ ụhị ọyị nyị Ijeesu ọyịhị́ wa ẹyịnyara anị.

1 Ịsamụwẹrị 25:29

Ọ kà ọza ọ̀ọ daka ee sì ka ọnị ọ wụ Idevidi, ama Ẹnẹyịmavara ana vị Ohomorihi anị ọ yị vaa zẹẹ. Ọ kà ọnịvị Idevidi vị ẹnị Ẹnẹyịmavara vaa dọ ụhwẹ, di o ne e ta anka a mèe ne ịrẹta hụụnị irova avọọ.