Odeyi 17:16 - IWE ỌNỊNỊ

¹⁶ Ị́pọọrụ mẹ̀ jẹẹ Atẹnị, ee zí wa, ayị ộ kụ́ ọọ ẹtẹẹtẹrẹ, o mè re ka ẹkụra ọnọọ vị ori-ori.

Odeyi 17:16 ပူးပေါင်းရင်းမြစ်များ

1 Ohinọyị 19:10

Di Erija ka, “ụhị vị ọnị mị nyayịnẹ aa kụ̀ agụvị Ẹnẹyịmavara ana vị Ohomorihi anaā kụ̀ ịrẹkụ. Ịrẹyị ẹnị ẹmịrị Anisirẹrị kà tịtẹ, ẹ sị và hụụnị anị, atakuji ịzị a yàa mẹ̀ ịsọvọ wụ, e si o wú và ha, dị ẹ rẹ za ọnịsẹ awụ dị ẹ sị ụ̀hwọ̀ wụ̀ wa va ha nị. Ẹmị ịnyara kẹnẹ ọ kụkụ vọ nị, di e re yèe si ka ẹnị ẹ̀ hyakụ dọ mị ụhwẹ bẹẹ nị.”

1 Ohinọyị 19:14

Di Erija ka, “Ụhị vị ọnị mị nyayịnẹ aa kụ̀ agụvị Ẹnẹyịmavara ana vi Ohomorihi anaā kụ̀ ịrẹkụ. Ịrẹyị ẹnị ẹwụrị Anisirẹrị kà tịtẹ, ẹ sị và hụụnị anị, atakuji ịzị a yàā mẹ̀ ịsọvọ wụ, e si o wú va ha, dị ẹ rẹ za ọnịsẹ awụ, dị ẹ sị ụ̀hwọ̀ wụ̀ wa va ha nị. Ẹmị ịnyara kẹnẹ ọ kụkụ vọ nị, di e re yee sì ka ẹnị ẹ̀ hyakụ dọ mị ụhwẹ bẹẹ nị.”

Ahẹ Ụgama 119:136

M mè re ka aza ẹ yị zẹẹ ka ẹnị ẹ̀ẹ saasa ọda awụ, ẹgọ vị anaaa ká mị eyi.

Ahẹ Ụgama 119:158

Aza ẹnẹ ẹ̀ yị mā mẹ ịzẹyịza vị ọnị ịhyẹrẹ anịị nyị mị. Ẹnịnị ẹ mā saasa ọda ọnị ụ mẹ.

Ahẹ Ụgama 69:9

Ohomorihi, avaba ayị amị mi sị sì ịrẹyị irehi awụ nị Ụhụ ana aza aa kụ̀ wụ vị ọnị mị dọ hi ẹngụ.

Ijeremaya 20:9

Ọnị ọ̀ọ va kà a ka ọnị aa sị ayị hụụnị ịrẹyị Ẹnẹyịmavara dị asị ọnị kụkụ ka a ịrẹyị anị, dị ịrẹyị anị aa rị ọnị ayị anka ịra avọọ. Ọnị ộ sị vụrị ka asị ọnị kà a ama ọnị ẹ yị zụ za a.

Imika 3:8

Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ.

Ịmaakị 3:5

Dị Ijeesu kana eyi sì wa nị, ayị aa kụ́ ọọ, agụvị ka ayị aza ẹnẹẹ ẹ sị katẹngụ baaba. Dị ọ kà a yị osuvọ ọnọọ ka, “Tana ụvọ awụ!” Dị osuvọ ọnọọ tana ụvọ anị, dị ụvọ anị ta nị.

Ịjọọnụ 2:13

Ụmẹ ana Aniju nịnị sịị̄ rị Eche Ọyịparahu ee vee tù, dị Ijeesu aa hịrẹẹ nọ Ijerusarẹmị nị.

Odeyi 17:15

Aza ana sị Ịpọọrụ aa na, ệ sị ọọ ne tù Atẹnị. Dị ẹ varẹma aa nọ Ibereya nị. Dị Ịpọọrụ kà a yị wa ka ẹ̀ kà a yị Isira ọnịrị Itimoti ka ẹ̀ wụsẹ ve tù ọnị nị.

Odeyi 17:21

Avaba Anatẹnị ọnịrị azọga ene hi ịzọọ vị eneē sì ka ẹnị ẹ̀ sị avaba ụmẹ ẹnịnị tịtẹ, dị ẹnị ẹ̀ sịị kà ịrẹyị, dị ẹ̀ rẹẹ̄ wụ́ ịtọpa ịsa ọwọọwa ana àa mẹ kẹnẹ.

Odeyi 17:23

M màa parahu ịnị ẹkụra awụ nịnị, di mi re avaba ịzị ụụ̄ mẹ hẹkẹ nịnị; mê re ụta ọnya anaa chẹrẹ ịsa tụ́ ka: ‘Ohomorihi ọnị ọza ẹ̀ yị yẹ.’ Ohomorihi ọnọọ ọnị ụ waa hẹkẹ nịnị, dị ụ wẹ̀ yị yẹ ẹ nịnị, m maa kà ịrẹyị anịị wụ nịnị aanị nị.

Odeyi 18:1

Ịrẹma ịrẹyị ẹnẹnị, dị Ịpọọrụ hụrẹ Atẹnị, dị ọ nọ Ịkọrịntị nị.

Odeyi 20:22

Booro aanị maa nọ Ijerusarẹmị, agụvị ka Ụhwẹ Ọnịnị ka â nyị ka ma na. Ama mẹyị yẹ ịsị ẹ vaa mẹ mị ịzọọ.

1 Anịtẹsaronika 3:1

Ịjị yẹ̀ yị kụkụ zụ zaa, dị ị kụkụ ka à navọ yị tụ́ Atẹnị,

2Ipita 2:7

Ama ộ dọ Ịrọọtị ana vị ọnịzẹyịza há. Ayị Ịrọọtị vị ana vazi tụ́ ịnị ebira odivi ana aza edivi ẹnẹẹ aa mẹ.