Odeyi 17:11 - IWE ỌNỊNỊ

¹¹ Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.

Odeyi 17:11 ပူးပေါင်းရင်းမြစ်များ

Ijoovu 23:12

Ịsa ọnị Ohomorihi ka ọnị saasa a ụmẹ tụra ụmẹ nị. Ọnị sị ụvọ za ẹtẹẹrẹ nị.

Ahẹ Ụgama 119:100

Mâ yẹ ịrẹyị huna azọkụ nịnị agụvị ka maa saasa ọda ọnị ụ mẹ.

Ahẹ Ụgama 119:148

Mẹ yị sụ pooro ịrahụ agụvị di mee ro ịrẹyị ịsa ọnị ụ ka ụ vaa mẹ.

Ahẹ Ụgama 119:97

Ẹnẹyịmavara, mâ dà sì ịrẹyị ọda awụ kẹnẹ. Mmiī roo nọ ịnị anị pooro nị.

Ụhịrẹyị 1:5

Ọza ana àa yẹ ịrẹyị ọ sị ụtọ pe ụhịrẹyị ẹnẹnị, dị ọ yẹ ịrẹyị hu avọọ. Ọza ọnị eyi anị hweyi vaa nyị eyohweyi hu avọọ,

Ụhịrẹyị 8:10

Ộ ka a sị ụvọ za ịrẹyị anị agụvị ka, ẹnị e zoza huni ẹkẹhị ọnịrị ọmọ nị.

Ụhịrẹyị 9:9

Wàa sị ịrẹyọyẹ zụ ọnịrẹyọyẹ, dị ọ yẹ ịrẹyị huna avọọ. Wàa zụ ọnịzẹyịza ịsa, dị ọ yẹ ịsa ọnọọ huna avọọ.

Ayịsaya 34:16

Na ka iwe Ẹnẹyịmavara di wee re ịsa ọnị ọ̀ vaa mẹ. Ẹ yị nyị inomi ọnịrị uye ene vee vu, ẹ yị ọnị ẹyị vaa nyị ọnọhụva. Ẹnẹyịmavara o reè wo oto anị. Ọnị ụvọta vaa sị ọ sị.

Ayịsaya 8:20

Ọza ana àa kà ịrẹyị dị ọ̀ yị kà a anka ọda ọnịrị ịrẹyị Ohomorihi mẹ̀ kà a nị, ẹnịnị ẹ yị nyị ẹtohweyi.

Ijeremaya 2:21

Maa nyị ụ nịnị jẹẹ anka ọza ana sị uhu ịvayịnị ene hu kere-kere dị o chire tu irenyi avọọ. Ama wee re ịsị ụ kụkụ vị nịnị booro aanị? Vị ụ kụkụ sị mẹ nịnị anka ịvayịnị ana vụ, dị ẹ̀ yị nyị ịsị ọ kụkụ rụra mẹ avọọ nị.

Imatiwu 13:23

Ọza ana dọ ihu ọnọọ tụ́ ịnị ẹtẹ ozoza, ọ vị ọza ana wụ́ ịrẹyị ọnọọ, dị ọ yẹ ịsị ọ vị nị. Dị ọ raa nyị ẹtụtụ nị, ẹnyị ệ nyị ẹtụtụ ẹchẹhị-ẹchẹhị, ẹnyị ẹbẹẹta-ẹbẹẹta, ẹnyị ohurẹẹwụ-ohurẹẹwụ.”

Iruuku 1:2

Aza ana sị eyi re ịrẹyị ẹnẹẹ hụrẹ ụmọrụmọ, dị ẹ rẹ yaa kà enube ọyịzaa zị, ẹ kà a yị nị.

Iruuku 11:3

Navọ wa sị ịsọyịrị ẹkụhị-ẹkụhị ana a vọrọ ka yaa rịị yị!

Iruuku 16:29

Dị Abụrahamị kà a yọ ka: ‘Ẹyịnyara awụ ệ nyị ịrẹyị Imosiisi ọnịrị ọnịsẹ nịnị, ẹ̀ wụ́ ịrẹyị ẹnẹẹ!’

Iruuku 24:44

Dị Ijeesu kà a yị wa ka, “Ịsị mị vịdị sị kà a wụ nịnị, m mẹ̀ yà pe wu nịnị, yị, ka: Avaba ịrẹyị amị ana a chẹrẹ tụ́ Iwe Imosiisi ọnịrị iwe ọnịsẹ nịnị beri iwe ahẹ ụga, ẹ yị zụ nyị ka ẹ yị vaa sẹ”.

Ịjọọnụ 3:21

Ama ọza anaā mẹ ịzẹyịza, ọnịị̄ vẹ ini ẹtohweyi, agụvị ka ee sì ka avaba ọzọza ò re e ka Ohomorihi aa mẹ ka ọnị ọ̀ọ mẹ̀ ịsa ẹnẹẹ nị.

Ịjọọnụ 5:39

Waa kà Iwe Ohomorihi nịnị ẹtẹẹtẹrẹ, agụvị ka wâ dọ nịnị ka ịnị anị, ụ nyẹngụ re ịsị ẹ zụ sị wụ nịnị yàra pooro zịna-zịna nị. Iwe Ohomorihi ọnọọ gẹdẹ-gẹdẹ vị ana aa kà ịrẹyị amị.

Odeyi 10:33

Dị mị wụsẹ tụ́ va hị́ wụ nị. Wâ mẹẹ dị ụ vẹ. Avaba ayị hi ọvịdị Ohomorihi ịzẹnị, yee zí ka ya wụ́ ụtụ oni Ohomorihi ọ̀ọ tụ́ wụ hi yi.”

Odeyi 11:1

Apositeri nịnị ọnịrị ọdọwụ nịnị ene hi avaba Ijudiya ệ wụ́ ka Anigiriki ẹnị ẹ rẹ sị ịrẹyị Ohomorihi dọ.

Odeyi 17:1

Ịpọọrụ ọnịrị Isira ệ zị oze Anhwipori ọnịrị Aporoniya, dị ẹ na ngụ Ịtẹsaronika nị. Irehi ahẹkẹ Aniju nịnị yà ịzọọ.

Odeyi 2:41

Aza ana sị ịrajẹ dọ ịrẹyị anị, â mẹ̀ ọyịhwọzenyi yị wa. Ịhị ọnọọ ẹhụụ aza ẹnị akahị-akahị oze ẹẹta (3,000) ọ vaka ọdọwụ nịnị nị.

Iwe Ọhụhị Imosiisi ana aa hị́ Ọyịvatụrọda 29:29

A nyị ịsa ẹnyị ọnị Ẹnẹyịmavara Ohomorihi sị tẹ̀ yị ẹyị aza: Ama ộ sị ọda anị zụ yị ka ẹnịrị evere ayị ẹ saasa pooro zịna-zịna.

1 Anịtẹsaronika 1:6

Ẹwụ nịnị ọ́ rẹ sị ahụ ẹyị hi ẹtẹ, dị ụ raa sị ahụ Ijeesu Ananyị yịị hi ẹtẹ nịnị nị. Wàa daka rị ụya nịnị pooro, wâ dọ enube ọnọọ nịnị, dị Ụhwẹ Ọnịnị sị ịrajẹ wụ nịnị nị.

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.

2 Anịtẹsaronika 2:10

Ịnị ịsa odivi anị, ọ vaa sị irechee vene aza ene vee vụ ẹtẹ. E vee vu ẹtẹ kẹnẹ, agụvị ka ẹnịnị e yi sì ịrẹyị ịzẹyịza, ana zụ mẹ ka à yaanị dọ wa há.

Ijemiisi 1:21

Agụvị avọọ, sị ụvọ hụụnị avaba ebira ịdọtị ọnịrị ebira odivi nịnị! Ká ịrẹsụ hi yị Ohomorihi, dị ụ wa dọ ịrẹyị oni o chire tụ́ ịnị ayị awụ nịnị. Ịrẹyị ọnọọ ọ zụ dọ ụhwẹ awụ nịnị há nị.

1Ipita 2:2

Ama waa mẹ nịnị anka ozi ọwọọwa eneē sì ịrẹva oyi hú. Ẹwụ nịnị ọ̀ rẹ vavọọ sì ịrẹyị Ohomorihi ọ̀yị wụ́, agụvị dị ụ waa vịraa tụ́ ịnị ẹdọha nịnị,